LOTF CAFE لطف كافيه

الكوفي هذا مكان تروح له وانت تبغى تغير جو وتشرب قهوة تضبط مزاجك طعم القهوة واضح ومتوازن مو خفيفة زيادة ولا مرة قوية وكل رشفة تحس انها معمولة باهتمام والحلا عندهم لذيذ خصوصا الكيك طري وطعمه غني يجي مع القهوة بطريقة تضبط الجلسة وتخليك تكمل وقتك وانت مستمتع الاجمل من كذا تعامل الموظفين بشوشين وسريعين في الخدمة يستقبلونك بابتسامة ويحاولون يساعدونك تختار اللي يناسبك وتحس انهم مهتمين بتجربتك مو بس يقدمون طلب وخلاص المكان بشكل عام مريح ويخليك ترجع له مرة ثانية بدون تفكير لأنه يعطيك شعور بسيط ولطيف يخلي القهوة احلى والجلسة أهدى

كافيه هدوء وروقان واسترخاء عكس الكافيهات الثانية ازدحام وازعاج انصحكم فيه ، عندهم تراميسيو اسكريم اللي فالصورة رههيب 10/10 وعندهم تراميسيو ساده كلها توب 🤎🫡.

من افضل وافضل وافضل كافيهات صامطة الصدق ومن اقدمها ولا زال يتمتع بالطعم والخدمه والذ V60 كولومبي تحصله معهم ولكن الاغاني شوي مرتفعه اتمنى خفض الصوت غير ذلك افضل جلسات وافضل طاقم وكراسي مريحة جداً استمروا 👍🏻👍🏻

لطف يعتبر من آقدم الكافيهات المختصة في صامطة. المقهى في جلسات و متعدده و ديكور المكان راقي جدا و نظيف . تعامل الموظفين اكثر من رائع و هذي ليس زيارتي الاولى ل لطف . طلبت v60 بارد يستحق التجربة 🙏

ماشاءالله تبارك الله 💛💛 احلى كوفي في صامطة وفي جيزان كلها قهوتهم جممميله الاجواء دايما رايقه الموظفين تعاملهم جدًا راقي يستاهل الف نجمة ⭐️

دائماً وأبداً، كل الحُب للكافيهات اللي تفتح الصبح ولو فعلاً بتعرف وتتعرف على جمال المكان وجودة تقديماته روح له في وقت هادئ ويكونوا الموظفين رايقين أثناء خدمتك كانت تجربة أولى لهذا المقهى والتجربة موفقة جداً. طلبنا كورتادو والباريستا يوم قدم لنا المشروب حس ان التبخير ليس بذلك الجودة فاسترجع أحد الاكواب وبدلنا بواحد آخر، ثم طلبنا شوط قهوة جديد اميركانو فقدموا لنا معاه كورتادو وقارورتين مويا مجاناً 🌸 مع القهوة طلبنا تشيز بالفراولة والتوتيات، لذيذ مرة ♥️ وعلى الأكيد راح أعيد الزيارة والظاهر بعتمد الصباح دائماً 🙄👌🏻 ملاحظة: انصحكم بالانجليش كيك عندهم .. طعمه لذيذ وحلاه موزون 👌🏻👌🏻 ملفيه التوت ايضاً لذيذة

من الكوفيهات المميزة في المنطقة اللي يتميز ويتفنن في تقديم القهوة بجودة عالية وتجربة جميلة شكراً طاقم العمل ، وفقكم الله

لطف .. من أول ما تكرر اسمه اعطوني عنه انطباع سيء طبعاً ما حكمت بما سمعت ولكن رحت لصامطة وجربته في الاول كل التوفيق لعبداللطيف الله يوفقك وتستاهل كل خير وحاجة افتخر بها لمن شفت اللي وصلت له فريق العمل من الشباب طموحييين الضحكة على طول معاهم وفاهمين هما ايش جالسين يقدموا استمروا ومن تطور لتطور نبدأ الان في تقييم الطلبات ١/ اسبريسو ☕️ من لذته ومن قوة انه موزون اخذت اثنين صراحة شي لا يقاوم ١٠/١٠ - وحسب ما بلغونا الشباب راح ينزل محصول جديد قريباً وراح اكون من الأوائل اللي يجربوه ان شاء الله ٢/ اسبانيش لاتيه ٧ من ١٠ والسبب الحلى جدا عالي وطبعا تكلمت مع الشباب في ملاحظة ليش شوت اسبريسو واحد فأتضح ان هذا الشي طلب اغلب الزباين فاللي حابب دبل شوت لازم يبلغ الكاشير ٣/ V60 اخذت قيشا من خطوة جمل أشكرهم على التحضير كان ٨ من ١٠ ولكن المحصول كان سيء واعطيتهم نصيحتي خطوة جمل محاصيله مو زي زمان فالافضل يوقفها ٤/ ايس دريب البن كولومبي من محمصة مايكرولوت بدون نقاش ١٠/١٠ شي بطل ويمخمخ بعد القهوة الان بدخل في الحلى ١/ كيكة العسل طبعا هذه معشوقة المنطقة ولا يخلو كافي منها اعطيهم فيها ٧ من ١٠ حسيت تحتاج تكون شوية طرية اكثر والحشوة اكثر وباذن الله راح يطوروها ٢/ فطيرة التوت قد تعجب الكثيرين ما راح اعطي لها تقييم انا ما حبيتها والناس اذواق في الختام لا تحكم على مكان بما تسمع روح وجرب بنفسك وكثيرين كانوا يقولوا ديكور بدون جودة لكن انا اقول العكس جوده ممتازة والديكور رايق وجميل كل التوفيق لكم

