خياط مزدان

واحد من قائمة الخياطين الممتازين اللي جربتهم خلال السنوات الاخيرة فصلت عندهم خمسة ثياب والحمدالله التفصيل ممتاز جدا اللي اعجبني فيهم سرعه التسليم تقريبا من ٤-٥ ايام عمل. وخدمة مابعد البيع جدا ممتازة واحد من الثياب كان في حبر في الجيب الامامي وتم تغييره مجانا👍🏻 بالنسبة للاكسسوارات بس نوع واحد كان سيء لونه ذهبي وتغير لونه و رجعته لهم وتم تبديله بواحد جديد. سعر الثوب حسب القماش اخذت من اقمشة تويوبو اليابانية وسعر الثوب الواحد ٣٠٠ ريال كل الشكر للاخ الخلوق أحمد والاخ حسان🙏🏻

لو فيه فوق ال 5 نجوم عطيتهم .. استقبالهم رائع ..والاقمشة جودتها ممتازه جدا .. وخياطتهم تبارك الله

جميل وخاصه صاحب المحل محترم وذا اخلاق عاليه

طبعاً انا اول مره افصّل عندهم وجيت يوم شفت التعليقات والمدح اللي عليه بالرغم من ان السعر غالي واخذ المقاسات واستلمت الثوب بعد اسبوع تقريباًولكن كانت الثياب وسيعه وماجيتهم الا بعد شهر تقريباً عشان يعدلون عليها بحكم اني مشغول جداً وماقصرو معي عدلوها ولكن كانت الحشوات عندي فيها مشكله بالرغم اني قلت لهم غيروها ولكن مازالت نفس المشكلة طبعاً انا عطيتهم ثلاث نجمات لأن تعاملهم جداً ممتاز ولكن التفضيل جداً لم يعجبني أبداً وانا غير راضي جداً عن التفصيل مازالت المشكلة معي في الحشوات ولم يتم حلها

فصلت عندهم ثوبين ماشاءالله ممتازين والتفصيل مميز والاخ احمد و عبدالله ماشاءالله لازم تتعاملون مع هالشخصين التجربه معهم غير والخدمه بصراحه VIP يجون للبيت علشان المقاس ويجيبون الثياب لك ماشاءالله عليهم

فصلت عندهم 4 ثياب في اوقات متباعده، وجدت عندهم: 1- التزام بالوقت وغالباً يخلص الثوب قبل الوقت المتفق عليه. 2- جودة الحشوات والتفصيل ما تغيرت علي في الاربع ثياب كلها . 3- الاخ احمد في فرع المربع قمة في الادب والاخلاق الله يسعده يا رب. الله يبارك لصاحب الحلال وبالتأكيد هذا كله ما جاء إلا من حرصه واهتمامه .

انا مجرب الخياطة عندهم.. اذا فيه اكثر من خمس نجوم يستاهلون دقة في المقاسات وخياطة 14 ثوب ولا غلطة.. شكرا مزدان الروضة .. شكرا ابا راكان..

خياط قليل بحقه خمس نجوم بعد تجربة خياطين كثير بالرياض هذا الافضل بلا منازع وتم اعتماده، فصلت عندهم ٨ ثياب وكانت افخم واسكب ثياب فصلتها جوده واتقان بالتفصيل وخدمه وتعامل اشكركم عليها واخص بالشكر احمد على تعامله الراقي وخدمته الاكثر من ممتازه

خياط بمعنى الكلمه تعامل راقي وتفصيل دقيق وراقي

اسوء خياط يالشرق الاوسط وشمال افريقيا ثيابه تتقطع والله فصلت ست ثياب اقل واحد 400 وفيه ثياب ب550 السحابات تتقطع والله كل ثوب مختلف مقاسه عن الثاني مليت وانا اروح اعدلهم وارقعهم لا انصح به سيء جداً

من افضل الخياطين دقه في التفصيل وجود وسرعه في الانجاز اتمنى ان يستمر على الجوده والدقه الاسعار مقارنه بالسوق والجوده والدقه هو الافضل. اتمنى عدم الاعلان عند مشاهير السوشل ميديا والسبب في حال الاعلان سوف تنعدم الدقه والجوده انا فصلت 10 ثياب عنده تعديل لايذكر والتفصيل من افضل الخياطين الموجودين كسعر وجوده ودقه الله يوفقكم ومن افضل الى افضل ان شاءالله

المسؤول " المصري" الذي يُدعى أحمد ، مكسب كبير للمكان، في حُسن التعامل، وصدق الكلام، وشخص مريح جدًا ومتعاون لأبعد الحدود الصراحة: شعور أنك تدخل المكان وتطلع وأنت ضامن أن مايصير خاطرك الا طيب.. شعور يستحق الشكر من هذا البراند السعودي..

والله سي جدا جدا تفصيل ماتجي على مقاس تختلف ثوب من ثوب سويت تعديل مرتين ماضبط جبت القمشه انتبهوا منهم اي والله توبه افصل عندهم والله حرام نصيحه والله

الحقيقة انا جيت الرياض وكنت ادور مكان يرسم الثوب رسم دخلت قوقل ماي وقعدت ادور وحصلت هذا المحل .. المهم فصلت عندهم وكنت خايف ما يطلع تمام لاني قاعد في الرياض ١٠ ايام بس وبرجع المهم طلع الثوب ولا اجمل منه الصدق واكثر من واحد سالني فين فضلت الثوب وهذي المرة الثانية اللي افصل عندهم وصراحة ما خيبو الظن وطلع جميل نفس الاول اللي اخذ المقاسات هندي الله يعطيه العافية وكنت حريص ان يكون اللي ياخذ المقاسات هندي واللي يفصل هندي لان هذي صنعتهم ويبدعو فيها شكرا شكرا لكم 👍🏼

محل خياطة راقي من حيث خامات الاقمشة اليابانية، الامر المهم جدا مهارة واحترافية اخذ المقاس ودقة التفصيل مواعيد تسليم منطقية . الاسعار معقولة في حال تفصيل ٤ ثياب فما فوق الي الامام

انا محظوظه جداً اني عرفت مزدان ومحظوظه اكثر واكثر اني اتعامل مع رسلان عندهم ، بيتي بعييد عن المكان بس عادي اتعنئ علشانه جربت مع رسلان اول تصميم خياطة رائعة جداً جداً الخياطة نظيفه ومتقنة لدرجة القطعة تطلع كانهآ براند غير التعامل معاه مريح وراقي جداً 🤩👌🏻

صراحة من افضل المحلات اللي تعاملت معها سواء اخلاق الموظفين العاملين فيه اللي يحرجونك بتعاملهم الجميل، والتفصيل والاقمشة وياقات الثوب ماتخرب مع كثرة الغسيل، باختصار حبيت اعطيكم تجربتي محل انصح فيه ولازلت عميل لهم للآن.

التعامل راقي جداً. الخياطه سيئة جدا. التعديلات كثيرة والغريب محاولة تبرير اخطاء الخياطة. تجربتي سيئة، حسن تعاملهم لطف الموقف. لا انصح بالتعامل معهم مالم يغيرون الخياطين.

السلام عليكم كم أسعاركم ودي افصل عندكم بس اهم شي الحشوة قوية وتفصيل بالملي

بصراحة من افضل الخياطين وانا ما قيمتهم الا بعد ما فصلت مجموعة ثياب ولبستها فترة من الزمن وكانت تجربة جميلة واتقدم بجزيل الشكر للاخ اسامة والاخ احمد كانو قمة في التعامل والذوق واتمنى لهم دوام التوفيق.