FACES

شكرا للاستاذه منى والاستاذه ذكريات الاستاذه ريماس تعامل راقي وخدمة سريعه صراحه دخلت نهاية الدوام وكانت الاستاذه منى تعطيني اجرب العطور شكرا لصبرها وتعاملها يستحقون ترقيه الى مستوى اعلى

السلام عليكم ورحمة الله رزت فرع وجوه وكان زحمه لكن الموظفه (شيخه) م قصرت ساعدتني والبنات (كلثوم اريج ) يفتحون النفس متساعدين ومنورين الفرع 😍 الرسامه ( رزان ) فنانه ما شاء الله عليها يليت يجيبونها دايم مو بس يومين حبيت شغلها والفكره تجذب عملاء 🫶🏼🌷 و ( شوق ) صراحه روحها حلوه وفنانه بالنحت بس لما رجعت البيت انتبهت ان القلب اختفى 🥲 - ملاحظه : بعض الموظفات يتعاملون مع العملاء كنهم خواتهم الأسلوب مو في مكانه في موقف كنت برجع فيه المنتج بسبب عدم توفر حفر الاسم له ردت علي الموظفه ( عادي رجعيه) تضيع تعب الموظفه اللي قبلها يليت تاخذ دورات تدريبيه كيف تتعامل مع العميل وشكرا لكم 😍

بالامس شريت عطر من قوتشي the heart of leo طبعا انا مقتني للعطور ومهتم جدا بذا المجال جيت وشميت عطر التيستر ورحت فيه البيت وكان شي خيالي والفوحان جدا قوي عزمت اني اخذ العطر مع ان قيمته ١٥٠٠ ريال وشريته رشيت العطر في نفس المكان اللي رشيت فيه التستر ولكن مادامت الريحة ولا نص ساعة والفوحان شي يفشل انا ما اعرف تلاعب الشركات هذا وليه كذا اسوء تجربة شراء عطر بالعالم اتمنى لاحط يطيح بالفخ معهم وحتى الهدايا تفشل صراحة ومافي حماية للمستهلك ابدا

اخذت من عندهم عطر سعره قريب ال 1000 وقالت الموظفه يجي معاه كريم صغير عبالي هدايا زي اغلب المحلات رجعت ثاني يوم برجع العطر يقولو مافي استرجاع ولا استبدال لانه كان عليه عرض مع الوشن طيب انا ايش عرفني انه كان بعرض ولا بدون تقولي مكتوب في الفاتوره ليه مايعلمون العميل قبل يعني انا بقرا الفاتوره قبل لا ادفع المبلغ ولا بعد؟؟؟ واسال ع الاداره يقولو بيفتحو بعد العيد طيب انتظر لين بعد العيد عشان يروح علي الاسترجاع ؟؟؟؟ صراحه مصعبين الامور من حقي ارجع استبدل اواسترجع واخر تعامل معاهم للابد

الموظفة جنى قمة في ذوق والراقي الله يسعدها من تعاملها الرائع ودك تشتري المحل كله

تجربة راااائعة جدا..اشتريت عطور لكتب كتاب ولدي وكان حظي جدا جميل مع الموظفات 🌷حصة 🌷وعايشة🌷 اهتمو فيني كثير وعملو لي حفر الاسم والتاريخ عالعطور وطولو بالهم علي إلى وصلت للحجم اللي عجبني وهم يسوون تجربة حفر كل مرة طلعت من المحل مبسووطة كثيرا شكرا لأجمل وأفضل موظفات وجوه/الظهران مول حصة و عايشة

متعة لمحبين العطور هالمتجر، وتعامل اكثر من رائع من الموظفين خصوصاً الأخ مجتبي كان متعاون جداً ويخليك تشعر بالراحة وانت تستمتع بتجارب العطور بطريقته الراقية الذربة الف شكر له شكراً للموظف ( مجتبي ) 🫶🏼 ‏شخص جميل ‏ويملك شغف كبير للعطور ‏عنده كاريزما عطرية مميزة ‏تعامله جداً راقي ‏وطريقته بوصف العطور ‏وانتقاءها حسب ذائقتك ‏احترافية تدهشك ‏ما شاء الله عليه وربي يوفقه.

