اداره تعليم الرياض الموارد البشريه وشؤون المعلمات القسم النسوي

اسأل الله العظيم رب العرش الكريم ان كل من سهل ع المسلمين ان الله يسهل عليه ، ادارة الموارد بالنسبة للاجازات قسم الرجال ، يتعاملون مع الموظف بكل ايجابيه ، وينظرون للموضوع من جميع النواحي بحيث لا يلحق للموظف او عائلته ضرر وهذا العشم فيهم والله ، وفي دولتنا اعزها الله. اشكر الاخ سعد الدوسري ومن معه من طاقم. فعلاً اشخاص متعاونين ويسعون لحل الاشكاليات فضلاً عن مديرتهم اتوقع. والله اني م انساكم من دعاي. اما حقين فارس ف الله يعين عليهم. والسلام ختام

كل الشكر والتقدير للموظفين في قسم الرواتب الموظف جاسر/الموظف سلطان قدمو الخدمة ع اكمل وجهه وتعاون بالرغم من انتهاء الدوام مابقي الا عشر دقايق ..

لقد قمت بزيارة مبنى قسم التوظيف استقبلتنا استاذه مها الهندي اشكرها على حسن تعاملها ورقيها وتعاملها معنا ياليت الناس كلها مها الله يسعد قلبهاويرزقها سعادة الدارين ويسخر لها الطيبين من خلقه ♥️😘

إلى الان بعد خمسة اشهر من التقاعد لم تصرف لي مستحقات نهايه الخدمه والسبب مماطله قسم التقاعد في رفع المعامله وعدم رفعها في الوقت المناسب لاأعرف اين الخلل ولازلت انتظر إلى هذه اللحظه لازم تراجعون ولاتعتمدون على الاخوات المداومات في القسم النسائي حيث انه الانتاجيه بسيطه والجلوس ع المكاتب بالهبل دون عمل او فايده ارجو منهم التحرك

مليون نجمة من حارس الامن برا الى موظفات الاستقبال في الداخل الى موظفات قسم الاجازات الدور الأول بالأخص الموظفة ( زواد ) شكرا للطفك. و جزاك الله خير. 💐 💖 🌷 تم حل المشكله في ثواني. الحمدلله على التوفيق والتيسير من رب العالمين. شكراً يارب

لو فيه اقل من نجمه وضعت أسوء استقبال يناقشون قضايا هامه داخل المدارس تهم الطلاب والمدرسه في الممرات... وش ذا ياشؤون المعلمات... ولا حل نهائي فقط ورق والتواصل عن طريق الهاتف صفر يرن ولا مجيب

الله يسعدها الأخت شيخة المطيري في قسم الموارد -الرواتب ماقصرت وتعاملت مع الموضوع بجديه وسرعه وتابعت أيضا لها كل التحية والاحترام .👍

زيارتي الاولى وانطباع جميل تعامل جيد ….يوجد مشكله فقط بالنسبة لدخول السيارات حيث المواقف خارجيه واسعار الكوفي الداخلي غالي جدا ومبالغ فيه حيث سندوتش جبن ب ١٧ و١٣ وكذلك القهوه مرتفع السعر

لو فيه اقل عطيتهم جالسه ساعتين ونص عشان اقابل ريم الشهري موارد بشريه ولامادخلنا عندها المراجعه اللي يقولون كانت صديقه للاسف

ماتطلع منهم لابحق ولا باطل والموظفات قاعدين على جوالاتهم ماعندهم شغل غريبه انه للان ماتسكر

تعامل راقي من جميع الموظفات ألف شكر لكم

مبنى ٣ موظفاتهم لا احترفيه بالعمل ولااسلوب معاملة من الاستقبال الى المكتب متأخرين في الموافقة على اجازتي ٤ أشهر رغم ان المسوغات المطلوبه في فارس تم رفعها الهيئة الطبيبه يبي لهم نزاهه وهيئة الله مستعان

الزيارة الاولى وتعامل سيء جدا من تواضع لله رفعة المفروض انهم يضربون مثل لجميع الادارة بحسن التعامل مع المستفيدين لكن للاسف حسبنا الله ونعم الوكيل في كل من يستصغر الناس

راجعت الإدارة وقابلت الاخت شيخة المطيري ،،ربي يسعدها ويوفقها ابدت الاهتمام وحرصها على عملها ورفعت لي المعاملة وتابعت الموضوع حتى تأكدت انه انحلت المشكلة …شكرًا بنات الوطن وشكرًا لك شيخة كنت في قمة الأخلاق ومثالًا يحتذى فيه في الإخلاص وحب العمل ربي يوفقك ويكثر من أمثالك

هل صحيح انه يوجد حالياً صيانة و ترميم في اجزاء من المبنى ؟

واجهتني مشكلة كبيرة براتبي وراجعت قسم الرواتب وقابلت الاستاذة شيخة المطيري وحضرت معنا الاستاذة نوف ووعدوني تنحل المشكلة واليوم بشرتني استاذة شيخه ان المشكلة انتهت ...شكرا من القلب لاهتمامك استاذة شيخه احترافية بالعمل وإتقان واهتمام ومتابعه كتب الله أجرك وكثر من امثالك🌹

هذا مكتب تعليم الرياض القسم النسوي ( اللي يسمى عند البعض ( التوجية الكبير ) اللي كان خلف ادارة تعليم الرياض اللي قريب من الجوازات ،تم نقله الى هنا المبنى بدون لوحة وتم وضع صور البوابة لتوضيح الله يعين اللي يجي هنا لازم يسئل كذا بوابة وفي الأخير يطلع المكان المنشود هنا خارج المبنى اللي ارسلونا لهمن المقر القديم

كل الشكر للاستاذه احلام الرميح ع خدمتها حلت موضوعي وانا جالسه عندها م احتجت اراجع الرجال ..

اشكر الأخت شيخة المطيري على تعاملها الراقي و تجاوبها مع كل استفساراتي وشرحت لي مشكلتي بشكل مفصل وحلتها لي اشكر اخلاقك العالية وتجاوبك ربي يجزاك كل خير

قسم الموارد البشرية / التقاعد الموظفات متعاونات جداً وخاصة أ/ نوره الموسى قمه في الأحترام والرقي في التعامل وسرعة انجاز المعاملات