Alfhaid For Car Accessories

ركّبت عندهم إضاءة على الكبوت، وشغلهم فعلاً ممتاز. التركيب تم بدقة عالية بدون أي تجريح للأسلاك أو ظهورها سواءً في الكبوت أو داخلية السيارة. علماً ان سيارتي موديل جديد وكنت متخوف من ظهور مشاكل لكن شغلهم الاحترافي واضح واهتمام بأدق التفاصيل والحمدلله طلعت بنتيجة 💯، أنصح فيهم وبقوة. 👍🏻

تعاملهم ممتاز و الاسعار متفاوته مطلبي لقيته عند غيرهم لكن واثق في الله ثم في الفهيد من ناحية الضمان و الفرق ما يستاهل اخاطر بكهرب السيارة علشانه. تعال بدري علشان تلقالك موقف لأن عندهم زحمة و اللي يشتغلون مضغوطين سيارات

اشوف انه من افضل المحلات فے الغرابي لتركيب الانوار والإضاءات فے السيارة سالم رجل نصوح

بلفه ينسم اذا شريت مافيه ترجيع يقول مالي دخل ولا يضبطه

شريت من عنده داش كام ويمدحه في السناب مدح وشريته منه وركبه لي بي ٥٠٠ريال وقال ضمان ونوعيه ممتازه وبرنامجه عربي ووووووو مدحه وقال لاخرب تعال ومالك هم وضمان وجيته بعد فتره حصل خراب فيه وصلح في توصيله وخرب وكلمته وقال الضمان سنه وانتهى وعطاني رقم وكليله وقال تواصل معه وتواصلت معه قال حنا قفلنا وقفلنا السجل التجاري وقفنا الداش كامات ولا ورجعت للفهيد وعياءوعاد والله ثم والله اني مركبه من عنده ب٥٠٠ريال بس الدنياء تبي والاخره تبي ولا مدحه في السناب ولا ماركبه ويوم خرب ماكنهم يعرفونك مره والله اني لوي شاريه من شركة شاومي بي حدود ال٥٠٠ انه يكدسنين وابرك من منتجاته بس ما الله يخلي شيء يمدححححه لين وصله السماء بالمدح

تعامل راقي وبضاعتهم ذات جودة عالية وأسعار طيبة وراعي الحلال ذو خلق عالي.

ممتاز من تعامل واستقبال ولكن بعض العمال في التركيب يسلك واذا قلت سو كذا قال مايجي

تم تركيب انوار لد لكن الاسعار مبالغ فيها حيث يوجد سعر لشراء وسعر لتركيب والعمال عنده كل واحد يسعر من راسه لتركيب الي بيشتغل عنده يتفق ع المبلغ كامل

شريت جهاز حساس الهواء 29/04/2024 وفي 16/11/2024 الجهاز يطلع لي شرطات بدال الارقام للحساب الهواء واتواصل معكم ولم يتم مساعدتي بالموضوع بشكل كافي واليوتيوب ماضبط معي - خدمة مابعد البيع ماعجبتني 👍🏻. لا انصح بالجهاز

غالي باع لي قطعه ٧٠٠ ريال واخوي شراء من موقع مع التوصل من خارج الرياض ٣٥٠ ريال والله قهر الفرق كثيرررر مع العلم بلغته ولاكان رده زين

ابوعبدالعزيز الفهيد ونعم الف نعم نحسبه والله حسيبه انه من الصادقين الأسعار شوي غاليه بس يستاهل كل ريال 🌹❤️

شريت من عندهم كشافات ليد وصراحه ممتازه مع ان سعرها حار شوي لكن تستاهل وشغلهم ممتاز من ناحية العزل و التمديد يكون مخفي .. الله يبارك لراعي الحلال سعودي وحبيب ونصوح ... المكان زحمة ويحتاج لك حظ عشان تحصل موقف قريب

المحل ممتاز جداً في التركيب وعملهم مميز واسعارهم منافسه لبقيت المحلات الي طيروها المشاهير وابوعبدالعزيز شهادة حق رجل سمح في البيع واشكر سالم وجعفر علي شغلهم الطيب ولهم منى فائق الاحترام والتقدير

محل الفهيد لزينة السيارات من افضل المحلات اللي تعاملت معها صاحب المحل ابو عبدالعزيز رجل صادق ونصوح يعطيك النصيحة اللي تناسب احتياجك بدون مبالغة يتميزون بدقة في العمل وجودة في المنتجات ومصداقية عالية في التعامل صحيح ان فيه زحمة عند المحل لكنها تدل على ثقة الناس فيهم انصح بالتعامل معهم وبقوة خاصة اللي يدور شغل نظيف وحلول مناسبة

بالنسبة للفهيد ونعم الرجل ولاكن شريت منهم داش كام بتاريخ : 2024/6/30 وشابكها على البطارية الاضافيه وبعد يومين طفت وعيد تشغيلها ساعات وتطفي مره ثانية وتواصلت مع الوكيل ولاكن للاسف سيء جداً في الرد ولي شهر وانا احاول يشوفون لي حل ولاكن الى الان ماحلولي الاشكاليه……

تم الطلب من الموقع ودفع الرسوم للتوصيل ولم يتم التواصل معي او توصيل الطلبيه وبعدها تواصل معي المتجر وطلب دفع رسوم شحن مره اخرى لتوصيل الطلبية

ما يردون على الاتصال ولا الواتساب والسعودي مقفل جواله واليماني سليم نفسه شينه والشغل عشوائي والفواتير غلط حوسه في حوسه

خدمة سريعه و ممتازه واشكر صاحب صاحب المحل، واليمني سالم،،

أحلى مطعم كريش بالرياض من بعدك ما حدى يسوي شيش و شاورما ، من الآخر معلم معلم وآستاذ. خدمة رائعة ومميزة ، والطعم رووعة .

من اسوء محلات تعاملهم سي ومنتجاتهم ماعليها ضمان 👎🏻👎🏻وخدمتهم بعد بيع انتبهوا 👎🏻👎🏻