صالون منى مور

اليوم سويت فرد للشعر و اول مرا اجرب هذا الصالون واللي سوت لي اسمها إلياس ماشالله عليها خبرة 30 سنة متخيلين اني لي سنواااات اسوي فرد وكل تجاربي كانو يحرقوني و يأذوني و يأخذون ع شعري فوق الخمسة ساعات !! واللي انصدمت منه بهذا التجربة انها من خبرتها ماشالله سوت تكنيك معين عشان م تطول علي ومع التكنيك هذا سوت شعري ب إتقان بدون حرق و فوقها صفر شعر كيرلي و الجذور مرا ستريت يااااخي شكرا لك والله و شكرا لحقون الاستقبال لمراعاتهم لي في السعر دام سويت جذور بس و حقت الأظافر دروس اقسم بالله انها عسل و خبرة اول مرا اشوف أظافري بهذا النظافة وأول مرا احس بشعور حلو و اللي لاحظته ان الأدوات معقمة و ما يستخدمون ادوات علي إلا وجديدة و يكيسها و معقمه وكل شي و في كثير ادوات استخدام واحد ف جذبني الاتقان بالشغل و برضو نظافة المكان و برضو مراعتهم في الاسعار انصح فيهم بقوة 🩷🩷 إذا استفدتي من تعليقي لايك عشان يوصل لغيرك 👍👍👍

بنات انا طحت عليهم بالصدفة والله العظيم مشوار حيل بعيد عن بيتي بس صرت اجيهم من اخر الدنيا ، المدام صاحبة المشغل ماشه الله ذوق واخلاق وترد على كل الاستفسارات وم عندهم حجز بس تروحون ويشيلونكم بعيونهم والله على م اقول شهيد البنات في الكاشير مرة كيوت ويساعدونك لين تجلسين وتضيفين وتسوين خدماتك كاملة وتحاسبين وانتي جالسه والله احبهم احبهم ي جماعة اما بالنسبة للعاملات اخلاق وبشاشه ولطافة وخبرة وشغل بضمييييير والله العظيم منى مور مشغلي اللي عوضي عذاب السنين والبهدلة وراء المشاغل والحجوزات حب كبيير ل charis Doris لا تتعدوهم الصالون صغير بس مرتب وعندهم كل الخدمات وسبا بعد اتمني تستفيدون من تعليقي ي بنات انا ابد م ارفع تقييم بس هذي كلمة حق لازم اقولها. Thank you mona moor 😘😘😘😘😘😘😘😘😘😘

جربت عندهم معالج Green Caviar وكانت النتيجة المبدئية جدًا جميلة باقي ماغسلت شعري الشعر صار ناعم ومرتب. تعامل الأخصائية فاطمة (التونسية) كان أكثر من رائع لطيفة جدًا سريعة في شغلها وتشتغل بإتقان واهتمام بالتفاصيل 🤍 بصراحة يدها خفيفة وشغلها مريح. لكن كانت عندي ملاحظة بسيطة بخصوص السعر أشوفه مرتفع نوعًا ما خصوصًا أن شعري مو طويل ولا كثيف. ومع ذلك، ما أقدر أنكر أن الخدمة نفسها كانت خيال والتنفيذ كان احترافي جدًا. سمعت مدح كثير على الأخصائية اليسا أيضًا، لكن عن تجربة شخصية فاطمة فيها الخير والبركة وشغلها مره حلو

صالون ممتاز بكل المقاييس! دقة في المواعيد وشغل يبرد القلب. شكراً ليسا على شغلك الاحترافي في يوم تخرجي، التسريحة كانت دقيقة وثبتت معي أكثر من 15 ساعة (من 11 ص إلى 2 بالليل) كأني توني مسويتها.

سويت تريتمنت بلو كافيار قبل ٣ شهور والنتيجه ولا اروع شعري ماتأذى ابداً ومستمره للحين النتيجة شعري كان منفوش وكيرلي فرق معي مره! خفت النفشه بنسبه ٩٠٪؜ مره مبسوطه من النتيجه وجودة الشغل للمعلومية ^ انا طلبتهم مايستعملون السراميك بس الاستشوار والسراميك على الاماميات بس ماقيمت الا بعد ما تاكدت انهم صدق يستاهلون والاسعار تنافسيه هذي الصور قبل وبعد الصوره بعد ٣ شهور بدون اي استشوار ولا ويفي فقط لفيته كعكه ساعتين وتركته وصار كذا مره انصح فيهم والله على ما اقول شهيد👍🏻

Great experience overall. Clean, calm place with a professional vibe. The staff actually listens and delivers exactly what you ask for, no overdoing it. Attention to detail is solid and the results last. Definitely a salon I’d go back to.

