Roza Gym نادي روزا

عسل

مساحة النادي جميلة وشرحة، صالة الحديد جميلة، موظفات النظافة على قدم وساق م يقصرو ✅❤️ الموظفة ( ريم الثقفي ) متعاونة جدًا واخلاق بالمعنى الحرفي للكلمة، متفانية وأمينة وذوووووق ومحترمة وتعرف تتعامل بإحترافية عالية، أشكرها من قلبي ❤️❤️🌟🌟🌟🌟🌟🌟🌟🌟🌟 سياسية التنازل سيئة وفيها عدم احترافية وتناقض، وابدًا مو متعاونين رغم اني بدفع ٥٠٠ الا انهم يقولو لازم نقل خارج مكة !!! وفي العقد مكتوب يحق للمشتركة التنازل في حالات الطواريء وهذه تعتبر حالة طواريء، صراحة سياسة غريبة ورجعيه اتمنى يراجعوها لاني كنت احترم سياسة النادي واحبه لكن كرهته بسبب هذا الشيء فقط ❌❌❌❌❌❌

تجربتي كانت مختلفة مع تدريب السباحة 🏊‍♀️ أحب أشكر المدربة ساميه متوم على تدريبها الرائع وتشجيعها المستمر.. تعلمت معها أنواع السباحة الأربعة بخطوات بسيطة وممتعة، وما راح أنسى تدريبها أبدًا لأنها فعلاً خلتني أتطور وأحب السباحة أكثر 🤍🤍🤍 أنصح الكل يجرب الاشتراك معها، تستاهل كل الشكر 🌊✨

بصراحة الكوتش ياسمين من أفضل المدربات اللي تعاملت معهم 👌🏻 اهتمامها مو طبيعي، تتابع كل التفاصيل الصغيرة قبل الكبيرة، ودايم تحفّزني بطريقة تخليك تحبين التمرين حتى لو كنتِ تعبانة. أسلوبها راقي وتعاملها ذوق، وعندها خبرة واضحة ونتايجها تتكلم عنها 🔥 فرقّت معي جدًا سواء في لياقتي أو ثقتي بنفسي. أنصح فيها وبقوة لأي بنت تبغى تتطور وتوصل لهدفها بطريقة صح وآمنة

كوتش ياسمين احسن وأفضل كوتش تعطي من قلب وتعاملنا زي بناتها وتخاف علينا الله يعطيها العافيه تعبناها وتعبت معانا وأفضل تحدي دخلته في النادي والله يعطيها قد ماتتعب معانا وأحلى شي لما تقول كملو ياوحوش انتو قدها وتعطينا جرعة حماس من كلامها

النظافه ١٠/١٠ والنادي يهبل ويجنن والموظفات عسولات وكوتش ياسمين البحيري عسل عسللللل اتعب وانا اقول انها عسولة العسولات ساعدتني مره بنصايحها لي الله يعطيها العافيه🌸🫶🏻كوتش ياسمين أحبك🥹

رحت اليوم عشان اخذ فكرة عن المكان بتجربة صحبتي ساعة ٨ تماما ، مافي احد في استقبال انتظرت ١٠ دقايق ،والمشتركات يدخلون بالبصمة وانا انتظر احد تجي تفتح لي في النهاية وحدة من المشتركات دخلتني ببصمتها ، ادور واسأل احد يرافقني عشان الجولة قالوا لسه ما وصلت، انتظرت ربع ساعة كمان ما جات احد خرجت ساعة ٨:٣٠ 🥲 المكان باين حلو بس حسيت مافي اهتمام بالمواعيد

صراحة النادي يجنن والنظافه ابدًا مو زي كلام البعض!! استغربت الانتقاد هذا وربي مره نظيف النادي والتكييف ممتاز وماشفت اي جهاز خربان الله يسعدكم على هذا المجهود والاداره يشكرون والموظفات جدا عسللل صالحة و يارا 🥹💕💕💕وموظفة السوشال ميديا رهيييبة اشتركت بسببها 😍 مره رهيييب النادي لكن عتبي الوحيد على الاجهزة، اشوفها قليلة فعلا وتصير زحمة عليها☹️ضرورري زيدوها وبالذااات البنشات مره قليله مره على انها اهم شي بصالة الحديد صراحة هذا الشي اللي ماعجبني ياليت تاخذو الملاحظة بعين الاعتبار لانو اكثر من شخص لاحظو نفس الموضوع * كمان اوقات الدوام يليت تمددوها للساعه ١٢ احيانا صعب اني اجي بدري

