القاعة الفاخرة للأحتفالات

راائعه مرتبه ورايقه وجميله

القاعة كانت جميلة والعاملات متعاونات والمشرفة كانت أكثر من اخت وكلمة حق المشرفة مممرا عسسسل بنت حلال والله تحاول تقدم اللأحسن وتساعد الله يجزاها خير الجزاء ويحقق لها ماتتمنى من خير الدنيا ولآخره يارب🤲♥️

امس كان زواج اخوي بهاقاعه اقسم بالله المشرفه والعاملات كانو جبر خاطر المشرفه اسمها ام امل كانت اكثر من اخت ريحتنا وشالت الشغل والترتيب عناا ملمه بكل شي ماشاء الله وعارفه كل الترتيبات من نفسها والله العظيم ماقد مر علي مشرفة قاعه متعاونه وخدومه زيها ماشاء الله عليها نستاهل اكثر من عشر نجمات وتشتغل هي وعاملاتها بروح حلوه انصح كل احد ناويه ياخذ قاعه تريحه وتشيل عنه هم ترتيبات العرس يحجز عندهم حتى القاعه نظيفه وموفرين كل شي .. لدرجة حتى اشياء اهل العريس وصحونهم تكلفت فيها وحطتها لنا باكياس عند الباب ما اقول الا الله يجزاكم خير بفضل الله ثم بفضل تعاونكم وخدمتكم لنا بعيونكم على اكمل وجه كانت ليلتنا من اجمل الليالي ✨✨✨

القاعه فخمه وحاهزه من كل شيء ماشاءالله تبارك الله ومشرفه الفاعه راقيه في تعاملها ومتعاونه جدا والعاملات قمة في الترتيب والنظام والتوزيعات على الطاولات جاهزه ومرتبه وتوزيعات الايسكريم والعصير والكابتشينو كل شي منسق ومرتب ومنظم والبوفيه اكثر من رائع والاكل ممتااااز بكل معنى الكلمه وجميع من حضر المناسبة كانو مبهورين بالخدمه وبفخامة القاعه وتنسيقاتها وخدمة المباشرات والعاملات وايضا عند الرجال الخدمه خمسه نجوم ……شكرا من القلب على هذا التعامل والحمدلله ان مناسبتنا كانت في هذه القاعه الفخمه

اول شي القاعه تجنن اول ما ندخل سيب كبير ووسع وبعدها القاعه خذينا 250كرسي وحطو لنا اكثر يعني ماحسبو ب التكه غرفه العروسه داخلها حمام الله يكرمكم وفيها سيب خلفي وقت خرجت اخر اليل مااحتجت اعدي قدام الناس في باب خاص طلعت اغراضي السياره ب النسبه للضيافه قهوتهم العربي لذيذه ماهي مويه زي بعض القاعات وكمان وزعو كبشتنو وعصيرات دا كوم والمنسقات والمشرفه كوم ثاني والله كأنهم اخواتي اي شي اطلبو يوفروطلبت تشغيل سوره البقره شغلوها نسيت مسكتي قبل الزفه بثوني راحة جري جابوهاساعدوني في تعديل مكياجي حتي الروج المشرفه اتصل ترد ارسل ترد ومعاي خطوه بخطوه ساعدتني حتي في فستاني والله كانت معايه وقت التصوير وتعدل الفستنان وتوجهني وقت التصوير أخذت دور المصوره والمشرفه الله يسعدها شكرن مشرفه القاعه واحلي مشرفه شكرا للمنسقات علي تعبهم معانا ليلتي كانت تجنن بفضل الله ثم وقفتهم شكرا جدا

الحمد لله خلصنا زواجنا اختيار القاعة كان موفق جدا كبيره ونظيفة ومزودة بكافة المرافق والخدمات .. سلاله ورقي في التعامل .. المشرفة والعاملات متعاونات وذووق جدا ورااائعات .. كل شيء كان حلو وزيما نبغى .. شكرا قاعة الفاخرة ♥️.

القاعه تستوعب قرابة 700 رجل وامرأة نظيفة بالشكل العام الاضاءة والكراسي لابأس بهما المدخل بحاجة للترتيب والاهتمام من ناحية الجلسات والتكييف دورات المياه بحاجة للاهتمام مدخل النساء بحاجة لتسهيل عملية الدخول من العام وإزالة العقبات كذلك عتبة مدخل القاعه الرئيسية للرجال المغاسل بحاجة لتنويع المقاسات بما يتناسب مع طول الطفل كذلك تحسين عملية دفع الصنابير التكييف بحاجة للصيانة في القاعه ومنطقة الطعام والمدخل تتوفر ثلاث بكجات من الاسعار تشمل الضيافة وعشاء النساء تموين تقديمات النساء من وجهة نظرنا غير جيد العصائر ممتازة إجمالا نؤكد على معالجة ماذكر من ملاحظات

رغم حضورنا مبكرا الا ان القاعة كانت مرتبة ودورات المياة كانت نظيفة الى آخر الوقت والعاملات خدومات وشكلهم مرتب والمشرفة الموجودة محترما وتعاملها راقي رغم كثرة طلباتنا الا انها كانت مبتسمه ورائعة منذ وقت دخولنا حتى خرجنا ودائما متواجدة معنا وحولنا ولم ينقصنا شئ بوجودها . بارك الله جهودهم جميعاً .

