South Mabela Health Care Center

چون بعد از گردش خلیج فارس(چون خداوند رزق منو پخش کرده بود)اینجا تقریبا شبیه مکان مادریم جایی که بزرگ شدم هست دوست دارم.و از خدای خود ممنونم که رزق منو اینجا قرار داد چون اصلا احساس غربت و تنهایی نمیکنم

اقتراح ..ل الشكر والتقدير لجهود الكادر في المركز الصحي، فالتعامل راقٍ وخدمة التطعيم سريعة ولم تستغرق سوى دقائق معدودة. لكن في المقابل، واجهتُ تأخيرًا طويلًا للحصول على ورقة حضور فقط، حيث استغرق الانتظار قرابة ساعتين دون الحاجة إلى فحص أو علاج. لذا نأمل التكرم بالنظر في تنظيم آلية الخدمة، بحيث يتم توجيه الحالات التي تحتاج فقط إلى أوراق أو معاملات بسيطة لمسار أسرع، بينما يُمنح المرضى الذين يحتاجون إلى استشارة طبية وقتهم الكافي مع الطبيب. مثل هذا التنظيم سيساهم في تقليل فترات الانتظار وتحسين تجربة المراجعين بشكل عام.

بعد انتظار ساعات رفضت الدكتورة تعطيني ورقة غياب كأني احايلها اقولها دوامي ساعة روحه وساعة رجعه وكان خلاص مافي وقت وبوصل متأخره وأنا كنت تعبانه وما اقدر اسوق يعني لو ما كنت تعبانه كنت بجي المركز الصحي وانتظر ساعات وأقابلك !! سلامات وكل ما أروح واحصلها اتحسب واقول يا رب ما ادخل عندها بعدها بمدة مرضت و عالجتني دكتوره ثانيه وأول ما شافتني تعبانه قالت لي ارتاحي وعطتني ورقة عذر بدون ما اطلب .. في أطباء الرحمة فقلوبهم ولليوم ما أنساها ولا أنسى ابتسامتها الله يوفقها وين ما كانت

يجب ايجاد حل جذري لمشكلة الازدحام وطول الانتظار حيث ان المركز صغير ويخدم عدد كبير جداً من السكان

معقوله كل هالكومنتات السيئه من سنه ٢٠١٦ لحد يومنا هذا مافي تعديلات ولا رقابه ولا اهميه ! الممرضات فصوب و المرضى فصوب كانا فحريق ، من ساعه ٦:٣٠ عشان نخلص بسرعه اخر شي نطلع ساعه ٢ وهم بعدهم ينادوا مرضى مال ساعه ٨-٩ !!! سلامات ويش ذا الاهمال ! وفوق هذا الدكتوره م معها مريض داخل ولا ممرضه مهتمه نحن نشيك و نشوفها فاضيه و الممرضات جالسات داخل ومسكرات الستاره و ع تلفوناتهن معقوله كذا وبرع حته ماشي مكان تجلس فيه هذا مستشفى ولا مكان نتعذب فيه !!

1. المركز الصحي زحمه كثير، تجلس في الزحمه لما يجي دورك يقول لك المختبر خلاص غلق ساعه (12) طيب أنا اكثر من ساعتين موجود ، تعال باكر مره وانتظر في الزحمه وقابل الدكتور مره ثانيه ليش هذا التبهذيله وأقابل الدكتور مرتين عطوني ورقه الفحوصات وأروح باكر أول الصباح إلى المختبر ما يحتاج اجلس مره وانتظر 2. المركز الصحي لازم يفتح 7:30 ليش ما يفتح قبل دام فيه موظفين واصلين بدل ما نجلس خارج في الشمس والزحمه

امس رحت اول الصباح عشان اذني تعورني كان يعني الالم خفيف وصفتت للدكتورة كل شي عطوني ادوية وحدة منهم بروفين للالم والثاني قطارة استخدمتهم بانتظام فقط البروفين فاد والقطارة كاني جالس ادخل ماي فاذني (يعني ماله فايده) واليوم رحت مرة لان الالم زاد واجد وصار المكان الي تحت الاذن والراس يعوروني ايضا الالم كان واجد قوي لدرجة اني ما قدرت انام بالكاد نمت ساعتين المهم جيت ساعة ٧ المساء واجلس انتضر فترة كبيرة الين ساعة ١٠ مع انه في ناس جايين بعدي وطلعو وانا جالس انتظر بعدني استغربت يوم وصل دوري وصفت لدكتورة ثانية كل شي قالت عندك بكتريا لا تستخدم القطارة ( يعني مالها اي دخل في البكتريا) الله لا يسامح الدكتورة الاولى هذي ما اول مرة اشوف اهمال من ذي المستشفى مع اني ما اقول كلهم فيه بعض الدكاترة الله يرزقهم يعرفوا يتعاملوا مع دورهم باكمل وجه.

