مدارس سماء المعرفة الأهلية - أجا

السلام عليكم .. المدرسة جيدة جدًا والمعلمات ممتازات ، لكن الاحظ بعض المعلمات يتهاونون مع الطالبات بالتصوير في المدرسة وبعض الطالبات وقت الانصراف وحنا ناخذ عيالنا نشوفهم يصورون داخل المدرسة ، ماداوي هل هو مسموح ذلك او لا ، علمًا ان التصوير بغير اذن فيه سجن وغرامات المفترض تنبه الطالبات لهذه الامور ، هن فترة مراهقة مايعلمن الصح من الخطأ، اتمنى الادارة تشدد على هالامر ويصير فيه جوالات تفتيشية كذلك ، وامر اخر انتشار حسابات بالتواصل ب اسم المدرسة ومن يديرها طالبات وهذا يسيء لنا ولكم ، نرجو من الاستاذة الفاضلة سلمى مراعاة هذا الامر . شاكرين ومقدرين حرصكم

المدرسه رائعه والتعليم عندهم تاسيس جيد بس بعض اهالي الطلاب ما يبي يلاحظ الطفل بالبيت يبي المدرسه تعلمه وتراجع له سلامات ادارة المدرسه بمنتهى الذوق سلمى العودة تقيمم المدرسه مليون نجمه 🥰🥰🥰

طفلي توحدي للاسف مع انها مدرسه دمج والحكومه تدفع قسيمه ومبلغ كبير ولكن مافيه خدمات تقدم لاطفال التوحد او جلسات تعديل للسلوك مكثفه علما ان المدرسه تجبر الاهل بحضور معلمه ظل مع الاطفال او عامله وطبعا معلمه الظل راتبها ٢٠٠٠ وممكن ماتعجبهم فيطلبون تغييرها باستمرار .. الوضع جدا صعب على ان مديره المدرسه ممتازه ولكن الكادر يحتاج متابعه اكثر ويحتاج يتوفر معلمات تربيه خاصه لكل فصل مثل الرعايه النهاريه فيه فصول ونهائيا مايطلبون معلمات ظل او عامله مع الطفل .. اتمنى من مديره المدرسه الفاضله تشوف حل لهالموضوع ويسعون لتوفير معلمات من نفس من المدرسه خاصه للاطفال ..

مدرسه رائعه بكل ماتعنيه الكلمه من معان ابتداءً من المديره للمعلمات للاداره بشكل عام احب اشكركم جزيل الشكر على هذا المستوى من التقدم وباذن الله من نجاح لنجاح لمدارس سماء المعرفه

فعلاً نفس باقي التعليقات مدرسة لاتمت للتعليم باي صلة لا من ناحية الإدارة ولا من مديره الصراحة قبل الاجازه بنتي كان عليها حراره وقلت للوكيلة انتبهي له كلميني إذا ارتفعت حرارته وعلى أعصابي بالدوام ادق محد يرررد !اتفاجأ من بنتي جتني حرارته ناااار وسالته ليش ماجتك الوكيلة قالت ماما محد جاني طول الوقت متخيلين حراره ٨ ساعات محد انتبه للبنت حتى فسحته مااكلته بسببه بنتي يومين مرقده ،، بنتي عاد طلعته من المدرسة لكن قيمت عشان الناس تنتبه وتحرص ! اجل ليش مدخلين بناتنا مدارس خاصه؟حسافة الفلوس عليه بنتي ماتعرف تقرا ولا تكتب زي الناس مافيه تاسيس سبحان الله رسالة من ربي انقله واطلعه الحمدلله . أرجو الحرص من إدارة التعليم الأهلي على هالمدرسه

مشالله يستاهلون كل خير من المدارس المميزه بحائل من طاقم اداره واعضاء التدرسس يشكرون على كل الجهود المبذوله 🩶

افضل مدرسة اهلية تربيه وتعليم مشالله تبارك الله والاداره والمعلمات حرصين جدا على مستوى الطلاب واشكر الحارس وليد حسن التعامل

انا جربت الروضه وصف اولى للامانه الروضه تعتمد على العب مو مركزين ان الطفل يحفظ الحروف تقولي نركز على مسكت القلم اهم شي ! اما اولى ولدى ماشفت فيه شي مميز بالتعليم ولدي مايحفظ القرآن وتحط له اتقن ! والاملاء كذالك خلص اولى والولد لسى مايعرف يقرى بس يجمع الحروف اتوقع لو حكومي كانو ركزوا افضل بتعليم ويشدون اما انهم يمشون الطفل وينجح بدون تركيز على النتيجه واستجابة الطفل اشوفه غلط انا مادخلتها مدارس خاصه عشان ينجح وبس كنت ابحث عن تعليم افضل بس للاسف والإنجليزي مره مو مركزين عليه ولا مره جاء معاه اوراق او تحفيز للانجليزي اقيم استاذة الانجليزي سيئه جدا وشهادت حق من ناحيه اهتمام الاستاذات بطفل والدلع موجود ومره ولدي يحب مدرسته واستاذته ( هذي تجربتي الشخصيه)

