محمد ياسر
۹ ماه قبل
شارع الجزائر – قلب البصرة النابض شارع الجزائر بالبصرة مو بس شارع، هذا عالم بحد ذاته. من تدخل عليه، تحس بروح المدينة، بناسها، بمحلاتها، بصخبها، وحتى بزحمتها المحببة. محلات من كل نوع، من أرقى البوتيكات لحد بسطات الشباب اللي يبيعون من قلبهم، وكل زاوية تحچي حكاية. الليل بشارع الجزائر حكاية ثانية... أضوية، ضحكات، ريحة عطر تمشي وياك، وناس تمشي وكأن الحياة ما توقف. تحس الشارع ينبض، يعيش، يتنفس. وإذا سألوك: وين تلقى البصرة "العدلة"؟ گوللهم بشارع الجزائر.