- زيارة سريعه قبل المغرب - الكوفي كان شبه فاضي هالوقت - لا يوجد بارتشن - يوجد موسيقى - لا توجد خدمة طاولة - الديكور هادي وجميل - يوجد تباعد في الطاولات - بصراحه محد طلب مني توكلنا ولا قياس حراره! اتمنى ينتبهون لهالشي …… طلبي كان كوفي لاتيه، ماعليه حلو لكن ما اعتقد اني ارجع اطلبه مره ثانيه، اذا فيه زياره ثانيه رح اجرب غيره

يقدمون محاصيل فاخره مقطره واسبريسو وجوده مستمره وتنوع في الحلى مميز نقطه تحسب لهم صراحه وجوده

قهوتهم حلوووه مره طلبت فلات وايت وكان أحلى فلات وايت ذقته الحلا بعد عندهم حلو وخدمته سريعه مكان رايق ولطيف

جيت من مسافة اكثر من نصف ساعة بالطريق ومريت هالكوفي ،، مكان حالم وهادئ ،، انبسطت فيه كثير اسلوب الموظف قمة ف الادب والاحترام ماشاء الله قهوتهم حلوة وجلسة كانت جدًا جميلة ،، مع كل زيارة لصامطة راح امر الكوفي ،، أتمنى لكم الدوام ع هذا المستوى وأفضل 🙏🏻 لطف اسم ع مسمى 🕊🤍

الكافي جيدجداً وقهوة متنوعة وطعم جيدجداً الشباب لهم من الاسم نصيب تعاملهم جيد لديهم تشكيله من الحلا المكان هادئ الجلسات مريحة الإضاءة هادئة ومريحة للعين …

المكان لطيف فعلًا، جربت كورتادو وكان لذييييييذ لأبعد مدى، لدرجة كوب ما يكفي من لذّته، وأكرموني بفلات وايت وكان جميل جدًا ،، كلهم لطيفين وممتازين وشكرًا للباريستا عبودي لأنه أكرمني .. وحقيقة ماني قادر أتخطى لذة الكورتادو.. أتمنى الاستمرار بهذا الأداء العالي

شكرا لحسن تعامل وخدمه واستقبال ولطافة لُطف اسم على مسمى .شكر خاص لاسلوب وتعامل الأخ عدنان لحسن تعامله واخلاقه الطيبه وروحه المرحه.

من اجمل الاماكن اللي لابد من زيارتها ومن الاماكن المريحه والرايقه وشكر خاص للبريستا فاضل اخلاقه عاليه جدا وانسان محترم وشكر للمكان والقائمين عليه يعطيهم الف عافيه

الفلات وايت جميييييييل قهوه تمخمخ فعلاً🙊☕️ المكان يفتح النفس الموظفين محترمين واسلوبهم حلو عندهم كيكة لذيذه مااعرف اسمها بس شوفو صورتها وجربوها اهنيكم ع الاضافه الحلوه لصامطتنا 👏🏻👏🏻💕الله يوفقكم

لطف كافيه lotf cofe صامطه 📍 كافي جميل ورايق ماخذ من اسمه نصيب الشباب العاملين بالكفي قمه بالاخلاق كل التوفيق لهم الديكور رايق للأمانة تقييمي للطلب المشروبات الساخنه ١٠/٨ المشروبات البارده ١٠/٧ الحلى ١٠/٨ الاسعار متوسطه

كوفي رايق وجميل والخدمة سريعه الله يباركلهم حلى التراميسو لذيذ وقهوتهم جميع الانواع لذيذه انصحكم تجربونه

One of the best specialty coffee in jazan They are Hospitality and their coffee is so delicious , i really recommend to visit lotf cafe ♥️♥️