استديو لقطات نوال للتصوير النسائي

للأمانه أنا دخلت ولكن مايهمني المكان وأساساً دخلت ريحة بخور والمكان نظيف التصوير مرررررره كويس أنا بطاقتي الهويه منتهيه ورحت عندهم ابي اصور تصوير حلو ويكون شكلي مرتب تبارك الرحمن طلع شكلي بيرفكت وعلطول الصور تطلع ولا تطول ابداً وساعدوني في إرفاق الصوره ف ابشر ويعدلون لي مقاسات للامانه مااظلمهم كلشي بيرفكت لا يهمكم المكان بنهايه ترا مراح تجلسون طول اليوم بتصورون بتطلعون شكره للمصوره من كل قلب وحتى اخلاق وأسلوب

الخدمه سيئه نصيحه مرتين اروح لهم والتجربتين سيئه والموظفه ماادري على اي اساس تم توظيفها وهي مو فاهمه شغلها فوق مو انها ماتعرف تشتغل اسلوبها سيئ مع العميل !!!!!!!!!!! ولما طلبت اتواصل مع المسوؤل رفضت وقالت ماراح اعطيك وش عندك وتحرك يدها مستفزه اتمنى الاداره تشوف للموضوع وتتواصل معي ————————— عزيزتي نوال كلامك غير صحيح وبالنسبه للتقييم واضح من كلام العملاء ماراح ازود شي ع التعليقات السابقه تكفي !

تجربتي كانت معاهم جميلة✨ صورت عندهم بكج عائلي 🧑‍🧑‍🧒‍🧒وكانو متعاونين 👏صورتنا وحده فلبينية بصراحة بالها طويل جداً لان تعرفون الاطفال بس كانت جداً لطيفة بس بصراحة (تفتقر للتعليمات والارشادات يعني تصور وبس ماتقول اذا في شي مو معدل مثلا شعر لبس) عدا ذالك ممتازين جدا تعديل الصور كان مره حلو ومحترف خامة الالبوم فخمة والتصاميم جداً حلوه 📷وعطوني هدية لوحة خشبيه🎁 مشكورين وهذي تجربتي كاملة وحبيت انقلها اسعارهم تعاملهم تواصلهم جداً ممتاز 🌟بالتوفيق ي رب 💕💕💕

الاستوديو مكانه سيئ .. و من الداخل مريب جدا غير مرتب ، رغم ان التعليقات بعضهم كاتبين المكان مرتب ! التعامل غير احترافي أبدا أبدا .. أصلا هذا الاستوديو ليش بالرياض ! كانه بالديره عموما تم رفع شكوى في وزاره التجاره و سيتم التصعيد باذن الله صورت مجموعه من الصور .. طبعا ابيها بدون تعديل و بدون اي احترافيه رفضت الموظفه السودانيه ! تقول الصوره الوحده بـ ٦٠ ريال سواءا تبينها مطبوعه او غير مطبوعه طبعا رفضت ترسل لي اي صوره و كذلك ارسلت بعدها بثلاث ساعات .. ياليت ترجعين تدفعين قيمه الخدمه تخيلوا تحسب نفسها صالون ! الموضوع انها باستوديو سي جدا تبيني ادفع لخدمه لم تقدم كامله ! والله نصحيه لحد يروح واللي يبون تصوير احوال فيه بنات سعوديات كثير يعدلون ع صوركم وأنتم بالبيت و تجنن و يقبلها نظام الأحوال .. مشكلتي بتنحل من وزاره التجاره باذن الله 🫱🏻‍🫲🏼

من أفضل الاستديو لتصوير النسائي وصلت البنت عندهم وتم التصوير ورفع الصورة بشكل سريع وجميل . بما يخص بعض التعليقات السلبية من الانصاف ترك شي جميل . الاستديو والقائمين على الادارة يستحقون خمس نجوم

