Rahu & Ketu temple

Nice temple where you will see the navagrahas other than rahu & ketu sitting with their spouses.

வணக்கம்

ஈசன் இங்கே மாகாளீஸ்வரராக அருள்கிறார். ராகுவும் கேதுவும் தங்களின் பாவ விமோசனத்துக்காக, இங்கு மாகாளீஸ்வரரை பிரதிஷ்டை செய்து வழிபட்டதாகச் சொல்கிறது தல புராணம். அவர்களுக்குப் பாவ நிவர்த்தி கிடைத்த இந்தக் கோயிலுக்கு வந்து மாகாளீஸ்வரரைத் தொடர்ந்து வழிபட்டால், திருமணத் தடை நீங்குவதோடு, கால சர்ப்ப தோஷம், புத்ர தோஷம், பித்ரு சாப தோஷம் ஆகிய அனைத்தும் நீங்கும். இங்கு சிவபெருமான் ராகு-கேதுவை தனது கைகளில் ஏந்தியபடி, அம்பிகையுடன் அருள் வழங்குகிறார். இங்கே ராகுவும் கேதுவும் மனித உருவில் காட்சி தருகின்றனர். இது, வெறெங்கும் காண்பதற்கரிய அம்சம் என்கிறார்கள். செவ்வாய், வெள்ளி, ஞாயிறு ஆகிய நாள்களில், ராகு காலத்தில் இங்கு தோஷ நிவர்த்தி பூஜைகள் செய்யப்படுகின்றன. இந்தக் கோயிலில் நவகிரகங்கள் தனித்தனி சந்நிதிகளில் மூலவரைச் சுற்றி அமைந்துள்ளது கூடுதல் சிறப்பு. தல விருட்சமான வன்னி மரத்தடியில் விநாயகர் அருள்பாலிக்கிறார். தோஷ நிவர்த்திகளுக்காக இங்கு நாக பிரதிஷ்டை செய்யப்படுகிறது.