انوار العارضيه للسيارات

ممتازين

اشترينا سياره فورد تيروتوري تعاملهم طيب و قمة الاحترافيه ، شكرا لكم 🌟 شكرا ابو علي 🌟

Its a look and buy. They dont allow test drives without mandatory 3rd party 30kd inspection. Cannot even Rev the engine to check the state of the engine mounts. Best thing is to walk away. If you are serious buyer than go ahead and spend 30kd to find the car has hidden problems that you could have easily found if you just drove for 100meters or at the very least just rev the engine.

عارضين سياره ترافيرس ماشيه ٢٠ الف تقريبا و الصور موجوده لما كلمتهم قالولي سياره شايب و يبي يبيعها نظيفه جدا و مكتوب بالاعلان شرط الفحص و بحالة الوكاله لما رحت الفحص اللي دازينه وياي ما كان يبيني افحص البدي، يقولي ماله داعي، قلت خل افحص البدي مره وحده، النتيجه ٥ قطع مصبوغين و مو حاسبين الدعاميات و لما كلمتم يقولون الفحص اللي نضمنه قير و مكينه و شاصي، و للأمانه دفعوا الفحص، بس تسويق سياره نفس هذي بهالطريقه و تقولون بحالة الوكاله - هذي مو امانه بالبيع و مضيعت وقت و احتمال شخص ما يفحص البدي لأن الممشى قليل و ينصدم عقب تجربه غير موفقه

شكرا على التعامل الاكثر من الراقي وشكر خاص حق استاذ صالح 🤍

انا خايفه اجي عندكم من كثر تعليقات سلبي اصدق منو وهيت منو

اتابعهم السناب اسعارهم ممتازه في وضوح في بيع شراء تنوع سيارات / تبي رخيص الغالي كل شيء في متناول يدك اشكرهم صراحه مجهود يشكرون علين

ملاحظة اولى نصيحة لوجه الله تعالى اي شخص يبي يشتري منهم ضروري يفحص السيارة بنفسه للتأكيد حتى لوقالوا شرط الفحص عشان لا ينصدم من الخرابات للاسف الشديد الملاحظة الثانية عندهم اسوء تثمين

مكتب لبيع و شراء و تثمين السيارات تعاملهم راقي جدا و نفسهم حلوة باعولي سيارتي و ما قصروا

تجربة فاشله بالبيع اذا تبي تبخس ب قيمة سيارتك اعرضها عندهم لا عروض ولا كلام فاضي يخليك تدفع 20 دينار فتح ملف كأنك داخل مستشفى واذا ما باع السياره خلال اسبوع يقولك تعال استلمها وتروح عليك ال20 دينار

للاسف مريتكم الاثنين عشان اعرض سيارتي عندكم قلتولي تعال الاربعا دقيت عليكم الاربعا الساعة ١٠ الصبح وتقولون اي حياك المعرض تفضل ولم اييكم بعد ساعتين المعرض تقولون مانقدر نستقبل سيارتك مافي سوق ، اوك نقدر ان مافي سوق بس ليش بالتلفون تقولون اي حياك اذا هذا سوء تنسيق من عندكم مشكلتكم مو مشكلتي مو كل الناس بيوتها قريبة عليكم

للاسف كانت تجربة سيئة معاهم وهذا تقيمي للمكتب بكل شفافيه

لم اقم بزيارتهم ولكن ان شاءالله اقيمه بالزياره القادمه لان يوجد عندهم سيارات بيع وشراء

راعي المعرض نفسيه شفت إعلان لهم بالانستجرام عن بورش بانميرا موديل 2014 سعرها 6200 ويقول بعرضها لكم بسعر طيب وعلقت عليه وقلت سعرها غالي ماهو طيب وسوى لي حظر وحذف تعليقي لكن بصراحه الحق ينقال للأمانه أسعارهم في أغلب السيارات حلوه وانا استغربت منهم سعر البورش وانا أعتقد اني ماغلطت بتعليقي ولا وش رايكم ياأخوان

كل ماتحتاجه من سيارات ومعامله حلوه تلقاها بانوار العارضيه للسيارت

سيارات غير جيدة وأسعار مبالغ فيها لا انصح به

شريطيه فاتحين مكتب المعارض الثانيه سايمين سيارتي بـ5000 جيت عند انوار العارضيه وساموا موتري بـ4000 وحرفياً حركات شريطيه (يكسرون بحلال الناس/ يذمون فيه بأي شكل عشان يقللون قيمته/ واخر شي يهبد لك بالسعر) اذا مستعجل ع البيعه ثمن موترك عندهم واعرضه فورسيل وتكسب فيه ٣٠٠ او ٤٠٠ دينار زياده ولو تلاحظون التعليقات الايجابيه كلهم ابناء قبيله وحده (مع الاحترام للجميع بس هاذي حركات رفع لي يا ولد عمي) واتمنى ما يدش حسابي يدور فيه ويقول انت تمشي وتسب الناس الموضوع وما فيه تجربه فاشله وانقلها للناس والتعليقات موجوده لنشر التجارب الفاشله مثل التجارب الناجحه 👍🏼

اسعارهم جداً رخيصه وتعاملهم راقي للأمانه ارخص مكتب سيارات

للأمانه مااشتريت منهم شي ولكن من خلال متابعتي لهم من زمان في الانستقرام يعرضون سيارات نظيفه وبأسعار جداً مناسبه وبرضو تعاملهم الحلو وردودهم على الأستفسارات . الله يرزقهم ويرزق كل شخص صادق ولين مع الناس

مااشتريت منهم اي سياره .. لكن من خلال متابعتي لهم في الانستغرام و متابعة مايعرضونه : بتلقاهم ناس سمحه و يردون عليك على اي استفسار خارج البيع والشرا منهم .. واسعارهم للأمانه جيده جدا وفيه فرق بينهم و بين باقي المكاتب .. مثل ماا اتمنى لهم ثبات عروضهم للاسعار الجيده للسيارات المستعمله ، اتمنى لهم كذلك ان الله يرزقهم من واسع فضله .