توني طالعه من عندهم والله العظيم اني متصوره صورة أحوال فنانه صوره وجهي زي ما هو طبيعي ارسلت لي بدون تعديل ومع تعديل خيال على اني رحت ثلاث استديوهات قبلها كلهم مطلعين وجهي غريب شكرا شكرا لكم ❤️والخدمه سريعه ما طولت عندهم 👍🏼

مايستاهلون حتى نجمه رحت اصور الاحوال دفعت ٥٠ ريال بدون طباعه بس بي دي اف الموظفه قالت لي خلاص روحي وارسله لك واتس لان مافيه نت ورحت كان الجمعه اللي راح ولا ارسلت رجعت اتواصل معاهم قالت انتي مين! وبعدها اكلمها ولا ترد علي حسبي الله ونعم الوكيل

قالت بعدل الصوره لك للاحوال ولما رفعتها انرفضت وارجع اتواصل معها يالله ترد علي وطفشت منها رفعتها بدون تعديل وهذي اخر مره راح اتعامل معهم

الله يعطيهم العافيه تعامل جميل وسريعة بالإنجاز ومتابعة معي لين قبلوا الصوره الاحوال 👏🏻وتعديل بطل

جمييلين والتصوير عندهم حلو والتعديل برضو واذا محتاجه سؤال او شي يردون على رقمهم وتعامل الموظفه جميل جدداً والاسلوب تبارك الله 🤍🤍🤍

اسوء تجربه ولن تتكرر اجل اطبع صوره ب ٥٠ ليه ؟ يستغلون الواحده اللي تدور خصوصيه للصور

صورت عند اريج تعاملها رائع وبالها طويل الصور اعجبتني مره والتعديل ممتاز بسرعه تتجاوب معاك ، عسل مره ♥️♥️

تعاملت مع أريج تعاملها عسل ومعي إلى أن انقبلت الصوره الله يسعدها ويوفقها تعامل اكثر من رائع 🤍

أخذت لقطة صورة عندهم لبطاقة الأحوال سريعات وبالهم طويل على الزبونه واستديوهم مرتب ، واشكر الموظفة السعودية ، كانت معاي حبه حبه في الواتس ، وضبطت لي الصورة 😩 طلعت احلى من الاوله المريره بكثيييير ربي يسعدها 🌹

غالين مررررررررررره مقارنة بالمحلات الاخرى. ماخذين ٦٠ ريال على الشخص تصوير. ليه هذا السعر المبالغ فيه

استغرب من اللي يذمون الشغل او يقولون السعر غالي، امس كنت عندها وعادت لي التصوير مالا يقل عن ٣ مرات بدون تذمر او شيء وسوت عليها تعديلات تجنن وطلبت لو اقدر اعدل بعد قالت مابيقبلونها فسمعت كلامها وفعلا رفعت الصورة بابشر وانقبلت على طول، والسعر جدا طبيعي على طباعة ٦ صور غير الالكترونيه اجل تفتح محل وتعيد بالتصوير لكل زبونة وتقعد تعدل بالصور وتطبعها وبالاخير ١٠ ريال؟ احترموا تعب الناس، بس صراحة فنانة سريعة بالشغل وروحها حلوة هي وبنتها 💕

لو في أقل من نجمه يستحقونها.. للأسف المكان لا يرتقي لمكان تصوير والموظفه تعاملها سيء جدا ولا تعرف لا لتصوير ولا لباقه بالكلام.. ما أنصح فيه للأسف

بطييييييئة الخدمة جداااً انتظرت ساعه ونص عشان تصوير احاول بالرغم ان مافيه قدامي الا وحده

تصوير رائع ودقة ، ويتم التعديل عليها بما يتناسب مع الاحوال، تعامل جميل👍

بصراحة اول مره اجيها والخدمة ممتازة و تعاملها راقي و عجبتني الصورة من اول مره و الحمدلله قبلوها الاحوال والصوره تجننن ، يعطيها العافيه.