مزرعة فارم هاوس

ماشاء الله تبارك الرحمن على المكان الجميييييل اتعب وانا أوصفها المزرعه شيك وراقيه الله يبارك لصاحبها ، فيها واضح الاهتمام بأدق التفاصيل الة القهوه التركي موفرها كل مرافقها مناسبه وعلى مستوى عالي من النظافة والجمال تهبل شرحه ومريحه وبوحه فيها ملعب ومرفق وغرفة للعاملات وغرفتين نوم وصالتين جلسات خارجيه والإضاءة ممتازه

مكان جداً جداً جميل ورايق ، اخذناه يومين مع مبيت ويشيل عدد كبير وفيه مرافق مثل ملاهي اطفال اماكن سيارات بالكراج ثلاثه ، غرف النوم ثنين وفي غرف ارضيه تصلح للجلوس او النوم والاثاث جداً راقيي شكراً لكم

المزرعة جميلة جداً ولمسات فنية رائعة وتحس بالراحة والهدوء والهواء الطلق ومرتبة ترتيب رائع وانصح الجميع فيها لانها فعلاً متعوب عليها والمحافظة على نظافة المكان لكي يستفيد الجميع من هذي المزرعة الجميلة وأشكر مالكها على هذا الترتيب المميز

المزرعه عاااااالم ثاني هدوء واستكنان وروقان والحيوانات اصواتها معطيه جو ووقت الشروق والغروب صوت الديك والجو وكل شي غير ، المزرعه مختلفه عن اي مكان رحت له 😴 والاثاث نظييييف وجميل وراقي وجودته حلوه متعوب عليه 🤚

المكان اكثر من رائع وحنون وحلو مره إنكم تناموون فيه ، نظيف ومتوفر لكم حتى مواعين صدق تعبانين عليه الله لا يضيع لكم تعب شكراً على التجربه الجميله ومب آخر مره 🫶🏽

ماشاء الله ياجمال المكان 🌿🌹 يتميز بالإحسان والإتقان واللمسات الجميلة 🫶🏻 تبارك الرحمن كأننا في بيتنا الله يبارك لهم

مزرعه متكامله تعيشك جو سفر وانتي ماسافرتي الاجواء والحيوانات والديكور كأنكم داخلين جوى مجله متعوب عليه ورايق التعامل جدا ممتاز والنظافه ماشاء الله والسعر ممتاز مقابل المكان هذا غير انها شرحه وكبيره وفيها قسم رجال منفصل الله يوفقهم

تغيير جو عن الشاليهات والاستراحات فكره جداً رائعه انها تكون بمزرعه حقيقي انا انبهرت فيها😍 وكل شي متوفره و واسع المكان حتى المسبح موجود ماشاءالله تبارك الرحمن 👍😍المزرعه عباره عن هدوء واستكنان واصوات العصافير 💗

المكان جميل و مرتب وشرح وكل شي نظيف وتعاملهم راقي جداً

اهتمام ونظافة، وجمالها معطيها طابع كأنها مزرعة خاصة، الله يبارك لهم ..

مزرعة رائعة فيها فيها طيور و اشجار وتصميم غرف جميل تستاهل خمس نجوم

ما شاء الله تبارك الرحمن، مزرعة فارم هاوس فعلاً نموذج للذوق الرفيع والراحة النفسية! 🌿 مكان يجمع بين جمال الطبيعة وصفاء الأجواء، تصميم أنيق يفتح النفس، واهتمام بأدق التفاصيل ينعكس في كل زاوية. المساحات الخضراء، الجلسات الهادئة، والهواء العليل كلها تجعلك تنسى هموم الدنيا وتشعر أنك في عالم مختلف. سواء جاي للاسترخاء، أو تجمع مع الأهل والأحباب، فارم هاوس هو الوجهة المثالية. كل الشكر للقائمين عليها، ومن نجاح إلى نجاح أكبر بإذن الله. 🌾

المزرعه ماادري كيف اوصف جمالها من ترتيب ونظافه مكان ونظافه اثاث ومفارش حتى الزرع نظيف كانت اجمل يومين جلسنا فيها الاطفال ماودهم يطلعون وبنرجع لها ثانيه بإذن الله فيها غرفة للعاملات بدورات مياه خاصه فيهم والمطبخ فيه بعض المواعين لكن لابد تجيبون اغراضكم خاصه الي بيطبخ قدر وصاجه الثلاجه والفريزر ممتازين وشغالين لطافه المسؤولة بالواتس اب وتسامحها والحارس خدوم ومحترم السيارات تاخذ خمس سيارات جوا المزرعه سيارات جيوب صغيره وسيدان بس فيها عيب واحد ابواب دورات المياه وانتم بكرامه احسها شفافه شويتين لو يجلدونها او يغيرون الزجاج يكون أفضل

