ماوا صالون | Maoa Salon

بنتكلم عن اسلوب العاملات السيء او اخلاقهم السيئه؟ حتى وهم مابدو فيني والصالون فاضي يتاففون كل هاذا عشاني محتاره باللون ضايقتهم ولا بتكلم عن الشغل ؟ طبعاً هاذا نتيجه بعد عدة محاولات واني اساعدها تحسن المستوى لكن اخلاقها لا يعلى عليها والمكان مهمل من ناحية النظافه بشكل عجيب وهاذي صورة شغلهم بعد محاولاتتتت

جميل استمتعت لكن الاسعار للخرز على الاصابع ب ١٥ يعتبر مبالغ فيها لانه مو رسم وموظفة الاستقبال مفهيه شوي اكثر من مره ينسون يسوون شي وارجع اذكرهم سويت الفرنش عند ماريا مبدعة وبشوشة وماتألم لما تشيل الجلد الميت والمبنى نظيف وجميل لكن ليتهم يضبفون قهوة او ماء تضطرين انتي تروحين تجيبين لك😞

سويت مناكير وطلبت استيكر على اللون اول ماغسلت نزلو ولاكاني دفعت مبلغ وقدره حرفيا حاجه تقهر تشوهه المناكير ولابقى ستيكر ندفع ع الفاضي بدون تثبيت تشوهه الشكل !

المكان جداً رائع👏🏻👏🏻 شغلهم نظيف ومرتب وأسعارهم حلوووه حجزت عندهم لون مناكير وكانت دعوتهم حلووووه ماشاء الله، وبرضو القهوه عندهم لذيذه المكان متكامل والموظفات يهبلوووون زرتهم مرتين وبكررها ان شاء الله💕💕💕💕

انا غلطااانه لو فكرت اروح اسوي اظافر عند غيرهم الفرنش يجنن المنيكير مرررررررررررره حلو ولا راح ولا وفاهمه القصه وماعورت يديني وهذا اللي احبه فيييهم النعومه 💕💗💞 قد جربت قبل الاستشوار بعد حلو

ماشاءالله تبارك الله المكان ولا غلطه 🥺🩶🍃 أهنيهم على الفكره الجباره 👌🏻 دلع وقهوه وتسوق بمكان واحد 💅🏼☕️ قهوتهم وحلوياتهم وخدمات الصالون لاتفوتكم 😍🫰🏼 المكان جداً رايق وانيق 🍃 أسعارهم روعه وتعامل الموظفات جداً لبق🩶. بالتوفيق لهم .🤍

– ماوا | MAOA . ( صالون نسائي ، أدوات تجميل و عناية / قهوة مختصة ) * متوفر ( جلسات داخلية ) . * تعامل الموظفات خيال ، ذرابة ، سماحة + وزود نفسيتهم حلوة 🥹💜. * لا يوجد موسيقى . * مسموح دخول الأطفال . * الأسعار مناسبة ، طلبي عبارة عن : آيس دريب إثيوبي / بـ ١٧ ريال . تارت البيكان / ٢٨ ريال . ( القهوة خيال / لذيييذة وموزونة ) + المحصول مميز التارت أعطيه ١٠/١٠ ، ومتحمسة أذوق باقي أصناف الحلا عندهم 😋. جداً لذيذ أرجع لهم ؟ أكيييد مرة ومرتين وعشر 💯.

الصراحة المكان جميل و شرح و منظم و يستخدمون منتجات عليها القيمة ، اذا بتسوون بديكير لا تتعدون تاريسا شغلها نظييف و ما انسى برضوا الموظفات نور منى بالاسم ما شاء الله تعاملهم اكثر من راقي تاخذين راحتك بالمكان و بالتوفيق 💗

توي مخلصه من عندهم سويت عند جيني مانكير برافين بدون لون الشغل جبببار وحريصه على النظافة دخلت على طول الاستقبال رائع الموظفات رائعات هدوء وانفسهم حلوه ارجع لهم مليون مررره

اول مره اجربهم شكرا لموظفة الاستقبال وعد ♥️استقبالها راقي مثلها وجربت عندهم ايما♥️ رهيبه رهيييبه واعيد التجربه عندهم عرض حالياً حلو مع مشروب قهوه مجاني وحلا لازم تجربونهم رهيبين الطاقم كله رهيب الموفي بعد راييييق قعدته خاصة اللي برا بالاجواء الحلوه 👌🏻

