Ojair Specialty Coffee

القهوه فنانه الv60موزونه وتمام السبانش شوي تحتاج تضبيط المكان رائع وهادي الحلى صراحه كميته راهيه روقان المكان ونظافته تفتح النفس الكاشير كان جدا خدوم متعاون ولطيف

المكان رواق عالاخر والباريستا سيد أحمد مبتسم ومحترم أخذنا -قهوه اليوم اثيوبي بارد وحار 9/10 نكهتها تجنن -وايت لاتيه بارد 10/10 للي يحبون الحالي وطعم القهوه واضح -شوكليت بار (بريتزل - تشيزكيك) طعم وكواليتي 10/10 قريب من دوامي وأكيد برجع لهم

المكان طحت عليه بالصدفه رايق و هدوء والموظفه اخلاقها عسل و قهوتهم لذيذه خذيت لاتيه حار ، بس مافيه تنوع كبير بالحلويات المعروضه بالثلاجه كانت شبه فاضيه

تقهويت فيه قبل اروح بالقطار خيار ممتاز وقهوتهم حلوه كانت اصناف الحلويات مخلصه وقتها بس الشباب خدومين والمكان حلو وفي جلسات خارجية

المكان جميل، هادئ جلسات داخلية وخارجية اسعار تعتبر معقولة أخذت قهوة اليوم ب ٨ ﷼ ولي زيارة اخرى ان شاء الله 🤍.

بعد اول تجربة لهذا الكوفي اكتشفت عيب مهم بالنسبة لي وهو بعد المسافة عن بيتي 💔 لو كان قريب عندي ممكن كل يوم يومين على الاقل بجلس فيه حبيت فيه رغم درجة الحرارة بالخارج لكن المكان داخل برودته ممتازة ( عزل حراري جداً ممتاز ) تستمتع بضوء الشمس بدون حرارتها جربت ال V60 ممتاز وسعره ١٦ ريال وعندهم عليه عرض كل احد وثلاثاء بـ ١٠ ريال ولا ادري بيستمر الى متى ايضاً عندهم جلسة خارجية مع شاشة لعرض المباريات الخلاصة ، المكان رايق ودورات المياه عندهم نظيفة والريحة ممتازة اهتمامهم بالنظافة عالي والجلسات محترمة هل تنصح بزيارته ؟! اكييد

هذي مو اول زياره للمكان المكان جميل ورايق كان الطلب تراميسو 💪🏻👍🏼 و V60. حار وبارد نصحتني الموظفه اجرب الحاره وكانت لذيذه وانا ما اشرب الا امريكانو اشكرها على نصيحتها واسلوبها الراقي واللطيف ( نوف اتوقع اسمها)

“أقسم ما مر علي حلا بهالمستوى! 🤍✨ إدمان من أول تجربة قهوتي كانت V60 بارد خيييال خيييال ارجع له

كوفي طيب ويستاهل التجربة طلبنا كابتشينو ١٠/٩ سبينش لاتيه ١٠/٨ ماتشا ١٠/٩ حلا الهبة بالشكولاته ١٠/٩ فرنش توست ١٠/٨ وافل ريال بالكيجن ١٠/٧ كنت ابغى اجرب الجبنة لكن كان مخلص

مقهى جميل ورايق الجو جميل اضاءة الشمس بكل مكان تحس انك تتقهوى بمكان مفتوح الاسعار منافسة جدا القهوة جميلة جداً ومختارين البن من صواع طبعاً معروفة جداً ومعروفة قهوتهم الجلسات بسيطة حبيت المكان وراح ارجع له مرة ثاني قربه من المدارس يخلي الواحد يطلع بدري ويجيه قبل يكمل مشاويره الفلات وايت موزوون القهوة المقطرة الاوغندينة ممتازة كيكة العسل لطيفة

انا وينييي عن مقهاكم من زمان اكرر تجربتي وزيارتي فيه للمره المليون - طلبت v60 اثيوبيا باردة لذذذذذيذ 😋🔥 - طلب بوم كيك طعم الكيك مع الكرانشي حكايه - طلبنا سان سبستيان اول مره اشوف مقهى يسوي ومايكون فيه طعم بيض عجبتني واخذت وحده معي للبيت 😅 - جربنا الماتشا - والسبانش القهوة موزونه صح الاسعار حلوه والله الواضح بصور اخذنا كل شي شكراً على سرعة التعامل وحسن الاستقبال الشغل نظيف الموظفين بشوشين اول مادخلت رحبو فيك وكأني من اهلهم الله يبارك لهم .

