الحبابي للخياطة الرجالية

محترم

خياط ممتاز من ناحية المقاسات والحشوات لكن الفترة الاخيرة عليهم بعض الملاحظات في الخياطه فيها ميلان خصوصاً في الصفطة اسفل الثوب واحيانا عند الاكمام والجوانب. هل الملاحظه مرت على العملاء او حظي يجي على العامل اللي مسبب هالاشكالية ! وللامانه نبهتهم اكثر من مره ولا في فايدة !

الخياط عرفته بالصدفه غامرت وفصلت عنده والله فنان والقماش من افضل الانواع وخصوصاً الاقمشه اليابانيه ،، لكن سعره غالي جدا جدا يعني انا افصل الثوب عنده ب ٣٥٠ للاقمشه اليابانيه و٢٥٠ الاقمشه الكوريه اضافه الى ان نفسيات العمال لك عليها مع ان سعره غالي و النفسيات ماش وزد عليها بعده عن البيت الا اني اجيه لاني ارتاح في الثياب اللي يفصلها

اسوء خياط فيك بالسعودية اجل ثوب ياباني ب ٣٥٠ استهبال هو ولا ايش ومكانه في آخر الارض ليته بالملقا ولا بحطين ولا باي مكان ثاني الله لايبارك برزقهم

أسوء تعامل مع الشخص الي اسمه نور يأخذ مقاسات والتفصيل شي ثاني ومعاملته سيئه لو مفصل ببلاش مو كذا ملاحظه ما يحب يتعامل بالشبكه لازم كاش من أسوء الخياطين الي شفتها ويطرد الزباين وفوق كذا أسعاره غاليه

اشتريت قماش من الكسائي بمبلغ وقدره ، وأخذت الثوب إلى الآن الأمور طيبة ، طبعاً سعر الخياطه عنده 140 ريال ، بس طلعت بالشمس القطعتين اللي تحت اليد مرقعها بقماش من عنده ومن أسوأ الأقمشة ، آخر تعامل معهم من أسوأ الخياطين ..

1/ التفصيل ممتاز 2/ السعر غالي 150﷼ القماش من عندي 3/ الموقع سيء جدا لا يوجد مواقف أبدا عادي تنصدم سيارتك

العمالة في المحل للأسف شايفين انفسهم . ويكلمك بدون نفس . يقولك سعر تفصيل الثوب ( إذا انت جايب القماش معك ) 180 . والا شف غيري . ماعندي مانع لو تحط الثوب ب 500 . بس يكون أسلوبك افضل من كذا

أنا عميل عنده من 15 سنة تقريبا أو أكثر كان في الأول سعره معقول وشغله جيد لكن كل سنة يزيد سوء السنة الماضية فصل لي ثوبين العيد مع أن مقاساتي ما تغيرت من سنوات لدرجة إنه صار يفصل لي بدون أخذ مقاسات ، والغريب طلع هالثوبين أكمامهم ضيييقة وقصيره ، وهالسنة اتصلت عليه من بداية رمضان وقالي تعال وأخلصك قبل العيد و اليوم 28 رمضان وجيته وللأسف ما بعد قص القماش ويقول تعال بكرة بعد 12 الليل ،. معقووول ليلة العيد أجيك بعد 12 هذا وأنا قايل له بسافر 28 رمضان وبعد ما شديت عليه في الكلام قال خذ قماشك ما راح أخيط لك شف الأسلوب السيء والتصرف الأسوأ يعني يوم العيد ما فيه ثوب وحسبي الله ونعم الوكيل وأقول له عطني رقم صاحب المحل ويرفض يقول أنا المدير أرجو إنصافي وأخذ حقي من هذا الخياط حسبي الله ونعم الوكيل

رفع الاسعار للخياطة اذا القماش من عندك اول كان ب١٠٠ ريال والسنة اللي بعدها ب١٣٠ واللي بعدها ب١٥٠ واليوم ب١٥٠ فيه خيارات اخرى غيره . ولا عنده ولاء للعملاء اللي من عشرات السنين يفصلوا عنده . قررت ما عاد افصل عنده لا انا ولا اخواني ولا اولادي لو ينزل الخياطة ب٥٠ ريال .

الخياط ممتاز وتعاملهم جداً ممتاز

اسعار ولا فل خيال انا عندهم ١٢ سنه وذلحبن تدخل يقول لك تبغا ولا روح مفيش اي تفاهم بنقال

المحل اتعامل معه من ٨ سنين اخلاقهم سيئة وشايفين انفسهم اول كانو يسكبون الثوب اخر سنتين غيروا خياطهم صار زفت والحشوات تبقع والثياب تخرب واسعارهم كل مالها ترتفع متناقضين يرفعون السعر والخياط الجديد زفت تفصيله

اخذت منهم ثوب وشاري قماش ياباني بسعر غالي وللاسف ماكمل شهر الا الثوب متنفخ من كل جهة مع ان خياطته والقماش من عندي ب150! صراحةً كنت اعني له من بعيد سابقاً لسعره المقبول نوعاً ما وخياطته حالياً سعر عالي وخياطه رديئه .. ارجوا ارجوا ارجوا مقاطعته لتعديل وضعه .

بصراحة افضل خياط بالرياض يضبط المقاسات عميلهم من 10 سنوات ولا قد غلطو ابدا

اسعارهم غاليه جداً وتعاملهم سيء لا اخلاق ولا احترام للعميل تحس انه الخياط الوحيد الي في الرياض اتمنى من صاحب المحل يلتفت ويشوف التعليقات ويتفاهم مع العمالة الي عنده الاسعار انت حر فيها بس يكون في اسلوب تعامل واخلاق واحترام للعميل

تفاصيل الخياطة عندهم ممتازة ويستحق التجربة وتكرارها عندهم لتميزهم ، وهو من أميز الخياطين في الرياض . سعر التفصيل الآن : 150 ريال - لو القماش من عندك .

ي عمي كثرت فلوسهم الصراحه صارو يتدلعو ع الزبون تحسب تفصيلهم ببلاش وسعر التفصيل 140ريال وبدون قماش كمان زبون متعامل معاهم قبل 15 سنه والحين جيت ابغى افصل ثوب شتوي والزرار من عندي يجي يقولي مافي 🙂 شكرا لتعاونكم السيئ معا زبائنكم الكرام على فكره بسعركم هذا 140 افصل ثوب وقماش مبالغين صراحه …. وانشالله ما تدخل رجلي محلكم ثاني …

في عامل عندهم لابس ثوب ودك تدخل رجلك بفمه قليل ادب وشايف نفسه ومو محترم اسعار مبالغ فيها 150 خياطه بس

الاسعار جدا غاليه ويجب وضع سعر موحد ونفسية الباكستاني الموجود في الفرع غير محترمه وكان الرد تبغى افصل لك او روح مكان ثاني ارخص والله لو يكون عنده افضل الثياب ما عاد افصل عنده