‏Miss Karmine

ممتازين

اشكر المصممه أنفال النوفل على تصميمها فستان يليق بي يجمع بين الفخامه والاناقه ،، انصحكم جدا بالتعامل معها بشاشة وحسن خلق وتعامل راقي ،،تعرف مايناسبك وتشرح لك بالتفصيل مضمون الفستان ومايتعلق به بطريقه تجعلك راضيه تماما ومقتنعه برأيها. الى الامام ومزيدا من التقدم والنجاح .

كلمة شكراً ما توفيكم حقكم! الفستان من إبداع المصممة أنفال كان قطعة فنية التفاصيل والقصة خيالية وتخليكِ تحسين بتميز الفستان عدلت علية اللون والشك وغيرت منه وضيقت وقصرت وكانت معاي المصممة انفال على طول ماقصرت بشي وكانت متواجدة دايم وتسمع مني وتنقذ وش انا ابي صدق صدق ماقصرت وخدمة العملاء متواصلين على طول معاي مافي اي تأخير بالرد بوتيك مس كارمن قمة في الرقي والتعاون الفخم فعلاً تجربة تخليني أرجع لكم وأنا كلي ثقة شكراً على هذا الجمال!

البوتيك متنوع بين ملابس سهرة وفساتين زواجات، تجربتنا كانت اختيار فستان زفاف لأختي، تعامل الموظفات رائع وراقي جداً ومتعاونين وشاطرين يذكرونك بالتفاصيل الدقيقة اللي ممكن تغفل عنها وواضح فاهمين الخياطة والتصميم ، من ناحية الجودة فوق الخيال ونظافة الخياطة ودقتها ممتازة. شكراً للمصممة أنفال على التصاميم الرائعة والأسعار المناسبة مقابل أجود انواع الأقمشة واختيارها للعاملين المتمكنين 🤍

تجربه جداً سيئه وجداً مستاءه عروس عرسي بعد اسبوع واخر بروڤا كانت اليوم ومن اول بروڤا كان البدايه والتفصال سيئ طلبت بالبداية قيمة الفستان ١٤٧٠٠ على اساس انه يتم تفصال نفس الفستان الي موضح بالفيديو ١- انصدم بوقت اختيار الاقمشه انه مافيه خيارات مشابهه ابد ولا خيارات بطانه واضطريت اختار شي مختلف وبعد البروڤا الاولى طلع المنظر والفستان جداً سيئ قلت يمكن من القماش ( البطانه ) وطلبت تغيرها وطلبو على تغيرها زيادة ٢٥٠٠ ودفعت ولا قلت شي على امل انه يضبط ٢- وغير كذا لما اخترت الدانتيل تخيلو طلبت زياده قالت فيه شك وهو مافيه شك لمعه من نفسه زيي مو موضح عندكم بالصور واصلاً أنا ماكنت ابي يكون فيه نقطة خرز بس جابت ٤ خيارات دانتيل وهذا كان اقرب شي ٣- بعد التغير جيت البروڤا الثانيه بعد تغير البطانه وهنا الصدمه الكبيره الخيااااااااطه قسم بالله مو ظالمه ولا مبالغه جداً سيئه وكله على بعضه غلط لا من الياقا ولا من الأكمام ولا من الخصر ولا من الخياط كله سيئ حتى الموظفات تفشلو من المنظر حتى السحاب بالبروفأ كان خربان طلعت وانا عارفه انه مايضبط وعرسي باقي له اسبوعين البروڤا الاخيره اليوم جيت وانا عارفه انه ماراح يضبط لانه اساس الخياط من الاول جداً سيئ وبالفعل جداً سيئ نفس المشاكل القبه والاختاف كني مدرع تروع والسحاب خربان كل شي غلط بكل هدوء ورقي قلت شايفين يعينكم الفستان والأغلاط اللي فيه قالت بنعدل الموظفه قلت أنا عرسي الاسبوع الجاي ؟؟؟ تعديل ايش ابي استرجاع المبلغ ( ١٣٥٠٠) ورفضو يرجعون والغلط غلطهم وخياطهم كذا مرا عطيت فرصه ع امل يضبط آخر شي ضيعت وقت وعرسي الاسبوع الجاي ولا جهزت لا فستان ولا شي حسبي الله ونعم الوكيل ( راح يتم رفع بلاغ ) قسم بالله طلبت منهم يرجعون المبلغ بكل هدوء لان الغلط منهم مو مني وفوق هذا كله رفضو ولا كنت ابي مشاكل حتى المصممه نفسها ماكانت موجوده ورفضت تتكلم معي من البروڤا الثانيه والموظفات يقولون انها بعزأ عزأ اسبوع ؟ ماكان ودي اجي احد برزقه ولكن لكل فعل ردة فعل وطول الفتره كان تعاملي معهم جداً راقي لين آخر لحظه نزلت فيديو الفستان اللي طلبت والخيشه اللي فصلوها عشان مااظلم ولا أبالغ ( فستان عجوز ). قسم بالله اول مرا بحياتي اكتب تعليق بس جداً قهروني بنفسي حسبي الله ونعم الوكيل

