عيادات رويال الطبية

تعامل غير مرضٍ بخصوص الاسترجاع او تعامل المنسقه دفعت للحجز مع دكتورة زينب وبعدها انتقلت الدكتورة إلى عيادة أخرى. تقدّمت بطلب استرجاع، وطُلب مني تعبئة استبيان وتم التواصل معي بخصوصه. بتاريخ 8/12/2025 تواصل معي أحد الموظفين وعرض عليّ خدمة بديلة بدل استرجاع المبلغ ويحاول لدرجه يقول حتى لو تعطينها اي احد من اقاربك ورفضت بشكل واضح. أبلغني أن الاسترجاع ياخذ وقت الى الآن ماوصلني أي مبلغ ولا يوجد وضوح في المدة أو متابعة جدّية ولا في اي رد مع انهم يقرون رسايل بس يطنشون عشان مايرجعون الفلوس اتمنى تحسين آلية الاسترجاع والالتزام بالوعود، عشان عملائكم اما بالنسبه لي برفع شكوى

افضل دكتور اسنان تقويم تعامل اسلوب اخلاق شغله ماشالله تبارك الله الله يوفقه ويسهل اموره يارب الدكتور مصطفى والله اني ادعي له كل ما مريت من العياده جدا جدا متعاون التربيه والاخلاق احتمعو فيه سويت عسالي عنده كلهم شغله صح الله يبارك فيه

تجربتي مع الدكتور مصطفى حداد كانت ممتازة. ركبت تقويم قديم مع دكتور ثاني وانكسر المثبت الدائم وتحركت أسناني شوي 🤕. حجزت عند الدكتور مصطفى، سوا لي مثبت حديد بمقاسي، وكل ١٠ أيام كنت أجي يضيقه أكثر بعد ما صارت اسناني صفتها كويسه سوا لي مثبت دائم والحمدلله صار لي ٣ شهور اموري تمام . مواعيدهم كويسه بالوقت ومتجاوبين بالواتساب بس الاسعار عشوائية ومرتفعه الدكتور يحطها على حسب الحالة.

نفس الموضوع مع هالعيادة لدي مبلغ طلبت استرجاعه ، يقولون خذوه في خدمة ثانيه ، ليش هالتعامل معانا ، رجعو حقنا الي تم دفعه ، لن اسامحكم حسبي الله ونعم الوكيل .

عيادات الجلدية عند الدكتورة منى الناصر اخذت من عندهم الدخول وسويت الفحص المبدئي كلام الدكتورة علمي ومنطقي وكان بالاستقبال والتنسيق الاخت رنا قمه بالادب والتعامل الراقي . شكراً للجميع واتمنى لهم التوفيق 🙏🏼

نصيحه لوجه الله اللي بيسون ليزر لاتجون هالعياده ابدا سوء معامله ولا عندهم تفاهم ومرمطه مواعيد لا منسقات ولا أداره تتفاهم معاك

يااخوان ويااخوات بخصوص موضوع استرجاع المبلغ معاك الفاتورة مافيه اي شخص له الحق يمنع استرجاع المال وبامكانكم التوجه للجهات المسؤولة الدنيا مو فوضى اخذ الفلوس وماارجعها

د. مصطفى حداد يعطيه العافيه على تعامله و شغله و قمة في الاحترام و التعامل خلال اشهر بسيطه كان الفرق في الأسنان واضح لازلت مستمره و النتيجه كل مالها تصير افضل ماشاءالله يعطيه العافيه 🙏🏼🙏🏼

صراحه من اغرب مارأيت واستهتااار في وقت العميل، احجز عندهم موعد يوم السبت الساعه ٩ في فرع القدس ولما اوصل يقولون لي الاستقبال اصلاً ماعندنا دكتورة جلدية بهذا الفرع!! وعطيتهم فرصه وحجزت مره ثانيه في فرع النزهه الساعه ٨ ونص لما وصلت يقولون لي انتهى دوام الاخصائيه !!!!! وزود عليه حاجزين لي ليزر وانا ابغى هيدرافيشل! ولكن اشيد واحترم تعامل موظفات الاستقبال في كلا الفرعيين النزهه والقدس لولا تعاملهم ولا لا يمكن اعيد التجربه في هذه العياده اللي تستهر في وقتي بهذي الطريقة!