الادارة صايرة مادية بشكل فضييييع! من متى الفعاليات اللي تصير بالنادي يدفع عليها المشتركات؟ لا وكمان حاطين الكلاس بـ١٠٠ للي من خارج ومن داخل النادي يعني حتى مافكروا يميزونا ويخفضوا السعر للمشتركات😂 اجل انا دافعة لكم ٣ آلاف ليش؟ غير انهم غيروا اوقات الدوام صاروا من ١٠ ونص يطفوا المكيفات! انا كنت اجي ١٠ ونص اتمرن😂! صراحة روزا من سيء لأسوأ

قصيت شعري مدرج واستشورته عند الأخصائية ايمان ما شاء الله شغلها إحترافي يجنن وخلصت قص واستشوار في اقل من ساعة 🫶🏼

التدريب الشخصي مااحد يتعدى فرح ❤️ في التدريب الشخصي للسباحه ماحد يتعدى ساميه (( بالنسبه للاطفال )) ❤️ جميع الكوتشات لطيفات متعاونات يحببونكم بالنادي (( لينا/ رشا/ مشاعل/ هدى/ روعه )) يوجد جداولهم شهريه بالانستغرام / الاسناب

زرت هذا النادي مرتين، والسبب الحقيقي لرجوعي كان وجود الكوتش ياسمين البحيري. بصراحة من أفضل الكوتشات اللي مروا علي، أسلوبها احترافي وواضح تعرف كيف تحفز بدون ضغط وتهتم بأدق التفاصيل اللي فعلا تفرق في التمرين. معها تحس إنك مرتاحة وواثقة، تعطيك طاقة إيجابية وتشجعك تستمر وتحب التمرين أكثر. تجربة جميلة جدًا، والكوتش ياسمين البحيري إضافة قوية للنادي وتستاهل كل التقدير

مو طبيعي اني اشترك عشان اتمرن تمارين محدده واستخدم مرافق محدده والقيهم ساكينها اجل انا ليه مشتركه اذا المرافق مقفله ومافي اي اهتمام من قبل الموظفين!! اشتركت عشان غرفة اليوجا الهوائيه والقيهم قافلينها بالفتاح طيب انا كمشتركه كيف استخدمها ولا لما اكلم الموظفات يقولو المفتاح ضايع ودخلت غرفة الساونا لقيتهم مقفلين جهاز التسخين ادور على كوتشات يوروني طريقة التمارين واغلبهم يعطو الاهميه للاشتراك الشخصي

أولا/ أحب اشكر الإدارية مريم ..حقيقي أدارة ماهرة في التواصل وتعاملها بجودة ورقي ثانيا الجم ماشاءالله واسع ومريح وفيه كل الخدمات المطلوبة للعملاء المستخدمين للمرفق لكن أتمنى على إدارة الجيم إلزام مستخدمي المسبح بعمل تحاليل الكبد الوبائي والإيدز وأكرمكم الله البول ليصبح أعظم نادي فيك يامكة وأفخم وبلا منازع

ليا شهر مشتركه فالنادي… النادي جميل و متكامل بس كنت اتوقعه افخم من كذا و حبيت فكرة الملاعب المفتوحة … الكوتشات كلهم فنانين للامانه ومبدعين فالكلاسات ( ملاحظتي لهم انهم يهتمون بمشتركات و مشتركات لا ..ياليت تعطون اهتمام للمشتركات الجدد تعلموهم على الاجهزه وتعطوهم من وقتكم ) بالنسبه ليا للان اجمل كلاس مع الكوتش (( موضي ))كلاس اليوقا حقيقي تعطي الكلاس حقو في كل ثانيه وتتابعنا بنت بنت شكرا للكوتش موضي ❤️