ممتازين وموديلات فخمة ومريحين بالتعامل تعاملت مع الموظفات ونائبة المصممة العسل الله يسعدها جيتها بوقت ضيق وماقصرت الله يفرج عليها💕 . ونصيحتي لاي احد دائم المشاغل الي ماتتعاملون مع الخياطين مباشرة لازم تنبهونهم على الملاحظات ويسجلونها عشان مايتكرر التعديل.

كان لي تجربتين معاهم فستان للملكة وللزواج فستان الملكة كان جميل بشكل عام لكن فيه مشكلة في التصميم مشيتها عشان ما كان فيه وقت بالنسبة لفستان الزواج تأخر أسبوعين عن الوقت المتفق عليه (قلت لهم زواجي بالتاريخ الفلاني مع ذلك سلموني الفستان بعده) مع أن زواجي الفعلي بعدها بأسبوعين ..الحمدلله استلمته قبل الزواج بيومين فقططط وما كان يمدي الوقت للتعديلات خلاص لأنهم تأخروا وللأسف كانت ريحة الفستان جدًا سيئة آخر تجربة لي معاهم بصراحة ما يشفع لهم إلا تعامل الموظفة شهد الله يسعدها (النجمة لها) ولا الباقي ما يحمس لا جودة ولا أسعار

اليوم استلمت فستاني الحمد لله قمه في التعامل الجميل وتحملوني وتحملو كل طلباتي وبكل بروفه والله اضيف شي واللي اسمعه ابشري ومايصير خاطرك الا طيب الله يسعدهم جميعا وبالاخص اختي جميلة انسانة راقية وذوقها وتعاملها 👌🏻

الاهتمام بأدق التفاصيل هو سر جمال هذا المكان، حيث تتحول الإطلالة إلى لوحة فنية. أيدٍ مبدعة وخدمة راقية… المكان الذي يجمع بين الجودة والجمال والرقي. أتعامل معهم منذ سنوات واحرص على الاطلاع على كل ماهو جديد عندهم واقتناء قطع مميزة في كل مره اقوم بها بزيارة الرياض. لهم كل الشكر والتقدير على حسن التعامل والأستقبال.

اخذت فستان مخمل من عندهم خيال خيال مشاءالله واكثر شي اعجبني عدلت والتعديل مضبوط على الي ابي تعامل الموطفات راقي ومتعاونات جداً اكرر الزيارة وخياري لجميع مناسباتي

يابنات أهربوا تخيلوا شريت فستان لزواج أختي بمبلغ ٧٢٠٠ ريال، بعدين أغرب تجربه بيع قالت لي جربي بالغرفه ومالك أي تعديل بعد الاستلام يعني حرفياً دبري عمرك لو طلع جودة خياطته سيئه، وبيوم العرس طاحت الكلف الي مركبة ٣ قطع من سوء الخياطة والكيب الي فوق بس ينفتح حاطين طقطق سيء والله شي أن أقوى جودة قسم بالله انقهرت !!!!!!!!! بحذر منه كل الناس والله على ما أقول شهيد أن كل كلمه صحيحة. وأكلمهم يرفضون يعطوني أي أنتباه يقولون هذا تغيير مشاعر؟؟؟؟؟؟؟؟ انتم دكاتره طبيين تعرفون مشاعري؟ طيب والحقائق ان فستان بهالمبلغ يتهلهل علي بزواج أختي بدون أي طيحه ولا حركه مفاجأه ولا شيء….

ماهي اول تجربة بالمناسبات المهمه فالعائله انفال انسانه متعاونه جداً وتشيل هم اطلالتك اكثر من نفسك وماترضى تكونين عاديه ومتفهمه وناصحه امينه وماتستلمين فستانك الا وانتي مبسوطه وراضية تمام الرضى .. وكلامات الشكر ماتكفيها ولاتكفي موظفاتها جداً متعاونات ويبحثون عن رضاك والتنسيق معك بالوقت اللي يناسبك .. وملتزمين بالوقت والبروفات وانا معاهم خطوه بخطوه .. شكراً من القلب : انفال النوفل 🤍 وشكراً نوضا 🤍 لكم نصيب من دعواتي .. الله يوفقكم ويسدد خطاكم

السلام عليكم ورحمة الله اليوم استلمت فستاني والحمدلله طلع مرره حلوة مثل مابغيت ،،،أشكر المصممة أنفال وكل البنات اللي في البوتيك لحسن أستقبالهم وخدمتهم وطولة بالهم ماسلموني فستاني الا بعد ماكنت راضيه عنه ١٠٠% ان شاءالله لي تعامل معهم مره ثانية

