Golden Tree

المكان يتكون من دور أرضي ودورين للمرتادين الجلسات مفتوحة واطلالة على الشارع جميلة لا يوجد مصعد للمكان ( لا يصلح لكبار السن ) والمواقف قليلة حلا كيك الفراولة كميته لا يقارن بالسعر وكذلك بقية الأطباق ! فأرجو مراجعة السعر والكمية فأنت تدفع ٢٣ ريال مقابل قطعة لا تملأ الصحن الورقي شيء مؤسف القهوة العربية دلة صغيرة لكن لا تكفي شخصين ! انت تقوم بالنزول واحضار طلبك ! شكرا لكم ... هل ستكرر الزيارة للمكان ؟ رأي شخصي : لا أعتقد

اولا عسى الله يرزقنا وياكم من واسع فضله ونشوفكم من اعلى البراندات المحليه التقيم بشكل عام جيد ولا باس ، طعم الموهيتوا جميل ، طعم الفلات وايت متوسط ، يوجد ٣ ادوار وهي كتالي، الدور الارضي يتكون من البار و يوجد جلسات فرديه مطله على الشارع ويوجد موسيقى ، الطابق الاول يتكون من جلسات عائليه وخاليه من الموسيقى ويوجد دورات مياه ، والطابق الثاني جلسات مختلطه ويوجد موسيقى ويوجد دورات مياه للشباب ، وكما هو موضح بالصور كيفيه الجلسات من الطابق الارضي الى الطابق الثاني ، ((السلبيات ، لايوجد مصعد ، لايوجد مواقف كافيه ، لايوجد اشراف كامل على النظافة لازم اذا انتهى الزبون من الطاوله تنزل للدور الارضي وتنادي احد ينظف بعد الزبون عشان تجلس ، مافيه تنوع بالحلى او ممكن اني اجيهم ب اوقات يكون الحلى مخلص 😅 ، مافيه سرعه مرونه بفريق العمل ))

كنت برفقة صديقتي الصدوقة هدى 💕 وبحكم قرب المقهى من المنزل قررنا نجربه .. طلبنا سبنش لاتيه وتشيز كنافة وطلعنا للجلسات فوق ثم لحق بنا العامل بعد قليل ليصدمني بسؤال خلاني اكره المقهى و أتاكد اننا اخترنا المكان الغلط بكل جراءة العامل يسالني: تبين شيشة ؟ لا حول ولا قوة الا بالله الى هذه الدرجة وصل بنا الحال 💔 بشكل عام توقعت المكان اجمل من كذا .. لكن الواقع ان الجلسات كئيبة جداً و الموسيقى ماتوقف .. اصناف الحلا قليلة اما الطعم فالسبنش لاتيه مقبول .. اما التشيز ماانصح فيه .. والمقهى بشكل عام ماانصح فيه ابداً .. لا يليق بالاسر المحافظة والراقية .. اعتذر لنفسي على هذا الاختيار السيء والغير لائق بمستواي .💔 وستكون المره الاولى والاخيرة باذن الله .. : جوج هنا ولن تعود♥️

المكان جميل وهادي و بالنسبه للطلب كان فلات وايت و ايس سبانش و الاسعار مناسبه واما القهوه موزونه بشكل ممتاز للامانه حبيت التجربه و اتمنى استمرارهم على هالمستوى 👍🏽👍🏽 ..

بداية تجربتي بالمكان جميله لكن في عدة ملاحظات ، اولا الديكور ابدعوا فيه الطاولات كذلك المكان كله جميل ورايق ، ثانيا كيكه العسل ممكن الذ كيكه عسل اكلتها بعنيزه ، لكن، اولا طاولات الدور الثالث كانت متلاصقه بشكل غريب والناس حول بعضها ولافي اي اجراءات احترازيه ، ثانيا التدخين ممنوع ومع ذلك اكثر من شخص يدخن بالدور الثالث وكان شي مزعج ، ثالثا جوده البن الاثيوبي ما اعجبني ممكن يعجب غيري ، رابعا تمنيت لو ان الدور يكون فقط افراد ودور فقط عوائل ، اخيرا الاغاني غريبه مره اجنبي ومره تشطح مصري بصوت عالي يا انهم يشغلون شي جميل او لا يشغلون ابد "ربِّ أنعمت فزد! وعونك ربِّ أستزيد"

المكان جداا عادي .. كانك داخل بيت من دورين .. القهوة انا اخذت سبانش لاتيه حار وتارت وكوكيز جدااا طعمه سيء وعادي تذوقت في مقاهي ثانيه افضل من اللي عندهم كانه حليب ومويا 😞.. الجلسات وكراسيهم مو مريحة ابدااا ..الموظفين لطفاء وتعاملهم راقي لو سالني احد اكرر التجربة مره ثانيه بقول لاااااااااااااااا ابدا ما اعيدها .. بالتوفيق لهم ..😓

المقهى جميل وشيشته حلوه وجميله والله ومكانه خيالي انا جاي من برى القصيم ومدحوه لي شكرا الصاحب مقهى والطاقم كله