القاعه فاخره اسم على مُسمى 👍🏻 اعجز عن التعبير كل الشكر والتقدير لإدارة القاعه والعاملات من تعامل من تنظيم من ترتيب كل شيء كان يشرف ويبيض الوجه وشكر خاص لمشرفة القاعه ام امل قمه في الأخلاق والتعامل رغم اننا تعبناها معانا حبتين بس ابتسامتها وطيبتها سابقتها الله يسعدها يارب.

سوينا زواج اخويا فيها وراح اكون منصفة في تقييمي ابدأ بالإيجابيات ثم السلبيات، ماشآءالله القاعة فخمة ونظيفة في كل القسمين الاكل ع الطاولات من معجنات وحلا مرة طعمين وفريش من سعد الدين وعجب الحضور، توزيع الكابتشينو والعصير كان ممتاز والعاملات الله يعطيهم العافية كانو متعاونات ويوزعو وينظفو اول باول، وبرضو عند قسم الرجال كان الشاهي والقهوة ينزل لنهاية المناسبة ما قصرو، عشا النساء البوفيه مرة كان ممتاز وعجب اغلب الحضور السلبيات غرفة العروسة واهل العريس جددددًا صغييررة بالذات حقت العريس يادوب اغراض ومساحتها تقريبًا مترين في مترين، المشرفة ام امل استغربت من التعليقات الكل يمدح لكن اللي شفتو بالواقع مختلف تمااامًا كان تعاملها سيئ في اكثر من موقف ومنهم ان لمن العاملات شالو صحون المعجنات والحلا من فوق الطاولات وجمعوها، ماما قالتلهم وزعوها على الحضور وهما طالعين من القاعة قالت المشرفة لا مافي العاملات ما يوزعوا، قالتلها طيب خلاص مو مشكلة خليها ع الطاولة الناس وهما طالعين ياخذو بنفسهم، ردت المشرفة بكل وقاحة تقول لماما وهي كبيرة مافي قومي بنفسك وزعيه!! واي احد بياخذ تمنعه لين ماما قامت توزع بنفسها عشان خلاص ما تبغى مشاكل، والموقف الثاني الكشاف وقت الزفة خرب وبكل بساطة وبرود تقول قدر الله ماشاء فعل خلاص تنزف كذا !!!! وبعد الزواج المشرف المصري ما اعرف اسمه قالنا لو قلتولنا ترى فيه كشاف احتياط!!! يعني اذا المشرفة ردت كذا وما تعرف عن الاحتياط وزفينا العروسة بدون كشاف اجل مين اللي يدري عن الكشاف الاحتياطي!!! وكمان في ترتيب العشا كان فيه تبسي وماما طلبت من العاملات بس ينقلوه من طاولة لثانية وجو العاملات عادي بيشيلوه بس نفس الشي المشرفة منعت وقالت خلي الشباب اللي عندك يشيلوه واضطرينا ندق على اخواني وهما في استقبال الرجال يجو يشيلو التبسي اللي ماكان عند العاملات اي مشكلة انهم يشيلوه، وكذا مواقف كثييرر معاها ترادد على كل صغيرة وكبيرة وتمنع وتزنقها علينا لكن ما نقول الا الله يهديها وياليت تنظرو في امرها لان حقيقي القاعة جدًا حلوة وكل الحضور عجبهم الزواج من خدمات وقاعة وعشا وكل شي لكن لمن تكون وحدة تناقرك وتراددك على الصغيرة والكبيرة كذا في يوم الواحد مو ناقص يعني!!

