إيڤ سبا للسيدات | eve spa

يقدمون افضل خدمة اظافر ودائماً متجددين ومتطورين ، والعاملات متمرسين وبشوشين وخدمتهم لطيفة جداً ، دائما اسوي عند لآني مُتقنه وحتى بقية العاملات رائعين اهنيهم 💫🤍

احب هالصالون بكل شي عندهم … جربت عندهم بدكير ومناكير ومرتين مساج اخ مساج السويدي تطق عظامك طق وتسوي مساج راس والوجهه صح وترتاحين بعدها.. ودايما وابدا بجيهم احببب صالونهم العاملات يهبلون واللي على الاستقبال تبارك الله عسوله ماعمري شفت صالون متكامل ماشاءالله🥺❤️‍🔥❤️‍🔥

خدمه تفتح النفس جميل المكان والعاملات اخلاق تهبل وللامانه مو اول مره ويستاهل كل نجمة

بصراحه افضل سبا على مستوى الطاقم كله يجنن شغل البدكيير لايعلى عليه دقيقات وجداً تطلعين راضيه تماما من غير الاستقبال والضيافه وبشوشات يازين نفسيتهن ويعطون كل وحده حقها قسم بالله انه اول مره اجي لسبا بحفر الباطن واطلع كذا راضيه تماما عسسسل وسويت قصه لشعري فريت الحفر كلها ودفعت مبالغ ولا جابن القصه الليدابيها الوحيده اللي ضبطتها لي الفلبينيه ايفلين في ايف سبا ممتازه وجدا وشغلها يجنن دقيقه مره تستاهل عشر نجمات مو خمسه

ما عندي تجربه مباشرة لشغلهم! ومع ذلك مرتين اجي بنفسي للمكان ويرفضون تقديم الخدمه والسبب مكتفين، اتقبل قوانين المكان لكن عاملة الاستقبال انتظرتني أسلّم وبعدها اختار الخدمه اللي ابيها ويوم خلصت قالت ما نستقبل ؟؟؟ ما افهم شغل الاستهبال هذا، الوضوح مطلوب من البدايه.. و اسلوبها ما كان افضل شي

اول تجربة لي في ايڤ سبا المكان جداً لطيف وهادي والجميل ايضاً يخلو من الموسيقى الي صارت في اغلب المشاغل تجربتي كانت مع الموظفة لاني رائعه ودقيقة ف عملها

المساج السويدي جداً اعجبني+منيكير مرتب ونظيف زي ما تشوفون.. نسيت اسم العاملة للاسف لكن اظن العاملات كلهم فيهم الخير.. تجربة بتتكرر بإذن الله

ماشاء الله .. انا متحسفه اني ماعرفته من قبل وهو قريب حيل لي .. علمي فيه كوفي ،، بالنسبه للمكان روووووعه وصراحه جربت فقط المساج السويدي اتعب وانا اقول عجيب جربت بكثير اماكن داخل وبرا الحفر مثل هذا مامر علي ،،( قلوري ) مبدعه واضح مختصه مو حي الله فلبينيه وبتاع كله .. فنانه .. اكررر التجربه وراح اجرب شغلهم الباقي ان شاء الله Wafa

المكان رايق وهادي وكانت ماخذه حمام مغربي والي سوت لي مغربيه اسمها فاطمه فنننننننانه تدعكك من قلب🤣 واسلوبها جميل ماشاءالله اذا جيتو اطلبوها والبدكير كان ممتاز بس حبيت الحمام مغربي اكثر

حلو حيل بس ناقصكم حاجه المناكير الماركه اللي موفرينها جيده بس ماهي ممتازه غير كذا المفروض إذا حطت لي مناكير تحط على الوجه مناكير شفاف يحافظ على الشغل والا المكان رايق وهادئ والعاملات من الاستقبال إلى اللي سوت اظافري ممتازات ويقدمون ضيافة واكيد أرجع إذا وفرتوا ماركات للمناكير اكثر

يجنن سويت عندهم مساج سويدي واو يالراحه كأنها رجعت كل عظمه لحالها مره ارتحت وبرجع لهم طبعاً والضيافه شاي اخضر وتشوكلت انبسطت مره ♥️

سويت البروتين وشغل الموظفات فوق الممتاز وفوق التقييم نفسية حلوة ويشتغلون بذمة وضمير العاملة جين والثانية المغربية اعتقد , الله يعطيكم العافية 💗💗

كنت مع جيسي الشيب خيال طلبتها بالرينا شيب مع بنكش مناكير.. نظييييف جدًا اشتغلت بذمه و ضمير ولاول مره ما اعطي تعليمات بس يمكن عيبها الوحيد انها طولت علي يد و اقدام قعدت ساعتين الا بس بشكل عام ارجع لها اكييد 💅🏽🤍✨

المساج عندهم يجننن تجربتي كانت بالسويدي والموظفه عسل ماشفت منها شي ماعدا الضيافه توقعت احسن من كذا وشكرا لكم تجربة ان شاء الله تتكرر✨🤭

شغلهم حلوو لا كن مررررره يطولون بالبدكير العاملات مو معقوله

شغلهم جميل وأسعارهم مناسبه 🤩

اتوقع مستحيل او صعب يصير شي بالحفر كامل من جميع الجهات. حرام مكان زي هذا تعبانين عليه بس الخدمة ضعيفه جداً. قبل لانجي اتصلنا سئلناهم تستقبلونا احنا اربع بنات نبي خدمة بدكير ومناكير، يوم وصلنا طلع بس فيه عاملة وحده طيب على اي اساس تقولين تعالوا ومافيه خدمه تغطينا كلنا؟ هذا غير ريحة المكان السيئة جددداً جداً. اتمنى تكون الخدمة برقي المكان والديكور.

ما قدرت ما اعلق ولو انها تجربتي الأولى معهم ، بس على قولة الشاعر ليتني عرفتهم من اول العمر بدري🤣🤍 كل التوفيق لهم 🤍

المكان جميل جداً واسترخائي والخدمات برضو والعاملات كل شيء تمام والجميلة فاطمة في الاستقبال ماقصرت 🤝

بصراحه اول مرا اجيه جربت بدكير يدين يجنن خيال المكان والهدوء والنظافه والترتيب حبيت راح اعتمده 👌❤️❤️