مركز اجيال الوطن للرعاية النهارية

مركز جميل والطاقم التعليمي فيه متميز قبل كنت ابحث عن مركز ودخلت عليهم ولقيت مدح في قوقل ماب وسجلت ولدي عندهم ومن جد طلعو قد المدح وزياده واليوم ازيد علىيهم واقول الاشخاص المناسبين في المكان المناسب رقي في التعامل واهتمام وناس فاهمه صح تفهم ولدك وتشخصه وتعطيه حقه وولدي تغير للاحسن بفضل الله ثم جهودهم الله يجزاهم خير ويبارك في جهودهم ..😍❣️❣️

إلى إدارة مركز أجيال الوطن الأخصائيات المحترمات أحب أن أشكركم على جهودكم الكبيرة واهتمامكم الدائم، فقد كان لكم أثر جميل في تطورودعم ابنتنا وقد رئينا تحسن ملحوظ جزاكم الله خير على كل ما تقدمونه، وأسأل الله لكم المزيد من النجاح والتوفيق. 🌹 أم الطالبه نوف سالم المربوش

تعليقي مهم ومفيد لكل شخص يهمه طفله سجلت بنتي عندهم من سنين وهي معاهم ماافكر اغيرهم أفضل مركز رعاية نهارية لذوي الاحتياجات الخاصة تدريب وتأهيل الطلاب على اعلى مستوى بطرق تأهيلية وتربوية وفنية ✅ الإدارة متعاونة وفريق العمل على مستوى عالي من الاداء والأخلاق والتعامل والاخصائيات ذو كفاءة ويقدمون جهود رائعه يشكرون عليها نسأل الله لهم التوفيق والسداد ويجعل ما يقدمونه في ميزان حسناتهم

اشكر كل القائمين على هذا المركز الرائع واتمنى لهم دوام التقدم واخص بالشكر استاذات بنتي ديم السبيعي. شاكره لهم جهودهم وصبرهم وحسن تعاملهم مع بنتي

من أجمل المركز ما شاءالله تبارك الله خاصةً طاقم الادرة والاستقبال وجميع العاملين فيها بارك الله لكم وبارك سعيكم ومجهود

السلام عليكم المركز بقمت الروعه ونظافه توب عندهم الحمدلله شي جميل و طاقم العمل بشكل عام فوق تقييم بس عندي ملاحظه هالفتره بتعب والعدوه اللي صايره بالمركز هو كل آلسعوديه تعبانه بس لابد الاتخاذ الإجراءات الأزمه مثل تعقيم الفصول وطاولات طلاب وكراسيهم وفتح شبابيك وتهوية الفصول لان ولدي يتعب وبعدها يكون اموره تمام ويرجع يداوم ويرجع يتعب وخليه يغيب ويجي له إنذار بسبب الغياب طيب انتم شوفو الإشكاليه الموجوده بالفصل بذات ساحه اللي تحت عند الاستقبال بأرده بشكل مو طبيعي واتمنى تعقيم الفصول بديتول وتخفيف درجات المكيفات حتى اللي بساحه حتى موظفات أشوفهم تعبانات لازم تعقيم المركز فترت الليل أو العصر او وهم مداومين اهم شي نقلل من هذي الفيروسات لوسمحتو والله أني احب المركز بشكل بحسن تعاملكم وعارفه بتسوون اللي حنا نطلبه لكم حرصه على سلامتكم