للأسف فاشله لا تأسيس ولا امور إداريه واكثر شي ندمت عليه وكرهوني بالقطاع الخاص كله

المدرسة جيدة والمعلمات مهتمات وفقهم الله درس الولد عندهم روضه واول ابتدائي وشكر خاص لوليد الهمزاني هو الي محلي هالمدرسة عيالنا الحمدلله مانخاف عليهم بالطلعه من بعد الله ثم وليد الله يجزاوه خير ويوفقوه .

مديره سما المعرفه الفاضله ..مع نهايه هذا الفصل نقف وقفه تقدير وامتنان لمن حملن امانه التعليم والاداره بكل اخلاص .. كل صرح تعليمي تقف خلفه قائده ملهمه ومبدعه وكل الشكر واخص الشكر للاستاذه رحاب على تعاونها وتقبلها لاتحمل قواميسي كلمه شكر وامتنان لها ..بنتي منذ البدايه الى الصف السادس ماقد اشتكيت قمه بالتعامل والتقبل الف الف شكر للقائده سلمى والاستاذه رحاب والمعلمات ولمن بذلن الجهد لتكون هذه السنه مليئه بالانجازات والنجاح …وشكراً على الحفل الاكثر من رائع

مدرسة رائعة جداً ومعلمات متميزات وأخص بالذكر المعلمة الرائعة ( هدى هاجس ) معلمة أول ابتدائي بنات جزاها الله كل خير معلمة خلوقه جداً ومخلصة ومتميزة وتأسيس أكثر من رائع🤍 وكذلك شكر للمديرة الفاضلة سلمى العودة 🤍

تجربتي قبل سنه وتكررت قبل اسبوع رحت بسجل البنت عندها تاخر بسيط بالنطق وكنت صريحه معهم والاداريه من دخلت قالت ترى مانقبله قلت ليش قالت ماعندنا صفوف لتاخر النطق بس الفصول لتوحد والسمعيات قلت طيب انا دقيت عليكم قبل وقلتو تعالي للمقابله وسكتت قالت طيب تقابل مع المعلمه دقيقتين بالضبط المقابله وطلعت المعلمه ماكلمتني والاداريه نفسه قالت مانقبله وانا قلت لك من اول والمقابله بس علشان مانظلم البنت.؟! وش قيمتي ي المعلمه .؟ سالت الاداريه طيب وش التخصص اللي تحتاجه ولاهو عندكم .؟ التوحد والسمعيات نظام دمج صحيح قالت نعم قلت طيب اغلب حالات التوحد والسمعيات عندهم تاخر بالنطق ودامجينهم يعني نفس مشكلة بنتي قالت مانقبله مانقبله — وقبل سنه صار نفس الموقف لما كنت بسجله روضه عندهم ، مااقول غير حسبي الله ونعم الوكيل وان شاء الله انه تذوق نفس الشعور والاحساس بالضبط بدون زياده او نقصان

حسبي الله ونعم الوكيل .. من وكيلة الشؤون الطلابية والاداريات والادارة كله ولدي الا الان يعاني من تأتأه بسبب تعامل الوكيلة تجره من يده عشان يدخل الفصل بدال ما تتكلم معه ليه هالاسلوب هذولا عيالنا امانة عندكم ! تخسرون طلابكم بسبب جهل بعض الموظفات .. غير ان الادارة مشخصة ولدي توحد ! تقول لاااازم ياخذ جلسات، حبيبتي اي جلسات ؟ ولدي خجول ويستحي ادري ولا تبون زياده رسوم 🤣 المهم والله ماكذبت وحده من المعلمات كلمتني الله يسعده وين ماوجهت وجهه قالت خوذي عيالك وهجي بهم برا المدرسة انقليهم والله انه يمكن هاذي رابع وحده تكلمن من معلماتهم تقول بالاختبارات حنا ننجحهم عشان مايزعلون اولياء الامور .. صراحة ليت التعليم الاهلي يلتفتون شوي لهم ويختارون بعناية ادارة المدرسة لانه اذا صلحت صلح باقي الطاقم 👍🏽