المكان كبير نوعاً ما ، فيه جلسات بالسطح حلوة واحسن شي عندهم مصعد الحلويات عندهم لذيذة : جربنا تشيز البسبوسة وتارت البيكان حجمهم صغير مرة اما سان سبيستان حجمها حلو وكانت لذيذة القهوة العربية ليست جيدة بما يكفي وكذلك الاسبريسو لم يعجبني

المكان صغير وملموم وجميل روعة ديكوراته جميلة .. الجلسة مريحة و هادية جداً تصلح للاستكنان والسوالف الهادية الطعام القهوة V60 فلات وايت الحلا كان كراميل تقيمي للحلا جداً عادي سبق طلبت حلا انواع اخرى نفس الشي مافيه شي مميز عادي

احب هذا الكافيه جميل ريفي ، هادي وطاقة الخشب فيه رائعة اسعارهم حلوه من الكفيهات المفضلة عندي اللاتيه موزون وجميل حجم بيكان تارت (ميني) وحبيت الاهتمام بالتفاصيل كوب عادي او سيراميك درجة حرارة المشروب ، جايه اسوي شغلي هنا بكل روقان👌🏻.

جميل جدا وموقعه ممتاز يحتاج لموظفين لا يوجد عدد كافي للخدمة وطريقتهم غلط بتوصيل الطلب الطاولة حيث يبحث الموظف في كل الأدوار والطاولات حتى يصل لصاحب الطلب المكان جميل والجلسات مريحة لا يوجد مينيو حديث أتمنى يكون فيه تطوير لنظام الطلب والخدمة

الخدمه والاستقبال ممتازه جداً .. طبعاً جيتهم فترة الظهر طلبت شيشه تفاحتين فاخر حلوووووه لكن يعيبها السعر مرتفع حبتين زياده 😅 سعرها ب ٤٣ ريال طبعاً ياليت لو يراجع السعر .. لكن عموماً المكان جميل والخدمه من عامل الشيشه فوق الممتازه يعطيهم العافيه ملاحظه بسيطه : ياليت من صاحب الكوفي يضيف ( سكر دايت ) خصوصا للناس اللي مسويه دايت ماراح يكلف شي وحاجه حلوه يكون عندك خيار سكر دايت تجربه جميله وسوف تتكرر باذن الله

زرت المكان رائع جدآ خدمة وستقبال ولا اروع طلبي ايس دريب نوعية القهوة لذيذة وشيشة نخلة صراحة ولاغطة يشكرون جدآ جدآ

الله يهني صاحبه تبارك الله 💘 من أجمل المقاهي بعنيزة، مكان هادىء للعمل والقراءة وديكور أنيق يسر العين وقهوة لذيذة تعطيك روح للحياة ♥️

للاسف الكوفي صار سيئ .. ما توقعت ابداً جيت الكوفي اغير حو اتقهوا تفاجأت ان المكان وانا جالس مرتاح فجأة دخلو 2 وكل واحد طلب ( شيشه ) وغيمو بالمكان وانكتمت وانا ما ادري اذكر المكان ذا فقط كوفي . نزلت للدور الاول رفضو اني اجلس بحكم انه خاص للعوائل المشكلة انتهت كلمة عوائل عندنا الان الجميع واحد والمكان فااااضي مافي احد قلت له بتقهوا واذا جو عوائل ابطلع مباشرة . برضو رفض الاقتراح . استقسرت عن التغير الي صار قالو ان المالك تغيير وتغير كل شي . يعين الله بس المفروض قسم للمدخنين و قسم للغير مدخن احترام يعني . والله لو انا من اهل عنيزة ما جلست دقيقة بس ان جاي من الخارج وانتظر صديق وقلت انتظر بهذا الكوفي وليتي ما فكرة . انتهى .

مقهى جميل من ٣ ادوار لاكن اول مره اطلب قهوه عربيه بدون تمر وطحينه خاصه في مدينه التمور القصيم طلبنا دله و حلى لاتيه جميل طعمه و ايس سبانش لذيذ ب ٤٩ ريال نرجو تقديم التمر مع القهوه

جميل جدا المذاق موزون للقهوة الحلى و الكروسن ممتاز الأسعار مرتفعه المكان مريح جلسات حلوه مه الاطلالة

جميل وهادي وتعامل طيب دورين جلسه داخلية وجلسه مطلة على الشارع ملاحظتي علية الجلسات عليها بقع والمواقف قليله

المكان جميل و هادي و رايق و تعامل الموظفين فيه من أجمل ما يكون لكن يعيبه انه مافيه مواقف و مافيه اهتمام كبير بالدور الثاني .

على العموم الجو حلو جربنا لاتيه وكورتادو وفلات وايت وهوت شوكلت حلوات اما السقنشر حقهم ما اعجبنا لانه بالفستق ولا عطانا خبر الايس امريكانو 👎 الحلا اخدنا كيكه ليمون وحلا ثاني بالشوكلانه وشوكلاته رايز مقبولات بس حجمهن مرره صغير المويه مجانيه