للأسف كانت تجربه سيئه اخترت عطر واعطوني علبة عطر ثاني مااخترته ! الموظفه اللي كانت معي وانا اختار العطر تفتقر للخبره ماقدرت تجاوبني اسئله بديهيه مثل كم ملِ العطر تقول اااء وتنادي موظفه ثانيه عشان تشوف بدالها كم ملِ 😂وش السالفه كيف توظفت ، انا اكتشفت انه مو العطر اللي اخترته وهي تنحت الاسم على العطر ويوم قلتلهم هذا مو العطر اللي اخترته؟! ، الموظفه الثانيه بدال ماتعتذر وتهديني رفعت صوتها علي ( ليش ماتعلمينا قبل ننحت الاسم مستحيل ترجعين العطر الحين انسي !)، ياليت المحل كان مزدحم وقتها بعذرهم شوي وبقول مضغوطين ، للأسف الشديييد اني كنت مشغوله وقت المشكله هذي ولا ماكان بيصير طيب

كانت تجربه سيئة جدًا جدًا الموظفات مايخلونك على راحتك يدورون وراييي معليش اذا بغيت شي بشتري اسلوبهم مره ينحش الزبون بصراحة غير كذا يعني انا جايه عشان عطر معين تلزميني بعطر ثاني ليه والله الموظفة مابقى شي وتترجاني عشان اخذ عطر دولتشي اند غابانا ماحبيت صراحة وفوقها مايعرفون للعطور ابدًا ماعندهم خبره اقولها ابي هالعطر تطلع لي عطر ثاني وفوقها يوم حاسبت ورجعت البيت اكتشفت مو نفس العطر اللي ابيه !!! شكلها زعلت لاني ماخذت من دولتشي 🤣🤣

كنت ابحث عن عطر و زرت فيسس و سيفورا و موظفات سيفورا افضل بكثير من ناحية المساعدة و الاختيار. و من ناحية الأسلوب صادفت بنت في faces عند تغليف الهدايا و كلمتها مرتين وقت البحث عن عطر معين و وقت تغليف الهدية و كان أسلوبها مو كويس. ارجو النظر في طريقة تعاملها مع الزباين لدرجة حتى عطوني كيس صغير و لما قلت لها البوكس كبير ابغى كيس يناسبه قالت لي لا هذا الكيس مناسب؟؟! و كان في ثلاث شباب متهاوشين معاها وراي برضو

الموظفه ذكريات رائعه هنيالكم يا فيسز فيهااا اسلوب و اخلاققق و كفايه اسلوبها مع العملاءء عسللل اتمنى تترقى 🤎🤎

الموظفة : جميلة اطلق واجمل تعامل مع الزباين وكانت جدا حريصه ان الزبون يكون عنده معرفه بفرصه بخصم ولا نقاط جدا جدا تعاملها كان مره جميل ولطيف ونفسيتها جميلة وبشوشة . جيت عشان شغله وحده وطلعت بمجموعة اغراض شكرا لها ولتعاملها الطيب ربي يوفقها ♥️♥️♥️

اشكر الاخت شروق او شوق موظفة قوتشي على التعامل الراقي و اخلاقها الجميلة واذا بزور هالفرع بيكون بسببها و ايضاً اشكر مديرة المعرض الاخت زهراء على حسن تعاملها الله يعطيهم العافية

الموظفة شوق متعاونة وذوقها رائع في اختيار العطور والتغليف، تستحق الشكر

Had an amazing experience shopping at this store thanks to Mujtaba, product knowledge is on point. He tried his best communicating with me and guiding me as I choose the best option as a gift for my dad. Thank you, Mujtaba. Staff is very friendly and approachable, they offer engraving services also making your gift extra special for your love ones. They made spending money, fun. Will definitely come back!

اخذت عطر kilian paris good girl منه يجنن المكان رائع وايضاً شكراً للموظف مجتبى الناصر رهيب ومتعاون جدا اسألو منه اذا محتارين في العطور هو بيساعدكم

خدمة ممتازة وسريعة جدًا، والتعامل أكثر من رائع. الفريق متعاون ويهتم بتفاصيل العميل ويساعد بكل احترافية. تجربة جميلة وأنصح بالتعامل معه🌷🙏🏻

يقةً خدمة ممتازة وتنوع جميل في العطور، والبائع لديه معرفة عالية ويعرف بالضبط ما يبحث عنه العميل. رغم أني حضرت على عطر محدد ولم يكن متوفرًا، إلا أنهم اقترحوا عليّ عطورًا جميلة جدًا. أشكر الأخ مجتبى والأخت سكينة على حسن التعامل

شكرًا للموظفة ريماس الله يسعدها ويوفقها ويخدم لها ملايكته يارب خدمتني باسلوب جميل وراقي جدًا ووضحت لي كل العروض الصراحة تجربة كانت مُرضية وعملية وسريعة

الله يعطيهم العافية من افضل الموضفين تعامل صراحة الموضفه ريماس والموضفه جميله تجاوب وتعامل مع العميل ممتاز ومساعده في اختيار العطورات وانصح التعامل معهم فرع الضهران مول