المكان جمييل لكن الجلسة الخارجية صغيرة مرة وغير نظيفة ياليت تهتمون في نظافتها اوتجددونها لانها قديمة ومستهلكة وتزيدون عدد كراسي الجلسة الناس تطلع اهم شي الجلسات الخارجية ياليت تاخذون تعليقي بعين الاعتبار لأهميته

"Worth A Visit" 😍🥰👍 One of the best experience ever that I spent with my family👨‍👩‍👧‍👧👩‍👦👨‍👩‍👦‍👦👩‍👧‍👦👩‍👦‍👦👩‍👧‍👧👩‍👦, it's an amazing place that I will strongly recommend it for anyone wants to have the greatest memories. It's "have it all" if we will talk about (welcoming, modern, cozy feeling, facilities, clean, location...) also having a side of farm animals 🐑🐐🐣🐔🐓 was an amazing idea the kids will love it ... I really hope 🙏 the same level of experience will remain forever cuz I don't think that would be the last time to visit this place we are planning to visit it again in winter 😁❄

المكان حلوبشكل عام الله يبارك لاصحابه ولكن فيه قل نظافة صراحة جينا واحنا غسلنا الارضية ومسحناها و الثلاجة فيها بقع من بعد الزوار و المايكرويف مو نظيف تماااامااا وادوات المطبخ بشكل عام مو نظيفه و الكنبات مغبره و الكوشنز يبيلها نفض وخذوا احتياطكم الحمامات شبه كاشفه لانو قزاز مثلج خفيف تحتاجون تغطونه و الشوايات كمان مو نظيفه و الزبايل وانتم بكرامة خربانات وشويه والمسبح فلتره ضعيف خربان !!! يعني المزرعة تنقصها نظاااااافه صراحة للاسف غير مهتمين فيها حرام انها تتأجر بهالشكل يبيلها اعادة تهيئة

جميلة جدًا وكبيرة وشرحة جلسنا فيها ليلتين الأجواء في هذا الوقت مناسبه المطبخ مجهز بثلاجة فريزر عيون غاز وفرن ✨ ينُنصح بإحضار عدتكم كاملة لأن المحلات القريبة ما توفر كل شي من أدوات المطبخ الحارس متعاون ويتجاوب بسرعه

المكان جميل وحلو ومرتب ونظيف وتفاصيله حلوه و اكرر زيارتي له بالراحه ، لاكن عندي ملاحظات اتمنى فعلاً تسوونها ، المكان لايوجد به زبايل اجلكم الله فقط في دورات المياه ، غرف النوم و الصاله والمجلس و المجلس الارضي كلها لايوجد بها والمطبخ لايوجد به ( زباله كبيره فقط اكياس ) وقل في المناديل لاكن الحارس ماقصر يوم كلمناه اعطانا و ايضاً اتمنى وضع الاساسيات في المطبخ مثل ملاعق وشوك وسكاكين وبعض الاساسيات الاخرى . وشاكره لكم حسن تعاونكم

تبارك الله الصمت في حرم الجمال جمال الأثاث جميل المكان هاديء المكيفات باردة المطبخ أنيق الأنوار شاعرية دورات المياة جيدة لكن بعض الشطافات تحتاج صيانة النوافذ مطلة على النخل والخضرة وتحتاج تمسيح أكثر يوجد صالتان واحدة مستقلة عند المدخل وكبيرة وصالة مع تلفزيون مفتوحة على المطبخ وطاولة الطعام ١٠ كراسي غرفتين نوم غرفة ٣ أسرة غرفة رئيسية مطلة على المسبح المسبح له مدخل من الغرفة الرئيسية يوجد حيوانات أغنام بط عصافير كروان دجاج نخل منوع ومضفي جمال للمكان الثيل تبارك الله أخضر بالرغم من حرارة الشمس يوجد مجلس مع دورة مياه ويوجد ملعب قدم ودورتين مياه وحاجز لو كان فيه رجال لكن الثيل والنخل مشترك الثلاجة ليست باردة كما يجب لكن فريزرها ممتاز

مره جميله بعيدة في منطقة ضرما لكن هذا مايزيدها جمال انك بعيد عن الازعاج وكل ماتحتاجه موجود في ضرما حتى هرفي موجود وكافيهات ومطاعم واسواق تجربة جميله والمزرعه متعوب عليها اخذناها ثاني ايام العيد