بافليون | Pavilion

The place is clean spacious and have good ambiance. Sitting area: Indoor and out door sitting area. Service: is good and fast. Tried shawarma. Shawarma is very much filling and taste is great. Grilled chicken. Was fresh well cooked and tasty. Orange Juice was very fresh and tasty.

زرته مرتين للفطور الخدمة كويسة بس عدد العمال قليل فيتأخرون في الطلب شوي. المكان نظيف ومرتب وهادئ يوجد بارتشن للعائلات وبدون موسيقى ولله الحمد . الأكل لذيذ جدا .خاصة مشكل الفلافل المقرمشة واللذيذة وفول الطاوة واللحسة والحمص . الخبز طازج ولذيذ. التعامل أكثر من رائع. الأسعار معقولة. *يحتاج تغيير للطاولات والكراسي في قسم العائلات صغيرة وغير مريحة مطلقا. *إضافة رتوش جمالية على الطاولات .

الشاورما شوي ناشفه والفطاير ماعليها غبار ان شالله اجرب الاشياء الباقيه 🤣😉🫱🏽‍🫲🏻 المشاوي الكباب لذيذه وجوسي والمقبلات عاديه جدا الحمص سايل للاسف والبابا غنوج مره حامض الثوم 👍🏽😌 وطلبت فروج خرافي صراحه

بكل امانه ما جربت هذا الفرع لكن وانا مغمض اعطيه ٥/٥ .. هذا المطعم الجميل لي معه ذكريات رائعه ايام فرعهم الجميل في المونسيه وخصوصاً البروستد واو بشكل عظيم .. هذا غير كرمهم وطيبتهم وتعاملهم الطيب حزنت كثير يوم اغلقوا فرع المونسية هذا البراند يستحق شهره واقبال كبير ويستحق الانتشار اكثر.. ومن حسن حظي نقلت حي الحزم غرب الرياض وطلع هذا الفرع قريب مني والله يا ان البروستد واحشني كثير وبحول الله وقوته لي معه زياره قريبه جداً

ممتاز حدا للاصناف اللي خذتها في الصور بالعافيه عليكم والموضفين تعاملهم راقي ماشاء الله اتمنى الاستمرار على هذا الشي شكرا لكم السعر اعتبره جيد

تجربتي لبافليون طلبت من عندهم فطور اخذت مشكل فلافل اول طلب لي يوم وصلوه كان فل الفل ثاني طلب لي وصلني المشكل ناقص مافيه كل الاصناف وكان قليل مره وجربت المناقيش ماينمل اخذت زعتر ولبنه منها وخبزهم اللي يجي مع المشكل لذييذ كنه مخبوز بالشام وجربت شاورمتهم اكثر من مره صراحه لذيذه لكن اخر مره جيتهم وانا مجوعه نفسي يومين عشانها اخر شي مااش الخبز مليااان زيت مغطي على طعم الشاورما لكن بالنهايه الاكل نظيف وياليت يكون فيه دقه من ناحيه الشاورما عشان يكمل

من المطاعم إلى راقت لي لان عندهم فطور وهذا المميز عندهم وكذلك عندهم جلسات عائلية وفيها ستاره تقدر تاخذ راحتك وخدمتهم للعملاء مميزه جداً ولي اكثر من زياره وسوف اكرر الزياره في المرات القادمه باذن الله

الأكل لذيذ جدا وخاصه الشورما الحطب وتعامل الموظفين راقي بقمه الأدب والأخلاق خاصه موظف الكاشير

تجربتي كانت ( الفطور الحجازي ) الاكل جيدجدا ومقبول وللأسف بدل مقلق اللحم اضافوا لحم مفروم المنيو اغلبه غير متوفر وكذلك البوكسات غير متطابقه مع الصور ومن ضمن الطلب عصير خلاط برتقال ووللاسف وصلني مويه بالبرتقال النظافه للكراسي والطاولات والاجواء للجلسات الخارجيه تحتاج عنايه اكثر عدم توفر المناديل عند المغاسل

يعجز الكلام والله شورما عربي خيال فل دجاج وطعم ورق العنب حلووووو جدا سلطة الشورما والله رهيبه الاكل كله والله حلو جدًا جدا الكاشير طلال شكرا شكرا شكرًا على الروح والاخلاق الي تخلي الواحد يشتري ويخب المكان ياليت تنقلونه في فزع المونسيه قريب مني🤣🤣🤣 اذا هو يبي طبعًا تحياتي 🫶

الأكل ناشف و سيء الله يكرم النعمه المشاوي لما تشيلها موقفه كانّها مسطره من نشفانها و الشاورما العربي ما ارجع لها لا لون ولا طعم ولا رائحه و المقبلات عاديه بدون طعم كلها تذوقها نفس الشي البيتزا مقبوله طعم العجين واضح عموما توبه

افطرت عندهم بتاريخ 28/1/2025 جيد جدا ولكن قسم العوائل بارد مفتوح على الشارع دفايتهم لايوجد فيها غاز .. لكن تقييم للمطعم 4من 5

تجربتي للشاورما لذيييذة جداً👌🏻😍 صوصها خفيف الي يحب صوص كثير يطلب زيادة صوص

صراحه اول تجربه لي الطعم رائع لشاورما مافيها زفره لذيذة جدا جدا وخاصه الشاورما اللي بالخبز العراقي وعليها صوص مدخن حقهم. والشاورما حشوتها مليانه مثل ماتشوفون اعيد التجربه برافو 🫡

بصراحة بافليون يفوووز✅ هذي خامس مره ونا اجيهم المكان نظيف والموظفين محترمين والأكل لديهم لذيذ واسعارهم معقوله 👍.. يعطيهم الف عافيه

مطعم جميل جدا جدا جدا انصحكم فيه والله خذو شاورما حطب وعصير افوكادو رررروعه

جميل ... والطعم لذيذ ... استقبال ممتاز والشكر العاملين في المطعم والشكر خاص للموظف اركان حيث الحفاوة والتكريم للزباين...شكرا لخدمتهم

مطعم ممتاز اخذت مشكل مشاوي ومشكل مقبلات تقييمه 9 من 10 والتبوله 10 من 10 الاسعار مناسبه للجميع . اتمنى شاي ع البخار 24 ساعه وليس الصباح فقط يوجد به إفطار صباحي .

طلبت وجبتين شورما عربي وبروستد وجبة الشورما في بطاطس قليل جدا وكلمت المحاسب اشرف ولا سوا شي الاكل بصراحة جيد لاكن الخدمة تعبانه في الاخص اشرف

بصراحه المكان جميل والاكل لذيذ وتعامل القائمين والعالميين قمة الذوق والأخلاق الطيبة واشكر الكاشير اليمني