شركة صدق للاستقدام - سكن العاملات

ثنتين معلقين على فيونا وكل كلمه فعلا وصفوها اتوقع اسوء تجربه كانت معها جدا مستفزه نادر نلقى عاملات فعلا نظيفات ومحترمات جربنا وحده منهم استمرت معنا هي اللي فعلا محترمه وعجبتنا تعامل جيد لابأس

تجربتي معهم في عاملتين من كينيا كويسات ويشتغلون ولم يسبق لهم العمل وايلي سهل الموضوع اللغه الانجليزيه والاداره بالمكتب رائعه اخص اماني واشكر مصداقيتها وعدم تقبلها لتقصير العامله في عملها والعامله تمشي بنضام صاحبه البيت ولك الحق ترفضين وصول مندوب لبيتك زي مارفضت أنا المشكله ايلي واجهتها مع اثيوبيه لاتعرف اي لغه للتخاطب معها. وتم استبدالها فورا

اول مرة اجي وجيت ١٠:٣٠ وهم كاتبين الدوام يبدأ ٩ والحين لي نص ساعة انتظر ومافي احد والباب مقفل!!

ماشاءالله تعامل ممتاز الحمدلله ، رحت المكتب اخذت عاملة ،ماطولت ، العاملة جديدة ، مؤدبة .

اخذت عامله من عندهم ورفضت العمل ورجعتها لهم والآن لي شهر ونصف مارجعت فلوسي .. ردودهم رفعنا طلبك للادارة، تواصل معنا في الصباح …الخ لو اني مستقدم وحده كان وصلت ورفعت شكوى لوزارة التجارة حسبي الله عليكم

تجربتي معهما اسوء من السيئه جبت عامله ماهي صاحيه تبي تسوي نفسها فاهمه غصب ماتعطيني فرصه اعلمها نظام البيت كنت ماخذتها بالشهر الشهر الاول دمرت البيت الشهر الثاني انحاشت وانا بالدوام وتركت اطفالي بلحالهم ويوم جيت الشركه قالوا وش تبينا نسوي مالنا الا نعطيك بديله جبت البيت صارت جني مو ادامي كل اليوم ساكنه بالحمام وتصور وتنزل بالواتس اب مااكرر تجربتي معهم ابد لا بالشهر ولا بالساعه

الصراحه فعلاً خدمة الموظفات كويسه ومحترمين وبالنسبه للعاملات انا جربتها نفسها فيونا انمبازي نفس الحرمه الي علقت عنها فعلا قليلة ادب مو طبيعيه حركاتها وترقص وتستقصد وجود الزوج في البيت وتشتغل وتنزل بالحاله بالواتس اشياء مقززه الفتره كلها الي جلست عندي فيها ماخليتها تمسك او تلمس بنتي اهلي مرتين جربوهم ماشاء الله كويسات وجربت صدق بالعاملات بالساعه ممتاااااااازين واحب اتعامل معهم الجنسيه الي جبتها الإندونيسية للاسف جربت شركة ثانيه وابدا ما عجبتني وسبب التجربه لان فجاه صارت منطقتي ماهي مدعومه حالياً اتمنى يرجعوها 😓😓

كنت اتعامل مع تمكين سنه ونص وجربت صدق شهرين بنات انصحكم فيهم الموظفين اصحاب تربيه ومنقينهم تنقيه خصوصا الدوسري كنت معصبه ابي انهي العقد بسبب هروب العامله و امتص غضبي باسلوبه وعوضني والعاملات توفقت بوحده والثانيه انحاشت والي معي الكينيه الان واضح مدربينها وتعبانين عليها شكرا لكم

اسواء مكتب مر عليه اخذت اكثر من ٥ عاملات في شهر واحد كل وحده اخس من الثانيه لا وتكلمك من طرف خشمها بعد والتنظيف سئ جدا تقوم٨ الصبح يجي اخر الليل وهي بعد ماخلصت شغلها تماطل شوفو النظافه هذا محصلته بعد ماوديتها المكتب تحت الزبله

تعامل السعوديات بالمكتب ممتاز الله حق علطول جيتهم وبدلوا لي من الجنسية على اختياري لكن اخذت منهم عاملة اذا انتم مب صارمين ما تنفع لكم اوغنديه اسمها فيونه النمبازي من اسوء ما يكون تنظيفها وصخ اي كلام وفيها شوفة نفس واذا كلمناها ماترد بس و الشغل تسويه بسرعه اي كلام بس ناديها تطلع روحك ماجت وكل يوم مرسلة لي معروض بالواتساب بالاشياء اللي ماتريحها واتفاهم معها وتهجد مدري وش صبرني عليها اذا شفتيها تقولين وش هالحليلة الخجوله لكن فجأه تفصل يبي لها احد ينفضها نفض ماينفع معها الكرم والاحترام عجازه تبي تخلص وتتسدح وتكلم بجوالها واللي تشوفه صح هو اللي يمشي تسلك بابتسامة وتمشي اللي براسها الثلاجة والاكل كلها مخليتها على راحتها لكن كل يوم مرسلة لي شكاوي انواع الاكل اللي تبيها وتحسسك انها بمجاعة عشان النوع اللي تبيه بالضبط مو موجود قليلة ادب عندي محادثات معها تثبت تطاولها وقلة ادبها