اخذت بكج منهم ليزو فل بودي ٥ جلسات واستخدمت منهم جلستين فقط بعد فتره لما رجعت مضيعين فاتورتي ويقولون لي خلصتي كل جلساتك قلت وين ملفي طيب قالو مالقينا ملفك ،، بعدها بتقريبا اكثر من شهر جابولي فاتوره انا دافعه بكج منفصل لجلسات بكيني فقط ٣ جلسات قالو هاذي فاتورتك قلت هاذي مدفوعه بوقتها مو من جلساتي الفل بودي ،،قالو وين فاتورتك قلت لهم مالقيتها بس انتم مفروض عندكم ملفي وبياناتي قالو ماعندنا مالقيناها ،،سبحان الله رحت دورت بالبيت ولقيت فاتورتي اللي بالخمس جلسات ولما ورجعت تواصلت معهم صاروا ما يردون وقالولي جلساتك وخلصتيها وماعندنا رد ثاني قلت طيب خلوني اتواصل مع الاداره صاروا ما يردون،، الجلسات مو مشكله والمبلغ اللي اندفع ربي بيعوضني اياه يوم تجتمع الخصوم

من أفضل عيادات الأسنان التي زرتها المواعيد جدا متعاونيين سواء عن طريق الهاتف أو الوآتس وطبعا كلامي على عيادات الأسنان تجربتي كانت مع الدكتور الخلوق الراقي فهد الكريديس قمة في الهدوء والأخلاق التأني في التشخيص الصبر أثناء الكشف والعلاج عملت عنده تلبيسة لضرس انكسرت تلبيسته والحمد لله النتيجة أكثر من رائعة والحمد لله والأسعار 👌

الصراحة أنا ركبت تقويم اسنان عندهم بناء على المدح اللي قريته عن د . مصطفى بس النتجية طلعت عاديه و التغيير مو واضح ما عجبتني ابداً و فوقها الدكتور شايف نفسه و لا كان يعطي مجال أناقشه بسرعه يطلع 👎🏻

حابة أشكر دكتور مصطفى على شغله الرائع مع تقويم أسناني. من البداية كان متفهم وشرح لي كل خطوة بوضوح، والنتيجة صارت أفضل من توقعي! أسناني صارت مرتبة وجميلة، وأخيرًا صرت أبتسم بثقة. أنصح فيه وبقوة! شكرا جدا دكتور 🙏🏽

جربت عندهم تنظيف البشرة و تشقير الحواجب مع الأخصائية الجميلة قلباً وقالباً “مروة” بصراحة أسلوبها، تعاملها الراقي، شغلها نظيف ويدها خفيفة، والأهم من كذا إنها أمينة وشغلها من قلب يعني من الآخر… تعتمدينها شهرياً وانتِ مرتاحة البال تستاهل كل الخير 🫶🏻

شكرا لدكتورة سمر ما شاء الله قدمت كل ما تحتاجه بنت بشرتها كلها حبوب ما شاء يومين ونتيجه ظهرت والاحترام والاهتمام بكل المرضى يشهد الله أني ما ريتها إلا وهي تتنقل بين الغرف للمرضى ولم يتأخر أحد وأنا اشكر الاخصائية مروة تنظيف بشرة ثاني مرة لي وبناتي وأخلاق وأدب واهتمام منها وطلعت وبشرتي ما شاء الله صفا شكرا رويال على طاقمك الرائع وكذلك الدكتور مصطفى يشهد الله أنه إنسان رائع من أول مرة وكل كلمة قالها شاهت نتيجها تقويم الأسنان شكرا لعيادات رويال والبنات في الاستقبال تحت والدور الثاني رائعات قمة الاحترام والأدب وتقديم المساعدة والاستجابه