خدمتهم جدا رائعه بذات مع المنسقه ام امل ماشاءالله عليها هي وعاملاتها وتقديمات القاعه مره حلوه صراحه ام امل انسانه خلوقه وتساعد ومتعاونه انصح ف القاعه كثير 😘

مناسبتنا كانت ب قاعه الفاخره قاعه رائعه واهتمام من جميع الجوانب والخدمات وافضل مافيها مشرفه القاعه ام اموله العسل الحقيقه اخلاقها عاليه واسلوبها جميل ومريح اخر الحفل سلمت عليها واشكرها بكيت والله من المجهود اللي بذلتو ي. الله قامت تبكي معايه الله يسعدها متفانيه في عملها وتقدم فوق المطلوب منها والعاملات زي النحلات الله يحفظهم وبشوشات القاعه ب كل مافيها الله يرفع قدركم ويجزاكم اللخير شكر قاعه الفاخره علي اليله المتميزه جمل الله حالكم

ماشاء الله القاعه مرتبه وحلوه والعاملات والمشرفه متعاونات جدا ومنتظمات في شغلهم ودقيقات ماشاء الله تنظيفهم جميل وتعاونهم اجمل واجمل الله يعطيهم العافيه يحافظون على اغراض اهل العرس وينظمون لهم كل شي كان مناسبتنا يوم10 ديسمبر 19 جماد الثاني وضيافتهم كان رائع ومنظم ومرتب ماشاء الله جزاهم الله خير ماقصروا

من أجمل وأفخم القاعات .. الشكر لله أولاً على تمام ليلتنا بخير؛ ثم الشكر للإدارة على حُسن تعاملهم وجودة الخدمة .. وشكر للمشرفة أم أمل الله يعطيها العافية على رقي تعاملها وطيبتها، وللعاملات المساعدات على الخدمة وبشاشة الوجه لآخر الليلة .. شكرًا لكم جميعاً بكم كانت ليلتنا من أحلى الليالي ❤️ الخميس | ١٤٤٧/٤/٢٤هـ

كان زواج ولدي فيها ١٠/ ١٠ ميلادي شهر ٤ بالهجري عاملات رائعات متعاونات المشرفه ام امل الله يسعدها زوق في كل شي ما اقول متعاونه بل متفانيه تبررررد القلب ماشالله عليها هي لوحدها مكسب للقاعه بشاشتها وحرصها على سير العمل كانها ام العريس ماشالله حتى سلفتنا وصلة تشغيل الزفه من عندها بدون مقابل .الله يبارك لها يارب والضيافه ياجماعه تجنن على الطاولات من سعد الظين وصحن المعجنات كبير مايحتاج اهل الفرح يجيبو معجنات الشوكولاته صحن كبير برضو والله مايحتاج اهل الفرح يجيبو ضيافه خارجيه . القاعه مدخلها جميل ومرتب لكن اتمنيت وجود مرايا كبيره عالجدر مثل اغلب القاعات وهذا نقص انا اعتبره . لان المعزومه اول ماتدخل تدور عالمرايا فالملاحظه مني ان تزيدو مرايات جداريه وليست ستاند .

امس ما شاء الله كانت ليلة حلوة وجميلة .. وأم أمل الله يعطيها العافية كانت جداً جداً متعاونة .. والبنات العاملات بشوشات .. ساعدنني في آخر الحفل في جمع الاغراض .. صراحة .. الله يعطيهن العافية كلهن.. والاخ عصام ايضا كان متعاون ومستجيب لكل رغباتنا والتعديلات المطلوبة.. الله يعطيه العافية

من أجمل القاعات في مكة ماشاءالله أشكر جميع القائمين عليها وأخص بالشكر المشرفة أم أمل على حسن تعاملها وسرعة تنفيذها للطلبات والخدمات واشرافها على كل مافي القاعة من تقديم وضيافة واشراف على التوزيعات والاهتمام لأي طلب او تعليق من أصحاب المناسبة وجميع العاملات كذلك نشكرهم على حسن التعامل

سلام عليكم ورحمة الله اقمت حفل زفاف أخي في قاعة الفاخرة،، احب اشكر الفريق القائم على إدارة الحفل، جزاكم الله خير الجزاء واخص بالذكر السيدة الفاضلة ام أمل ،، قمة في الذوق والأخلاق بارك الله في عملها ورزقها..

القاعه جميله والموظفات عسل بذات المشرفه ام امل ماقصرت متعاونه جداً الله يعطيها العافيه يارب

من أعماق قلبي اشكر اداره القاعه على تجربتي الجميله اللي ما راح انساها ما قصروا ابد المشرفة الحلوه الكتكوته أم أمل الانسانه الراقيه اللي كانت واقفه معانا طول الحفله حسيت انها اخت مو مسؤوله ماقصرت وكانت حريصه على كل شي يعطيها العافية و يسعدها ويكتب اجرها وما انسى العاملات بصراحه عسل على عسل بشوشات سريعات وما يحتاج اطلب الشي اكثر من مره فعلا خلوني مبسوطه باختصار المكان فوق التوقعات وتعاملهم راقي ويستاهل التجربه انصحكم