اكتب تجربتي بكل مصداقية وامانة بعد مدة سنة من التسجيل في المركز : أولاً جميع من في المركز سعوديات وهذا شيء مطمئن جداً ولله الحمد والمنّه باستثناء عاملات النظافة ، قابلت المديرة وقابلت وحدة اتوقع مسؤولة في المركز عايلتها العنزي كانوا جميعاً خلوقات ومحترمات ويطمنون الام بنماذج عايشونا سابقة فهذا شيء يشكرون عليه وجداً جزاهم الله خير .. حتى لو كان فيه غياب يتصلون ويتطمنون واذا تعبت اختي يتواصلون معنا على طول يعني كان التعامل ١٠٠٪؜ رائع . ثانياً : المستفيدة اختي شُخصت باضطراب طيف توحد وتأخر نطق وتخاطب وتأخر نمائي الله يشفيها ويعافيها عمرها سنتين وشهرين مدة التسجيل في المركز سنة كاملة قبل التسجيل زرت المركز و تعرفت على المرافق والخدمات المقدمة و اتضح لي ان كل المستفيدين اكبر منها سنتين أو اكثر فكان فيه تباين واضح بين الاعمار في قسمها وهذا خطأ"مني" مفترض من البداية يكونون بنفس العمر لأن هذا اثر على استفادتها جداً جداً لكن الفاضلة طمنتني ان بستفيد بإذن الله. ثالثاً: اعتب على المركز بنقاط كثيرة ابرزها في التقارير المرسلة لي كانت مذكورة مهارات تعلمت عليها اختي مب حقيقية ! على سبيل المثال مذكور"تعلمت كيف تربط الحذاء.بشكل جيد" .! عفواً ؟ انا اختي الملعقة ماتعرف تمسكها ولا السترو فما بالك بربط خيوط الحذاء .. تعلمت اصوات الحيوانات واتقنت ربطها مع الحيوان .. معلومات كثيرة بالتقارير كانت غير صحيحة بتاتاً .. نعم اصدق ان حاولوا تعليمها وتدريبها لكن اذكروا المستوى وانها فشلت بهذه المهارة لأن التقارير هذه نعرضها للاستشاريين في المستشفى والحالة امامهم ماتعرف شيء وكانوا كلهم يسألون عن اسم المركز ليش التقارير كذا ماتطابق الواقع مرة كان فيه غرابةواستنكار من قِبلهم. رابعاً : اختي كانت تحتاج جلسات للنطق وتخاطب بشكل كبير ومافي تطور من هذه الناحية ابدًا محزن جداً نكون متفقين من البداية على خطة مع المركز وبالنهاية ما تحققت المخرجات المستهدفة ابداً كانت تروح وترحع والفايدة صفر و اغلب الوقت كان لعب في المركز . خامساً : رائحة المعقم او المنظف المستخدم في المركز كانت تمسك بشعر وملابس اختي من كثر ماهي قوية🫠 يعني هي كانت تتنفس هذه الريحة ويعتبر شيء طبيعي ؟ انا كبيرة و اختنق من ريحتها لما تجي بعد المركز فما بالك لو كانت هذه اجواء المركز طول الدوام وهي طفلة عمرها سنتين سادساً: المركز يغلب عليه الاعمار الكبيرة من ٥ سنوات وطالع وفيه كبيرات كثير الله يعافيهم فما يناسب الاعمار الصغيرة مرة الا في حالة كان فيه مستفيدين صغار غير ذلك مانصح في التسجيل ابداً بهذا المركز ولا غيره يعني اول واهم نقطة اعمار الموجودين عشان الفايدة لأن بالنهاية كل فئة عمرية يدمجونهم سوا بحسب ماقالت لي المسؤولة و الصور الي كانت توصلني من المركز . اخيرًا اعرف ان الفائدة الكبرى هي في المنزل وما المركز الا وسيلة مساعدة لكن ابد مافي تحسن هي نفس المهارات الي نعلمها في المنزل مالاحظت فيه اي تطور او مساندة حقيقة وهذا الهدف من المركز والله على مااقول شهيد صارت تسوي حركات من اقرانها ماتسويها هي اصلاً مثل رفرفة اليدين 💔 اتمنى تطوير المركز من ناحية الاخصائيات و المنظفات ذي تنقطع او يكون التنظيف ليلاً والنهار منظفات بدون رائحة حرام جدا الريحة قوية وبالنهاية لكل مركز ميزانية من الدولة لا بأس باخذ دورات للاخصائيات . أتمنى أن تُؤخذ ملاحظاتي بعين الاعتبار كنوع من النقد البنّاء الهادف للتطوير وتحسين التجربة مستقبلاً. *مرفق صورة التسجيل للمصادقية

مره مره عديمين مسؤوليه ولا يعطون الاطفال وجباتهم ولا يغيرون لهم لو في تقييم تحت الصفر قيمتهم لا احد يجيب عندهم أولاده

الشكر والتقدير لكل منسوبي المركز من المديرة والأخصائيات إلى العاملات على حسن تعاملهم واهتمامهم بأبنائنا وعلى اخلاصهم في عملهم وحرصهم على سلامتهم …يوميا استلم تقرير عن نشاط ابني وعن اي شيء يخصه ويهتمون بأدق التفاصيل حتى لو لاحظوا اي إصابة في الطفل من المنزل قد تكون الأم غير منتبهة لها .. فعلا متميزين وأخص بالشكر الاستاذة منال الخثعمي والأستاذة العنود المطيري الي دلتني على هذا المركز الرائع و قد ما شكرتهم ما أوفيهم حقهم … أتمنى لهم التوفيق … والدة رائد النفيعي♥️

شكرًا من القلب لهذا المركز الرائع بجميع منسوبيه من إدارة ومشرفين وأخصائيات وأخص بالذكر الأخصائية والمعلمة الرائعة نورة العتيبي يعجز الكلام عن وصف كمية الشكر والامتنان لهاذي الإنسانة مثال للتفاني وسعة البال والتعامل الراقي أحببناك كما أحبتك ابنتنا سارة ..