صالون مرتب من اول ماتدخله 😌 نظافة المكان وريحته مميزة 👍🏻 موظفة الاستقبال وعد بشوشة ولبقه جداً 🥰 سويت منكير مع مارية لطيفة جداً وشغلها ممتاز ✅ الاسعار حلوة ومعقولة 😍👍🏻 فيه مع الخدمة قهوة وحلى من قسم الكوفي بس طلعت مستعجلة ما مريتهم ☺️

جيت من الرياض وكنت مضطره اسوي اظافري .موظفة الاستقبال السوررية قطعت لي الفاتوره وقالت روحي عند اي وحده قلت انا ما اعرف وين اروح ومين موظفاتكم يعني كان اسلوب الاستقبال مو حلو اللي عملت اظافري مررره شطوره بس للأسف جودة المناكير الموجوده ما كانت تساعد تبدع ياليت تغيرونها كمان استخدمت لي جهاز uv بدون قلفز وسألتها فيه قالت لا

خيال التشقير عندهم دايم اخلي نيرمين تسوي لي الله يسعدها دقيقة وشغلها حلوو وتحشم مرهه تقهويك وتضيفك تطلعك مبسوطة ومتدلعه فعلاً 🥹💅🏼♥️♥️♥️

المكان هادي و رايق و مرتب الخدمة فوق ممتازه الشغل بذمه نظيف و مرتب جدًا تعاملت مع ماريا و ايمي جدًا خدومات و بشوشات ✨

انا مجنونه اروح لغيرهم !! الاستشوار عندهم خيال 🥹 اقعد كم يوم وانا خاقه وكذلك الاظافر 😍🔥💗 ماله لزوم تفتح صالونات جديده 🫢🏃🏼‍♀️

المشغل يجنن رايق وهـادئ الخدمه بحجز مجاناً بس دفع العربون سويت عند تاريسا شغلها للشعر يجنن نفس الي ابغى الآسعار تعتبر مناسبه

اول مره اجرب مشغل ماوا لطيف جداا والموظفة وعد مرهه عسسلل اسلوبها راقـيي جداا وجربت اتريسا مرهه شغلها رههييبب والطقم كله رهب اعيد التجربه مره ثثانييييه لايطوفكم فيه خصم 20 بالمميـه ويجي معه قهوه وحلا لططييف المشغل جدااا❤️❤️❤️ وحابه اشكر الاستاذه وعد على الطافه اللي جـواتها . شكرا لكم

الاستقبال : الموظفه العنود ممتازه جدا بشوشه وخدومه ومن نفسها ذكرت لي ان فيه عرض باليوم اللي جيت فيه اذا حابه اخذه الحجز : بدون حجز كان قدامي ثنتين انتظرت تقريبا ٤٠ دقيقه ، وسريعين بالرد بالواتس لما استفسرت منهم عن طريقه الحجز الخدمه : اخذت منيكير اظافر يدين مع لون ، اللي سوت لي ( ايما ) كنت خايفه انها تكون سريعه بدون ما تسوي الاظافر صح ، بس الحمدلله سوت لي اياهم زي ما ابي وبسرعه ودقه 👍🏻 ارجع لها باذن الله مره ثانيه ، وعندهم جهاز تجفيف المناكير 👍🏻 النظافه : الادوات معقمه فتحتهم قدامي ، ماشفت نقص بالنظافه ، المكان صغير لكن مرتب ونظيف والعامله نظيفه وشغلها وادواتها نظيفه ✨ عندهم خدمه حلوه اللي هي تقدرين تطلبين من الكوفي التابع لهم ماجربتها هالمره باذن الله بجربهم بالمرات الجايه تجربة موفقه وبرجع اجربهم بقص الشعر باذن الله 🤍

المكان خيال فكرة جديده في بريده لكل شي تحتاجونه عناية للبشرة ولشعر الكيرلي ومكيب فيه كوفي وصالون والطاقم نساء وخدمتهم عسل ارجع لهم مره ومرتين لتعمالهم❤️

الخدمة جداً جميله قصيت شعري عند وحده اعتقد اسمها تريسا…واخذت قهوه من الباريستا اثير مرره لذيذ ولو برجع ،برجع علشان اخذ قهوه منها 🤍بخصوص الخدمة بالواتس جداً سيئة واسلوب غريب ومافيه اخذ وعطى مع اللاسف كل شي كان كويس لكن ترددت بعد ماشفت الخدمة بالواتس كذا