Mah 1234
۹ ماه قبل
روضة مركز عالم فرح من أرقى وأحلى وأزين الأماكن اللي حطّيت عيالي فيها، ومو كلام بس، هذا من تجربة عشتها بنفسي من أول يوم دخلوا فيه الروضة. من أول ما خطيت رجلي عند بابهم، حسّيت براحة ما حسّيتها مع أي مكان ثاني، والسبب تعاملهم اللي فوق الراقي، وحرصهم على الطفل كأنه ولدهم. من أوّل ما أجي أوديهم وأنا مرتاحة على الآخر، عارفة إنهم في أيدين أمينة، لا من ناحية النظافة ولا من ناحية التعليم ولا حتى من الناحية النفسية. المكان دوم ريحته زينة، وكل شي فيه مرتب ومرتب له، الفصول نظيفة، الألعاب آمنة، وحتى الألوان والجدران مفرّحة وتفتح النفس. من الناحية التعليمية، ما شاء الله عليهم، منهجهم واضح وقوي والتأسيس عندهم غير عن غيرهم ما يركزون على التلقين، بالعكس، يشجعون العيال على الفهم والاستيعاب وحب التعلم ولدي قبل كان ينطق بعض الكلمات غلط، والحين تغيّر 180 درجة، صار كلامه أوضح وحصيلته من الكلمات كبرت، وحتى استيعابه للأشياء وتسلسل الأحداث صار أفضل. صار يسأل أسئلة تدل على فضول ذكي، وهذا أكثر شي فرّحني المعلمات، الله يجزاهم خير، فاهمات شغلهن صح ويعرفون يوصلون المعلومة بأسلوب يناسب عمر الطفل. وكل وحدة فيهم قلبها على العيال، تحسّ إنهم ما يشتغلون بس عشان الراتب، يشتغلون من قلب ويهتمون بأدق التفاصيل والإدارة قمة في الأخلاق والرقي أي ملاحظة أو طلب أو حتى اقتراح ياخذونه بصدر رحب ويتابعون الموضوع لين ينحل. الأنشطة عندهم شي ثاني من ترفيهية وتعليمية وفنية وحتى فعاليات خاصة بالمناسبات، كل وحدة منها منظمة ومتعوب عليها. تحسّ إنهم يفكرون بكل صغيرة وكبيرة عشان يطلّعون الطفل مبسوط ومستفيد بنفس الوقت بصراحة مركز عالم فرح يستاهل أكثر من خمس نجوم، ويكفي إنك تودين عيالك وأنتِ مرتاحة ومطمنة عليهم من كل ناحية. الله يعطيهم العافية ويبارك فيهم وفي جهدهم ويرزقهم على قد نياتهم وأنصح أي أم من قلب إنها تختار هالمكان، لأنه من جد بيكون قرار ذهبي لأولادها