مع الاسف الشديد تبديل وحذف في المعلمات كل شوي تخبط من المشرفات وحتى الطلاب كل شوي احد يطلع منهم وينقل

المركز ممتاز مهتمين بطفل من جميع النواحي من تعليم وجلسات النطق والتخاطب وتعديل السلوك والنظافه تنوع النشطه يرجع الطفل البيت باطاقه حلوه ومبسوط المعلمات والاخصائيات حنونات جدًا ،ثاني سنه لولدي بفضل الله ثم جهودهم استفاد كثير ولاحظ تقدمه شكرًا لجميع منسوبات مركز اجيال الوطن كنتم خير عونًا لنا 🌹 اتمنى ان يكبر هذا المركز ويكون له فروع🙏 شكر خاص لمديرة المركز ا. نوف المقرن 🤍 الله يجزاكم خير الجزاء

من لا يشكُر الناس لا يشكُر الله ♥️ شكرا لكم من كل قلبي على تعاونكم واخلاقكم الراقية معلمات المركز جدا محترمات و حنونات و متعاونات و خصوصا معلمات أختي في قسم التوحد تحسنت أختي بشكل كبير بفضل الله ثم بفضلكم و كل الاحترام و التقدير للمشرفة التربوية العنود المطيري صاحبة اخلاق عالية الله يسعدها ويرفع قدرها و شكرا للمراقبة أسيل المطيري صبورة و أمينة على الاطفال و شكرا للمديرة المحترمة و المتعاونة نوف المقرن♥️

مركز ممتاز والله لو فيه اكثر من خمس نجوم لا اعطيتهم ولدي توحد كان غير ناطق ونطق بفضل الله وفضل جهود المعلمات والمديره جدا ممتازه ومتعاوينه انصح بالمركز والله حنونين ابد يطلع من بيتك لبيتهم ♥️♥️

ماشاءالله تبارك الله ابدا فيها تقييمي للاخصائيات المتواجدات مع ابني انا لظروف خاصه ماقابلت الجميع تسجل ابني بشكل مفاجئ مع التشخيص ولا تعرفت بالجميع لوجود طفل رضيع بالبيت فقط مرتين ذهبت معه الملاحظات ابني جداً عصبي اول ماسجلته ويشهد علي ربي انها بعد السنه الاولى معكم خفت العصبيه بنسبة ٩٠٪؜ ونفسيته اتحسنت كنت اشوفه محطم يبكي كل الوقت يقطع قلبي والان باله صار اطول ويضحك كثير ياربي لك الحمد اختي من سجلت اختها بالتعليقات الصبر ثم الصبر ثم الصبر تصير اخطاء وملاحظات لكن اصبري الدمج مو دايم سيء افضل من العزله بالمنزل وبعدها صغيره خليها تلعب التعلم يصير باللعب هي طفله الله يبلغكم فيها وبعيالنا ويجعله في موازين حسناتنا احنا واللي يعطون من وقتهم ويعلمونهم

مركز رائع بكل ماتعنيه الكلمه من حيث التعليم وكل مايتعلق به والاهتمام بالأطفال ونظافتهم ونظافه المركز اما من حيث الإداره فهي رائعه بكل القائمين فيها وأيضا الاخصائيات ع جهودهم والشكر والتقدير للمديره نوف المقرن فهيا تستحق الشكر

جهود عظيمه اهتمام بكل التفاصيل وفقكم الله

المركز رائع مهتمين بطفل ومتعاونين عند ارسال ملاحظه المعلمات والاخصائيات حنونات جدًا ،ثالث سنه لولدي بفضل الله ثم جهودهم استفاد كثير ولاحظ تقدمه اتمني يكون فيه دوام صيفي لان لا يوجد أنشطه صيفيه تناسب ذوي الاحتياجات الخاصه شكرًا لجميع المعلمات 🌹 شكر خاص لمديرة المركز ا. نوف المقرن 🤍 الله يجزاكم خير الجزاء

انا ممتنه لكل الاخصائيات في المركز و اشكرهم على كل اللي قدموه لبنتي جهودهم اثرها ظاهر عندي في البيت بنتي تطورت معهم خلال شهرين تطور ما شفته سنه في مركزها السابق لكم كل الشكر و التقدير و جزاكم الله خير على اخلاصكم و تفانيكم في عملكم

السلام عليكم رحمة الله المركز ممتاز وقائم على كادر سعودي متميز من معلمات وأخصائيات وبالأخص قسم النطق والتخاطب تحت إشراف أ.مريم العنزي لما رأيت من تطور على نطق ابني ولكم من جزيل الشكر والعرفان...