المقهى قريب من مستشفى المانع. فرصة للأشخاص الذين سينتظرون مواعيدهم في المستشفى لو وصلوا قبل الموعد بوقت طويل. ومن سينتظر نتائج تحاليله لوقت طويل ..يريح فيه. المكان هادئ جدا في العصر الموظف متعاون القهوة لذيذة الحلى عادي

الكافيه لطيف ومتوسط.. طابقين وجلسات خارجية.. بس الجلسات محدوده.. يستخدموا قهوة من محمصة كيرڤ.. راقية القهوة واسعارها ممتازة جنب امثاله بالدمام ( فلات وايت ب ١٤ ريال) والحلى كيك ليمون وتمر وبيكن يتجوز سعر الحلى من(٨-١٢ ريال) القهوة الباردة ايس وايت لاتيه مميز ولذيذ وشبيه للسبانيش وسعره (١٦ ريال) يحطوا اغاني عربية و اجنبية.

المكان صغير ، دورين صغيرة ، تصميمه أنيق، ونظيف، وله جلسات خارجية على الشارع. قائمة الطعام مشروبات حارة وباردة/ يوجد أنواع من الحلا صورتها. جربت الكابتشينو فقط لذيذ ومتقن . سعره(١٥ ريال) عيوب المكان : ١/ لايوجد صرف ورقي للمئات فتضطر للمحاسبة بالبطاقة أو مبالغ بسيطة. ٢/ تشغيل أغاني وموسيقى داخل المكان.

المكان طابقين ويتوفر دورة المياه مشاركة تحتاج اهتمام ونظافة دخلت اتوضا قرفت منه عموما المكان حلو ومرتب وبسيط مش كبير بس حلو يتوفر شاشة للمباريات لكن الجلسه خارجية يعني ايام الصيف ماتنفع. الله يرحمنا برحمته جربت عندهم فلات وايت كان جيد ٧/١٠ واخذت معاه مادلين البرتقال صغيرة المره الثانيه جيته وجربت شي مختلف ايس لاتيه ٥/١٠ سبانش لاتيه ٥/١٠ ريال اوجير بالجبن رائع كلوه بسرعه وهو حار لذيذ 😋 ٩/١٠ ريال اوجير بالبيكان برضه عجبني بس يحتاج قهوة سوداء معه حالي ٨،٠٥/١٠

انا من عشاق الهوت تشوكلت و طعم الهوت تشوكلت في اوجير جدا عادي و مافيه شي مميز … عادي تكفون تجيبون تشوكلت بلجيكي و نكهات لذيذة و اوعدكم اشتري منكم كل يوم … صرت اضطر اطق مشاور لكوفي بعيد بس عشان الهوت تشوكلت عندهم لذيذ جدا … ارجوكم ضبطوه و حطو شي غير البودرة🙏🏻🤍

تقيمي للمحل وللموظفه فوق 5 نجوم حبيت اشكر الموظفة نوف على حسن الاستقبال والترحيب الصراحة المكان اول مره ازوره لكن راح اعتمد هذا المكان ان شاءالله طبعا مناسب للجميع فيه جلسات داخليه وخارجيه والمكان نظيف جدا من ناحية القهوة والحلى ولا غلطه جربو الوافل وعندهم الحشوات الجميله طبعا يستحق الزياره الصراحه بالتوفيق لهم يارب

اخذت سبنانش لاتية حار ب١٧ حلئ شوكو كيك ب٢٥ وحجمه ينفع لشخصين والموظفه تعاملها كويس القهوه موزونه والحلئ طعم المكان ممتاز و هدوء وحق جمعات عائليه وفيه دور ثاني والاغاني صوتها مو عالي والله يوفقهم

طلبت لاتيه والطعم رهيب وكذلك البن المستخدم مميز تمنيت في خيارات اكثر للحلويات ولكن لعلى عامل الوقت والزمان ضدي، اخر الوقت ورمضان كذلك سعر القهوة ممتاز جدًا ومنافس

اولاً حاب اشكر صاحب المقهى على تعامله الراقي وتعاونه معنا وحاب اشكر الموظفة نوف على حسن الاستقبال والتعامل وحرفيا المكان روعة سواء من ديكور او خدمة او قهوة كله يهبل وباذن الله راح اعتمده واخليه من ضمن افضل المقاهي بالنسبة لي 💙💙.