هوت سيب hot sip ( قهوة مختصة )

تجربه كانت رائعه جدا. كل شي لذيذ وجميل والأجواء روعه. الشي الوحيد اللي يضايق ياليت يوسعون المكان ويضيفون جلسات اكثر لان مع الزحمه نطر نجلس واقفين لحد مايخلص الشخص ونجلس مكانه ولا كل شي عندهم يفتح النفس

افضل قهوه فيك يالسويدي 😍😍😍😍 جيتها اكثر من مره ودايم اخذ ايس سيب لذيذ جداً ومميزين فيه اتمنى يبقى نفس ماهو ومايتغير والحلا البوووودينق خيييالي 😍 والموظف الموجود فترة الصباح جداً محترم ويفهم عربي ايضاً قهوة اليوم لذيذه بس شوي خفيفه ياليت لو كانت اثقل بس عموما مكان جميل ورهيب عيبه الوحيد انه صغيييير لو يكبرونه ويزيدون الجلسات 😍 ١٠/١٠

المكان صغير بس رايق واضاءة خافته للي يحب الخافت خدمتهم مره ممتازه والحلا لذيذ بس اضطريت اطلع بسرعه لان الحمام عندهم مقطوعه مويته 🚶🏻‍♀️

المكان متوسط المساحه اويعتبر صغير الطلب كان قهوه اليوم كبير .. قهوة اليوم صغير .. وافل ستيك .. القهوه بشكل عام جيده جدا ومعتدله وهذا شي عجبني . لكن الاسعار تعتبر على قهوه اليوم مرتفعه .. قهوه اليوم حجم كبير بـ 15 ريال !! وسعر صغير 11 ريال هذا اعلى من متوسط الاسعار في منافسين . الوافل لذيذ ويجي مع صوص لذته في الصوص رغم اني مبتعد عن حلويات بشكل عام المكان جميل وملموم ويفتح نفس لكن يعيبه عدم وجود كتابات عربيه والاكتفاء فقط بالانجليزيه داخل المكان .. تجربه بشكل عام جيده .. نتمنى لهم التو فيق

اولاً شكراً للخدمة وللأكل ولتعامل الموظفين وكل شي في المحل جميل ولكن عندي ملاحظة فقط ان قهوة اليوم تكون حارة ولما تطلبها باردة يضيفون لها ثلج وعندي اقتراح من واحد البرادات تخلوه بارد وشكراً

أنا من سكان الشرقيه وكنت ابحث عن كوفي بالرياض وعن طريق اختياري بالصدفه ومن اجمل التجارب لي ف الرياض المكان جميل ورايق وهادي - خدمة ممتازه - والأجمل ادارة المكان السعوديين و العاملين ذوق 👍🏾 وانصح الجميع لزيارة كوفي هوت سيب السويدي

المكان رايق والله وجميل جربت من عندهم ايس سيب والماتشا وعجبتني والله خاصه الماتشا يمي والموظف عسل وأخلاقه حلوه اكرر الزياره لهم

الحلا بودنق كيندر ممتاز قهوة اليوم بارد خفيفة مره كانها مويه الخدمة بطيئة الطاولات بدون وجود المناديل

الكوفي يقع على شارع عائشة بنت أبي بكر (الابراج)، المكان صغير ولطيف لكن يحتاج اهتمام أكبر بالنظافة. الماتشا تحتوي على الكثير من الصبغات، بينما الهوت شوكولات لذيذ. الحلويات شكلها مغري، لكن الطعم عادي. كما أن وجود رائحة غير جيدة في الشارع أثّر على تجربة الجلوس في الجلسات الخارجية

المكان جداً راقي ورايق ويفتح النفس والخدمة ممتازة والحلى لذيذ وقهوتهم مضبوطة ، يستحق تكرار الزيارة 😍🫰🏻❣️❣️.

