ليزا سبا LISA SALON & SPA (مركز نسائي)

سويت عندهم مساج وطلعت منهم ريشه من الخفه والراحة الحمدلله شغل احترافي ومكان راقي شكرا مرره على اللي قاعدين تقدمونه راح اعيد التجربه اكيد وبوصي عليكم اتمنى تستمرون نفس مستوى النظافه والاحترافيه 🙏🏼

سويت عندهم اظافري وسوتلي العامله مساج ليديني هديه من الموظفه شغلهم جميل جدا مرتب ونظيف ودقيق. واخلاق موظفة الاستقبال راقي جدا وذوق الله يسعدهم سبا جميل جدا

مكان راقي ومريح اللي سوت لي جوي مره دقيقة ومتقنة وبالبداية الاستقبال شوق ام فارس مره عسل وتعامل اكثر من رائع صراحه مكان رايق ودايم بجي

المساج حلو ولكن الرسبشن غير مريحة تحاول تستغفلك قدر الإمكان

سويت عندهم مساج علاجي شي خياالي ب اذن الله تجربة بتتكرر🙏🏻💕💕

ماشاء الله شغلهم احترافي الوالده سوت عندهم مساج ومناكير ومدحتهم مره

كان عندي اصابه في الظفر وشرحت هذا الشي قبل الحجز اني احتاج عامله تقدر تبرد لي الأظفر وجابوا لي عامله ثانيه عورتني ما أعيد التجربه ،،غير التأخير وتقديم ناس اخرين

جربت المساج العلاجي وكانت تجربة أكثر من رائعة ✨ راحة واسترخاء من أول جلسة فعلاً فرق معي كثير 💆‍♀️

يشهد الله علي افضل مساج بالحياة جربت خدمات مساج كثير بس ليزا والله يفوزون من ناحية الخدمة والاسعار اتعامل معهم من لما كانو هوم سيرڤيس الف شكر لكم وبالتوفيق يارب عقبال يكون فروعه على مستوى المملكة ياافضل سبا 🩵🩵🩵🩵

المساج خيالي ، مرررررة انبسطنا عليه، زبونه دائمة ان شاءالله وجاري تجربة باقي الخدمات

سيئ صراحة الاخلاق لكم عليها و المناكيرات ياراسي صالون كبير مافيه الا ١٠ او ١٥ لون مناكير ؟ و ليت الالوان صاحيه خيارات تجيب الهم ياليت تتطورون شوي

من عام ٢٠٢٢ متعامله معها قمه بالذوق والاخلاق والتجاوب السريع الله يسعد قلبها واختيارها لعاملاتها ممتاز 👍🏻

صراحه تعامل زفت من المديره او المسؤله حصل موقف قدامي تهاوش بنت واضح انها صغيره عمره ١٦ تقريباً مراهقه عشانها استشورت شعرها العاملة وطلع بخار وتهاوش انتي طيرتي زبايني وغسلي شعرك زين وصراخه ماتوصل ومزعجة كل شوي اشوف الفاتوره خلصتي ولا لا نظام مديرة مدرسه غلط من يوم عرفت نفسي ادخل اغلى الصالونات ويطلع للستشوار بخار مهب جديد

مستحيل ارجع له عدلت على كلامي لاني ماقدرت اكتب تعليق جديد بس رداً على كلامك تمت خدمتي وبشكل سيء والاثبات موجود.. تراك مضيعه الوجهه ومدري من تتكلمين عنه ومن تقصدين خدمتي كانت قص شعر لما رجعت البيت كان جهه اطول من جهه والشعر من ورا فيه خصل ماانقصت حتى.. هذا غير عن اسلوبكم فالتعامل ف الصالون وف قوقل ماب. اول مره اتعامل مع ناس بهذا الاسلوب

تعامل غير إحترافي و سيئ ، حجزنا انا و صاحبتي على أساس موعدنا 11:30 بالأخير يصير فيه إنتظار إلى الساعة 2 هذا غير الرجاء نخليه بكره من البداية قولي ما فيه حجز و خلصنا غير اني طلبت الشيب يكون Round بالأخير سوو لي Stilettos يعني ما ادري وش اقول و ما راح اسامحك على كلام ما ننظف ورانا لأن نظفت وراي ما راح تشككيني بنفسي عشان تطلعون نفسكم بصورة كويسة تقبلوا النقد و اعترفوا بالأغلاط

اول حاجه حسيت الخدمه ( غير احترافية ) من ناحيه الحجوزات احجز واكلمهم ويجحدون ولما اقول اوك بنتظر احسهم مايبوون يخدموني اول مره اواجه كذا، (يقولون لي تعالي بكره ) من البدايه ليه تقولون لي متاح الحجز بالواتس والاتصال ونتفق على وقت ليه استغفال الزبون؟؟؟ العاملات بس ثنتين تأخير على غير سنع ، ماانصح + عدلت المراجعه عشان اضيف على كلامك الي راقبي الله

مره حبيت شغل الأظافر عندهم، نظافة وذوق وان شاء الله مو آخر زيارة

أسوء تعامل في العالم حسبي الله عليهم ويسبون ويدعون علينا وخربو أظافري وقصوها ويوم كلمتهم جلست تدعي علي؟ ماانصح فيهم ابد ومستحيل ارجع لهم أسوء تجربه في الخرج وبلكتني مره ثانيه لاترسلين رسايل وتبلكين

هذي اول مره اعلق على صالون جربت عندهم البدكير وصراحه يجنن وكراسي البدكير مريحه وشغل العامله نظيف ولا يعور غير السعر ب ٥٧ بس تخيلوا والمكان اعجبني اكثر بسبب انهم كانوا مشغلين صلاة التراويح وان شاءالله لي جيات اكثر واجرب باقي خدماتهم