ما احب الصالون الي ما يعرف يعدل بين الزباين. تخيل تكون تنتظر دورك وخلاص اتفقتوا فلانه بتشتغل عليك بعدين تجي زبونه بجيحة وتاخذ دورك وما يقولون لها شي! عتابي عليكم اني تكلمت وقتها و سلكتم لي بس عشان زبون مؤقت الصدق كان صالون زين لكن مستحيل ارجع مره ثانية لصالون ما عنده اي تقدير للولاء ويعامل الزبون بهذا الشكل

أفضل صالون جربته صراحه من ناحية الشعر أليسا متمكنه ومتقنه لشغلها بكل إحترافيه وعندها خبرة من ناحية المكياج لمياء رائعه لمساتها فنيه تطلع من تحت يدها شي خيال والعاملات بشكل لطيفين وودودين وتعاملهم راقي وصاحبة المشغل إنسانه محترمه وراقيه في تعاملها يستاهلون أكثر من خمس نجوم

للأسف مستوى النظافة في الصالون سيئ جدًا. الأرض كانت مليئة بالشعر ولم يتم تنظيفها طوال فترة وجودي، رغم أني جلست قرابة ساعتين، وهذا أمر غير مقبول في مكان يقدم خدمات تجميل. بالمقابل، أذكر الإيجابيات: العاملة إليسا كانت لطيفة جدًا، وشغلها حلو و عندها امانه و الخدمات سعرها مناسب. كما أن موظفة الاستقبال كانت لطيفة في التعامل. التجربة تحتاج تحسين كبير في جانب النظافة، لأنه عامل أساسي لا يمكن تجاهله مهما كانت جودة الخدمة.

بعد شهور من البحث عن أحد ممتاز في الرموش — أبغى شيء طبيعي، نظيف، وما يتكسر — لقيت هذا الصالون. من أول استقبال حسّيت نفسيتهم حلوة، بعد تردد سويت رموشي اخيراً مع✨لمياء✨شغلها : شغل ولا أروع، يدها خفيفة وتمتّع بالحرفية. الصراحة، رموشي طلعت نظيفة وناتشرال مثل اللي أتمناها تماماً، ان شاء الله مارح تكون أول مره ❤️

سويت عند فاطمة قرين كافيار مبدئيًا النتيجة عاجبتني واخلاقها تجنن وعسل مررررة وتنصحك من قلبها كنت جاية اسوي شيء ثاني ونصحتني بهذا لانه مناسب اكثر لشعري والمكان مريح ونظيييييف وكانت اول مرة اجيه وماندمت 😍

جربت عندهم قبل اسبوع القرين كافيار واللي سوته لي اليسا تجنننننن عسل عسل ودقيقة مره بالشغل وبرضو قصيت عندها غره اعجبتني مرررره واليوم جيت اسوي تنظيف فروة بعد المعالج تنظف الفروة من قلب الدقة بالشغل بروفشنال وعندها امانة ونفسيتها تجنن مريحة جدا باذن الله مو اخر مرة على التعامل الجميل هذا اكيد بكرر التجربة مره ثانية ✨

قصيت شعري مع ليزا صراحة خبرة وتعامل رائعة واذا رحتوا لا تفوتا خدمة الاظافر مع دوريس لو فيه ستين نجمة اعطيها بصراحة مبدعة حتى يسموها مبدعة الاظافر المالكة للصالون ذوق جدا جدا ماشالله

سويت مساج عند دوريس رااااائع 😍😍😍 لمياء جداً محترمه و بشوشه و خلوووقه و اليسا ايضاً لطيفه و شغلها رااااائع سويت معالج green اسعارهم ايضًا ممتازه والشغل خيالييييي الله يوفقهم

Thank you Ms. Elsa for AMAZING SERVICE! Also Ms. Doris, you're very PROFESSIONAL! The best salon ever💯💯

I come to monamor parlor for hair colour and keratin .And specially I come here because of Alisa .She is best for keratin and hair colour also she makes best eyebrow bleach and colouring.

تجربتي معاهم لتريتمنت الكاڤيار انتظرت ثلاث ايام للتقييم عشات اكتب تجربتي كاملة ، راائع من جميع النواحي اللي سوت لي اياه الاخصائية فاطمة جداً شاطرة و فاهمة بالمعالجات وعندها ذمة وضمير بالشغل بعد الغسل النتيجة كانت شعري صار صحي اكثر و النفشة اختفت ١٠٠٪؜ وصار انعم و فيه لمعان 🥰 اكرر التجربة مليون مره شكراً !

سويت قبل ثلاث أسابيع تقريباً كافيار عند فاطمة مره عسسسل وشغلها يجننن ، والله ماندمت ابد اني سويته وبرجع أسويه عندها اكيددد ..

دايما اسوي شعري استشوار عند ليسا الفلبينية مره شاطرة وممتازة واقص شعري عندها واسوي عندها معالج شغلها حلو مره وتعرف للشعر وتعامل الموظفات حلو مره وخصوصا لميا مره محترمة ومتعاونة ، الصالون نظيف ومرتب جدا

سويت عندهم خدمة المعالج وصراحه رهييب واليسااا رهيبه فنانه فنانه ونفسيتها حلوه وشغلها دقيق وبروفشنال مره👍👏🏻 خدمة تنظيف الأظافر صراحه اقل اقل من عاديه ما اعيد التجربه فيها نهائياً ماحبيت