WORST EXPERIENCE EVER. Please do not visit this clinic. First, the nurse assigned by her doctor to carry out my treatment refused by her own choice to do her job. I felt completely embarrassed and I then felt scared to put my self under someone who doesn’t want to do their job not to cause my self harm, I mean how can it be that a nurse doesn’t want to do her job and I still put my self on her table! Not safe at all. !!. I therefore decided not to do the session even though I placed my payment. I then asked for the money back and they promised that they will, but without avail.. it has been several months now, and until today no refund. they wasted my time, my calls, my several follow ups to refund, I have been like a ping pong ball between accounting and management without decent or honest answer. They simply took my money and does not care if it’s their right or not.. I even did not get an apology for the behavior let the money aside ! Terrible. الرجاء ما حد يزور هذي العيادة. اولا الممرضة رفضت الاشراف على حالتي بالرغم من اوامر الطبيبة. انا ما رضيت اضغط على العيادة و قررت ما اكمل الجلسة بالرغم من اني كنت دافع و طلبت استرجاع الفلوس لانه ما ارتحت احط نفسي تحت ممرضة ما تبغي تعمل شغلها. و الى اليوم لم يتم ارجاع المبلغ الي و كل ما اتصل يضيعوني بين محاسبة و ادارة كاني اطلب صدقة. سلمت امري لله

عيادة سيئة جداً وخدمة العملاء اسوء.. جيتهم قبل ثلاث شهور لشد التقويم وانا دائماً ادفع بعد الاجراء لكن هالمره اللي بالاستقبال رفضت تدخلني تقول تدفعين اول وانو هذا شي من الاداره قلت لها على اي اساس ادفع للشد وانا مو اكيد أشد لازم الدكتور يشوف اول ورفضت الا ادفع طبعاً دخلت على د. مصطفى ولا سويت الاجراء ولما بلغته عن الاستقبال انهم خلوني ادفع قال لا هذا شي مرفوض وانا ما ارضى المرضى اللي عندي يدفعون الا بعد الاجراء!! وهذا اساساً اللي انا اسويه… والى الان اطالبهم بإسترجاع المبلغ وكل يوم تصريفه واطلب منهم رقم الاداره ولا يعطوني ميين المسؤول عن هذي الفوضى!!! ارسلت هالتعليق وكلموني يقولون فيه خطأ مطبعي بالاوراق اللي وقعتيها بنرسل لك اوراق توقعين عليها ونحولك المبلغ طلبت منهم الاوراق القديمه عشان اشوف الخطأ المطبعي على قولهم وسحبو ما ارسلو لي شي ولا عاد يردون!!! صدق عياده سيئة ومُحتالين

زرت قسم الجلدية سويت تنظيف هايدرافيشل مع ماسك الذهب والديرما بن مع الاخصائيه خلود نتيجته جداً رائعه واشكر الاستقبال وخاصةً الموظفه اثير على تعاونها 👌🏼💖💖💖 انصحكم فيه

حطيت خمس لان يستحق بس عندي مشكله مع واحد كذب علي انو ادفع حق التنظيف ومفروض م ادفع حتى انجبرت افوت المده واسافر عشان الدفع لكن موظفة ب الاستقبال اسمها ديانا جداً شاكره لها انسانه م قصرت معي محترمه وذوق في قمة الاخلاق الله يسعدها ويوفقها مثال للذوق والرقي واجهه حلوه للمستشفى.. اما الي كذب علي الله حسيبه

دكتورة سمر سيييئة اسلوبها شين مع المرضى دفعت لها استشارة ولا عطتني وجه ولا شرحت لي اي شي ولا شرحت لي عن الاجهزة ولا سألتني عن اي شي. اضطرت اخصائية تقنعني اقعد عشانها دكتورة وقلت والله افضل اقعد معك لان اسلوبك افضل. دخلت وعلى طول طلعت ما ارتحت نفسياً ابداً. كذلك عندهم مخالفات صحية كثيرة تعقيمهم للمكان سيء وريحة العيادة 🤢🤢 والممرضات قاعدين يتسكعون في غرفة انتظار المرضى على جوالاتهم. اسواء عيادة في الحياة الله لا يعيدها من تجربة. تحديثات: بعد التقييم المذكور اعلاه اتصل مدير المركز يتهمني بالتشهير!! فيعني ليس فقط خدماتهم سيئة بل كذلك يتصلون على مراجعينهم ويتهمونهم بالتشهير محاولةً منهم بتخويف مراجعيهم وحذف التعليقات. الله العالم ايش التعليقات اللي كانت موجودة وحذفت من قبل المراجعين بسبب اتهاماتهم الواهنة! وبعد سؤالي عن اسم المتصل الذي يزعم انه مدير المركز رفض رفضاً تام بافادتي اسمه! انصح المركز بالتحقق من صفته واخذ الاجراء اللازم حيال اتهاماته اللتي لا اصل لها. ارجع واعيد لا انصح بالعيادة ابداً!!