المكان راقي وجميل وهادي مرة الأسعار متوسطة إلى مرتفعة قليلًا البودينق لذيييذ مرة وأكرره مليون مرة كيكة دولتشي حلوة

المكان يجنن ورايق انصح فيه الصباح للي يبي يذاكر / يروق / يخلص شغله يفتح من ٦ الصباح وهادي

افلح من ذكر الله وصلى على النبي ﷺ كافي متوسط الحجم متنوع المنيو الحلويات كانت حلوه ولغوايص بطله وووش بعد اي والقهوه 10/10 وبس

رحت له مرتين المره الاول كانت حلوه مرره وكان مزدحم ومافيه مكان بس حلو يستاهل واعجبني الوافل والحلو اكثر يحطون الشوكلت جانبي بعدين زرته مره ثانيه واخت المشروب مشروب وريته صورته بس مادري وش اسمه وكان لذيذ الصراحه وكان خاطري بالحلومي بس من حظي خلص اجيه مره ثانيه اي اجيه الان قهوتهم حلو ورايق

المكان رايق وجميلللل حبيت الهدوء الي فيه مرههه ومكان شتوي وفيه جلسات داخليه و خارجيه حبيتهم مره مكان واسع ويصلح للكل سوا أفراد أو عوائل وغير ذلك السويت متنوع عندهم والمشروبات بعد يعني تحتار وش تختار من الذاذه ويكفي تعاملهم واسلوبهم الرائع مكان تدخله وتطلع منه مبسوططط 🥹🤍👏🏻

المكان هادي و جميل مرتب ونظيف الخدمه ممتازة المشروبات الساخنه والبارده مميزة وتستحق التجربه بشكل عام يستحق الزيارة

يجنن يجننن يجنننن من احلى الكوفيهات الي مريتها بالرياض اذا مب هو رقم وحدة ١ اصلاً المكان كوزي و ملموم وحلو وتصميمه يجنن الفي ٦٠ البن اثيوبي مره اعجبتني انا واختي و برضو اختي اعجبها الفلات وايت واظن نوع البن كوستاريكا والحلى كان ٣ انواع كل واحد الذ من الثاني بس الستيك الوافل شي يدووووووووخ من اللذاذة تصميم اكواب الفلات وايت و الوافل خيااااال خدمتهم رائعه جداً المكان نظيف ويلق من النظافة بالنسبات للجلسات في داخليه وخارجية الله يوفقهم يا رب ونشوف فروعهم بكل العالم مب بس بالسعودية 🤍

والله لو فيه اكثر من ٥ نجوم كان حطيت جيته امس واخذت قهوتي ونقشت عندهم واستانست مره الله يسعد صاحب القهوه على التنظيم والترتيب والاجواء الرمضانيه اللي مسوينها وقهوتهم ولا غلطه والحلا بجربه المره الجايه😍 والله ارااااهن على انها افضل قهوه بالبديعه لذيذ لذيذ! الله يسعدك ياصاحب القهوه على هالابدااع

طلبت ايس ماتشا توت رهييبه مره ما فيها مراره نهائياً و شكلها يفتح النفس تعامل الباريستا تبارك الرحمن بشوش و يحسسك انك مرحب فيك و يتأكد إذا الطلب ناسبك كل شي ولا غلطه ما عادا الحمام يحتاج له تعديلات بسيطه .

المكان راييق صدق و الخدمة راائعة صح اني مو من سكان السويدي بس يحضكم فيه الي يبي مكان هادي ورايق يروح و الحلو انو مايزعجونكم بالموسيقى. جربت عندهم قهوة اليوم عندهم لذيذه و الايسد تشوكليت بس حالي مره الي مايبي ياخذ حلى يكتفي فيه مو من محبين الماتشا بس صراحه المكس مع الفراوله روعه اخفى طعمها وصار مقبول الحلى جربت الوافل لذيذ وهش و الكيكه تبع التشوكليت ماادري وش اسمها بس لذيذه *حاليه بزياده للي يحب السويت* لي زياره ثانيه