للاسف من بداية معرفة مدارس سما المعرفة أسوأ المدارس الاهلية في حائل فيما يخص طريقة التعامل من بعض موظفات الاداريات وادارتها الموقرة .. بسبب كل موظفة من الموظفات ترمي حقبتها على الثانية من توجيهات وانظمة مختلفة وكأن الانظمة ليس مرتبطة في صله واحدة تحت سقف واحد وادارة واحدة .. مما تسبب بعملية عرقلة تسجيل ابنتي المنتقلة من مرحلة الابتدائية الى مرحلة المتوسطة .. بالبداية كان انتظار وتأمل بوضع مرحلة متوسطة بمدرستها السابقة في مدارس أجيالنا المميزة الأهلية قبل موعد بداية التسجيل وعودة المدارس للعام الدراسي 1446- 1447هـ .. للاسف لم يتم ذلك من قبل وكالة التعليم مع قرب نهاية وقت الدوام الرسمي يوم الاحد الموافق 18 اغسطس 2024م وردنا اتصال مباشر من ادارة مدارس أجيالنا المميزة الأهلية بأن لم يتم الموافقة بذلك وتم ترحيل جميع الملفات لمدارس سما المعرفة بموجب نظام نور لوجود مرحلة متوسطة وتم مراجعتهم في اليوم الثاني الاثنين الموافق 19 اغسطس 2024 لتسجيل ابنتي بموجب النظام المتبع وافادتنا موظفة من موظفات الاداريات يلزم حضور الطالبة للمقابلة الشخصية قبل اجراء الموافقة على بدء التسجيل وتم حضور ابنتي الطالبة للمقابلة والموافقة على قبل التسجيل بموجب النظام من معلومات كاملة حسب الاجراءات المتبع لديهم .. مع العلم ابنتي ولله الحمد من الطالبات المتفوقات بمدارس أجيالنا المميزة الأهلية وتجيد اللغة الانجليزية بطلاقة بشهادتي وشهادة والدتها ، وكذلك مدرستها السابقة وايصاً بعض الكلمات الفرنسية هذا من فضل ربي ولله الحمد .. لكن !! للاسف ما كان متوقع من ادارة مدارس سما المعرفة بالمنطقة في اليوم الثالث من بعد المقابلة بعد ظهر يوم الثلاثاء 20 اغسطس 2024 بالتأكيد المباشر من قبل موظفه من موظفات اداريات مدارس سما المعرفة ، وكذلك الادارة بعدم وجود مقعد لابنتي الطالبة بسبب الاكتفاء بالعدد ولا يوجد لها مكان ! مما استغربنا هذا الرد المباشر الغير مقبول من قبلهم مع ان كل الاجراءات قبلها بـ 24 ساعة كان لها مقعد و بين ليلة وضحاها ليس لها مقعد !! مع ذلك لم يتم ابلاغنا من الادارة في حينه سواء كان قبل او بعد المقابلة ! وتم الوضع في غاية الحيرة بعد الرد من قبلهم. لم نعلم سبب طريقة أخذ الأولوية بهذا الشكل التي تسابق الواقع وكأن الأقربون أولى بالمعروف وإتاحة لهم مقاعد في مدارس سما المعرفة ، والله اعلم بذلك! .. إلى هذه اللحظة تم البحث عن مدارس اهلية خاصة بالمنطقة على قبول تسجيل ابنتي قبل أغلاق التسجيل لأسباب مختلفة عدم وجود مقعد فاضي او الاعتذار بعدم وجود لديهم مرحلة متوسطة مع ذلك الوقت ضيق بعد التواصل مع بعض المدارس الخاصة التي نعرفها !! بالنهاية ما اقول الا حسبنا الله ونعم الوكيل من كان السبب ، وان الله يُمهل ولا يهمل .

من المدارس المميزه بحائل بالتعامل والتعليم مدارس بقمة الاخلاص والنشاط ورفع مستوى الطلاب شكرآ لمجهودهم المتميز 👌🏻

المدرسة ممتازة ومهيئة للطلاب ذوي الاحتياجات الخاصة وخاصة ذوي الاحتياجات الحركية نشكر الادارة والطواقم الادارية والمعلمات وحارس المدرسة الاستاذ وليد ذو الجهود الكبيرة .

محد يرد على الارقام واذا جيتهم للمدرسة كنك داخل وزارة ، صدمة صدمة وربي ، جينا على المدح وانصدمنا

أفضل تعامل وقمه بالاخلاق أ/رحاب السدلان ماشاء الله تبارك الله ولي تقريباً ٦ سنوات وأنا اتعامل معها وأداء مميز

صراحه مدرسه ظاهرياً واعلامياً ممتازه بس من داخل الله اعلم تجربتنا فيها سيئه خصوصا تعامل الاداره نفس اسلوب الحكومي وسبب كثره الطالبات ضاعو ونسو انهم مدرسه اهليه ومدفوع لهم فلوس