افضل شركه تعاملت معهم من حيث المصداقيه والعامله ماشاء الله

مندو سنوات وانا اتعامل معهم بنظام التاجير وكان تعاملهم راقي جدا ومصداقيه في العاملات حيث تعاملت معهم بالجنسيه الاثيبوبيه وكذالك الاندونسيه ..ولله الحمد من افضل الشركات التي تعاملت معهم .. حتى اخيرا قبل فتره طلبت نقل كفالة عامله بعد التجربه .وتم انهاء الاجراءت من قبلهم بسرعه ولله الحمد ... كانت تجربتي معهم ممتازه سرعة انجاز ومصداقيه وحسن تعامل . . واشكر الاداره وجميع الموظفين من موظفين استقبال وغيرهم .. واخص بالشكر الجزيل الموظفه اميره .. من ماوجدناه منها خلال فترة التعامل مع الشركه من حسن تعامل واخلاق واحترام للعملاء ولاحظنا حرصها الشديد على خدمة العملاء ورضاءهم التام عن الخا.مات .. فشكرا شكرا لكم جميعا وهذا قليل من كثير مها قلنا لانفي حقكم .. وهذه والله شهادة حق لله يجب ان اذكرها خلال فترة تعاملي ..معهم ولازلت انصح بالتعامل معهم كل من يبخث عن عاملات ..

خداماتهم بس همهم الواي فاي والترقص في التوك تك اهمال في العمل مخهم وتفكيرهم في الجوال اسمع صوتها الى الفجر وتجي عندي الصباح عيونها حمراء من السهر قذرات جدا وقامت تستخدم قلفز المطبخ للحمام تكرمون يعني ماحس يبي لها تفكير شي بديهي اللي تسوينه غلط ولايسالون كل شي تتصرف من راسها جبت وحده ريحتها قسم صبغت في البيت حتى المبخره ماتفيد !

اول شي النجمه عشان التعليق شركة موظفاتهاا محترمات العماله قليلة ادب وجريئات ولايستحون جايين فقط للاكل والجوال بس تبي الواي فاي والله لاتنظيف ولا نظافه ولا اهتمام بدل ماتجيبها تساعدك وتريحك تجيبها تغثك اخذت سبق لها العمل وكانت سيئه وطفشانه من الشغل والاوامر وجددت واخذت وحده توها مالها الا شهرين لسانها طويل تتفف اذا عطيتها امر تلوي وجها تبي الجوال وتاكل وتنام بس مدري هم يخربون بعض او الشركه تقول ماعليكم من احد لان شي غريب قلة الادب مافيه احترام القوه الي فيهم ماشفتها في اي عامله

اسوء تعامل قابلته بحياتي!! اول مره جيناهم نستأجر عامله قبل شهرين، تعامل الموظف اللي من جنسيه عربيه بالاستقبال كان محترم ومتعاون وتحمسنا بعدها ورجعنا نطلب نقل كفالة العامله قبل شهر وايضا تعامله كان ممتاز وأقنعنا انه فاهم بالموضوع ومايحتاج نشيل هم ابد وبيخلصه لنا. ولكن مجرد مابدينا بمعاملة نقل الكفالة وتم الدفع تغير تعامله تماما وتحول الى مماطلة وتسليك وعدم رد على الاتصالات واسلوب عكس تماما اسلوبه قبل بدء نقل الكفالة!! بنكمل معاهم شهر للحين بدون مايخلصون نقل الكفالة ولا يعطون العامله راتبها من ايجار اول شهر والأدهى ان خدمة العملاء يتواصلون معنا يطالبون بتجديد عقد الإيجار مع اننا بادين بمعاملة نقل كفاله ودافعين!! ومشرفة العاملات تتواصل مع العامله ومره تقول لها مالك راتب ومره راتبك نزل وهو مانزل اساسا!! يعني الوضع حوسه تماما! هل ممكن ارجع لهم او اوصي عليهم؟ لا يمكن ابدا خصوصا مع أسلوب موظف الاستقبال الأخير

النجمه عشان التعليق بس جدا سيئين واتمنى محد يتعامل معهم خدمه سيئة للغايه العاملات ابدا مو مدربين الشغل زباله استبدلت 3 عاملات وكل وحده اسوء من اللي قبلها

السلام عليكم ورحمة الله وبركاته ، انا تعاملت معكم بغض النظر عن الخدامة ممتازة ام لا لانه بالنهاية توفيق من الله سبحانه وتعالى ، ‏لكن الاهم عندي تعامل موظفينكم سواء من ذكور ام إناث ، ‏وانا للامانة جداً معجب بتعامل الموظفين من ادب وحرفيه واحترام وتقدير وامتصاص لغضب العميل ، واحب اشكر الاخ ناصر الرشيدي بـ فرع القصيم _ بريدة وكذلك الاخت نوف في الكول سنتر ، ‏للامانة جداً خلوقين ومتقنين للمهام الموكلة لهم ويعملون وكأن المنشأة لهم شخصياً أدوا مهامهم بكل إتقان وصانوا الامانة وعملوا بذمة وضمير للأمانة يستحقون الثناء والمدح ..

افشل مكتب في السعودية تعاملت مع مكتبين غيرهم افضل منهم بالف مره مدربين عاملاتهم وتعاملهم افضل من هذا المكتب السيء الفاشل اتمنى يتقون الله في شغلهم ومصداقيتهم في العاملات

اهررررررررربووووووووا لو فيه اقل من نجمة اوصخ سكن بالحياة جبت اندونيسية وجابت معها صراصير وجبت اوغندية وجابت معه بق الفراش لعب ف بيتي وفي حياتنا لعب حسبي الله عليهم ونعم الوكيل ما اسامحهم ليوم الدين

تجربتي معهم سيئة العاملة تشترط الواي الفاي أو بترفض العمل جربت عاملتين والثانية بعد مادفعت المبلغ قالت اذا مافيه واي لا طيب ليش تخلوني ادفع .. الشركة غير قادرة على ضبط العاملة أو يتم التوضيح شروط عاملاتكم قبل الدفع ..