طيب النادي حلو و كامل والكامل الله بس ؟ البيئة الداخلية صفر المبيعات يغثونا بالإعلانات ولما نتواصل مافي رد صاحي بس تبا تقفل التارجت وتخلص ! المدربات او الموظفات كلهم مش متعاونات مع بعض و ينتقدو بعض من ورا ظهورهم حتى الجديدات نفس النظام سواء مدربة ولا مبيعات😂😂 مرا عجيب ومعلوماتهم غير متفق عليها يعني استشير مدربة عن حاجة تجي مدربة ثانية تنفي صحة كلام الأولى وتغلطها مين نصدق ؟ و غالبا المدربات ما يراعو التكنيك الصح ولا يراعو الاصابات فقط توريك حماس في الكلاس و السلام ؟؟ حرام بالله نادي زي دا كدا يصير فيه مفروض يكونو الكل زي العيلة متكاتف ومتعاون مو يهدمو ويخربو على بعض ويقللو من بعض ونفاق يفشل صراحة رحت اكتر من نادي و يكون صغير مثلا بس الكل متعاون و يحبو بعض و كلهم نفس الإجابات في الاستشارات وتكون صحيحة مو فلم اجل في مدربة تقول لا تسمعي لاحد تاني بس اسمعي لي ؟؟ والمشكلة كل منهجها خاااطئ حتى الصغير يفهم الله المستعان شكراً لقسم الصالون سويت مساج مريح مرا نادي الاطفال جيد كمان بنتي مشتركة ومرتاحة الملاعب ممتازة بس ياريت تضيفو برادات ماء في الملعب علاقل 💔 شكرا نادي روزا

جميل جدا اول نادي في مكة بهذا الحجم الخدمات بالالات بشاشة موظفين عروض منتازه ممتازه عملت اول اشتراك واشتراك كمان لمدربة سباحه اسمها سوزان استفدت منها كثيررر علمتني طويلة بال مهتمه جدا بالجست محترمه خلوقة ممتازه في التدريب شكراً سوزان من اعماق قلبي شكرا لذوقك وطولة بالك شكرا من القلب الان انتهى اشتراكي وجددته مره ثانيه من كثر من ان النادي مريح الحمدلله

السلام عليكم .. مساء / صباح الخير 💞 بداية .. الله يعطيكم الف عافيه على الخدمات المقدمه حقيقه لاحظت اهتمام كبير من الاداره لتقديم خدمه منوعه ومميزه .. نصحتني وحده من صديقاتي بنادي روزا .. و بدايتي كانت مع مدربه خاصه .. *كوتش رشا* كوتش رشا ♥️ انسانه جميله مره .. حقيقه سمعتها في كل مكان ولاحظت حب البنات لها من خلال كلاساتها دايم زحمه ماشاء الله .. بتعطي من قلب ♥️ كوتش فاديه 💞 لطيفه جدا .. وكلاسها مختلف بستمتع فيه جدا وبيضيف كذا شعور حلو من خلال شخصيتها الهاديه الرايقه 💞 كوتش ياسمين 💪🏼 بوصفها زي مابتقول *وحش* كلاسها من اجمل الكلاسات .. البنات بيصوتو بس راح يعملو التمرين زي ماتحب 💪🏼 بنات الاستقبال سوزان 💞 ورغد💞 ماقصرو وجاهزين لاي استفسار 💞 يعطيكم العافيه جميعا 🙏🏻

اشتركت في النادي لانه المواعيد للساعه ١٢وفجئه يقولو نقفل ١١طيب عندي دوام وعندي التزامات والنادي اساسا بعيد عليا اشتركت فيه لانه يقفل ١٢ولا جنبي نوادي غيره مع انه ارخص اكلمهم يقولو قرار اداري وانا عارفه انه صاحب المكان مو عارف اش بيسوو الي من تحته كل واحد ينزل قرار على كيفه ويقولك قرار اداري لاكن حسبي الله ونعم الوكيل التعامل جدا سي واكيد ماراح اجدد الاشتراك وياليت يراجعو قراراتهم الفجائية

ما شاء الله نادى جميل تجربتى كانت علاجية مع الجميله والمتميزه ياسمين مساج علاجى ما شاء الله تبارك الرحمن ممتازه وذو خبره عاليه وتعامل راقي جدا اليوم كانت اخر جلسه معاها الحمدلله حسيت بتحسن ملحوظ ان شاء الله مش اخر تعامل معاها بالنسبه للنادى جميل بداية من سوسن الجميله تعامل راقي واهتمام بأى استفسار المسبح الكبير رائع بس حالياً مغلق للصيانة أتمنى يفتح بسرعه المكان نظيف ما شاء الله تجربة جميلة ان شاء الله مستمره معاهم