من أفضل البوتيكات لفساتين السهرة والتيورات يعطيها العافية المصممة أنفال وأحب أشكر الموظفة ليان خدومة ومتعاونة جداً ربي يسعدها 🌷

تبارك الرحمن من افضل وارقى واكشخ المصممات مس كارمن تفهم وش الي بخاطر ي اتعامل معها انا من ١٧ سنه ولا مره طلعتني الا اميره ومميزه والكل يسالني مين مسويلك فساتينك انا واختي واهلي كلهم مانغير المصصمه انفال دقه الشغل اختيار خامه القماش تبارك الرحمن خامه راقيه وتفهم للجسم تطلع الحسم بارقى وافخم صوره اخر شي لي برمضان حتى سوتلي فستاني بالعيد وانا جالسه بالبيت جاني الفستان بوقت وجيز نفس ماقالتلي وصلته لي وطلع تبارك الرحمن راقي راقي راقي وكشخه تفهم بالشغله تقهم بالشك والتصميم والقماش والذوق تعطي كلن حقه بعمرهها ماطلعتني انا واهلي واختي وبنتي وكلنا الا بافضل صوره دائما وابدا متميز هالبوتيك والمصممه انفال فعلا تستاهل من يحط عندها الفساتين وهو متطمن بيطلع بنتيجه اميره ومميزه للابد ودائما المصممه انفال الوقت وجيز نفس موعد الاستلام وخامه القماش من احلى وافخم الاقمشه دائما للافضل استاذه انفال الله يوفقك ❤️❤️❤️❤️❤️❤️❤️❤️ ❤️❤️

أفضل مصممة فيك يالرياض😍، الفساتين تطلع أجمل مما أتصور، خياطهم نظيف ويرسم الجسم وتطلعين بأفضل طلة، كل شي ذووووق ذوق وأرجع لهم مليون مرة، وشكرا للموظفات أسلوبهم عسل ويردون بسرعة 💕♥️

تجربتي مع المصممة أنفال كانت جميلة بكل معنى الكلمة، وهذه المرة الثانية أتعامل معها، وكل مرة تبهرني أكثر. تفهم أفكاري بسرعة وتعرف بالضبط إيش أبغى، وما أطلع من عندها إلا وأنا راضية تمام الرضا. أسلوبها وتعاملها راقٍ جدًا، ودقتها وإبداعها كلمة قليلة بحقها. فعلاً مصممة مميزة وأنصح بالتعامل معها لو فيه مليون نجمة حطيتها ✨

من أجمل التجارب👌🏻🤍 تعاملت مع المصممة شهد قمة في الذوق والاحترافية، فهمت طلبي من أول مرة ونفذته بدقة واهتمام بالتفاصيل ، الفستان كان أجمل مما تخيلت، غير حسن التعامل والالتزام بالوقت🤍

صراحة المصممه مبدعه بالاقمشه والخياطه فنننانه. لكن ضروري كل شي تتفقون معاها عليه بالعقد اذا بتفصلون لانها تقول كلام وبعدين تغيره تبين والا بكيفك! سوينا عندها فستان زواج اختي يموووت خيالي وما قصرت بالبداية قالت يشمل الطرحة بالقماش الي تبينه اذا تبين شك عليها تزيدين مبلغ بس ما كتبته بالفاتوره. تفاجأنا بالنهاية قالت يلا زياده للطرحة ومتفقين معاها انه يشمل! صار اخرتها يشمل تل الطرحه فقط تبين تزيين ادفعي😅 وما وفرت لنا اقمشه الي نبي ممكن عشان ضيق الوقت طلعت شرينا وعطتنا سعر الشغل كاننا ماخذين قماش من عندها حاسبته علينا. برضو اتفقنا المقاسات تتعدل بالنهاية ويصير في مجال يتوسع بالطريقة الي نبي ومتفقين مع المصممه فجأه تغير الكلام ولا ودهم يوسعون انشين لان المصممه مو متواجده دايم. المصممه ما تشوفونها بالبروفا مع انها قالت بكون موجوده بالبداية والموظفات كل ما جت موظفه جديده ارسلوها تمسكك وجلسو تحت مالهم خلق لازم تسوين سالفة عشان يجونك صراحة الجوده تستحق التجربه لكن التعامل مو احترافي والاتفاق لازم يصير على ورق احرصو لان بالواقع بيتغير الكلام

تجربتي معهم كان جيده ومرضيه استلمت الفستان عالوقت المحدد بالضبط اشكر البنات ولطافتهم وبالاخص جميلة كانت معي بالبروفات من الاول فاهمين شغلهم