هذا المستشفى وضعه جدا غريب. الطاقم الطبي يحتاج تغيير بالكامل، بطئ شديد جدا والموظفين يدوروا ف المستشفى. هل يعقل ٣ ساعات فقط لتطعيم طفل!؟

السلام عليكم وبعد ، المركز يحتاج للآتي ١- توسعة (يحول لمجمع صحي أو مستشفى) ٢- زيادة الكادر داخل المركز ٣- تنظيم العمل بداخل المركز ( تحتاج للدخول الى الطبيب العام ما يقارب ال ٥ ساعات وهالشي ما طبيعي في بما انهم مرضى ) تجربة غير جيدة ابداً

المكان يزيدك مرض ما يكفي يخلوك تنتظر بالساعات بعدك تجلس على رخام المعاينه تجلس ساعه الدكتور لحد ما تقابله نفس لما تطلب ارض من الاسكان يعني كأن يجبروك تروح عيادات خاصه وتخسر فلوسك

المركز زحمة جدا جدا جدا، انتظار من ٧:٣٠ الى الساعة ١ عشان تشوف الدكتور العام فقط، المريض يمرض زيادة، المركز لازم يوسع لانه يخدم المعبيلة كلها، يحتاج زيادة عدد الموظفين والغرف وتفعيل نظام الشاشات، دورات المياه النظافة فيها معدومه و و و

فترة أنتظار طويلة حتى لو معك موعد وزحمة وخلط الرجال والنساء مكان واحد والصيدلانية ترفض تسليم الوصفة الطبية بعد الساعة السابعة علما ان المركز يغلق ٩:٣٠ م

بعد انتظار ٤ ساعات خبروني ما نقدر نسويلك فحص عندها خلل و عطوني حبوب بدون فحص 😒

سيئة جدا. التأخر عن بداية توقيت العمل. خدمات الكترونية سيئة جدا. تطبيق القليل جدا من الاجارائات الاحترازية الطبية.

الساعه ١٢:٤٠ و تقول تو ننادي مال الساعه ٩ هل يعقل المجمع يحتاج نظام اكثررررر و اكثر

Very very bad experience, if you have some money, just go to a private clinic and save your time and dignity

اسواء مركز فحياتي شفته والموضفين غير ودودن بس ا

أسوأ مركز صحي شفته في حياتي، توصل الصبح س ٧ وتطلع س ١٢ الظهر! من شدة الازدحام الحريم لاصقات ف بعضهن! اللي مريض بيمرض أكثر من شدة الزحمة، لاحظت بعض الحريم ف شاشة الأرقام يسحبن أكثر من رقم لهن ولأهلهن اللي بعدهم ماجايين حتى! وبالتالي نحن اللي واصلين من وقت ننظلم ونتأخر! وفوق هذا بعض الطاقم الطبي تعاملهم جدًا سيئ! أول مره أصادف في حياتي كذا! في زيارة وحدة فقط لاحظت التعامل كيف من أكثر من وحده ولكل المرضى لدرجة أنها ماتكلف ع نفسها حتى تصد صوبك وتعرف وش تبا! حسبنا الله ونعم الوكيل، لو ما الحاجة رحنا للخاص وماجيناكم👎🏻👎🏻👎🏻👎🏻

رسالة شكر وتقدير أتقدم بجزيل الشكر والتقدير إلى الطاقم الطبي والإداري في مركز المعبيلة الجنوبية الصحي، على جهودهم الكبيرة والمخلصة في تقديم الرعاية الصحية للمراجعين. لقد لمست حرصهم على خدمة الجميع بدءًا من موظفي السجلات الطبية، ومرورًا بمرحلة المعاينة، والتمريض، والأطباء، وصولًا إلى قسم الصيدلية. ورغم الكثافة السكانية العالية في منطقة المعبيلة، والضغط الهائل الذي يواجهونه بشكل يومي، إلا أنهم يؤدون واجبهم بكل صبر وتفانٍ. إن هذا التأخير في الخدمة أمر طبيعي في ظل التحديات القائمة، ومع ذلك نُقدّر لهم حسن تعاملهم وتحملهم.نأمل أن تُسهم التوسعة الجديدة في دعمهم وتخفيف العبء، ونسأل الله لهم التوفيق والسداد في أداء رسالتهم النبيلة. الأحد 20/4/2025 ابو الحسن اللواتي

الوضع سيء سيء سيء عشان معاينة انتظار ٣ ساعات ونص وبعدها انتظار مرة ثانية مع الدكتورة اللي مامريض يطلع مريض.. الوضع مزري لن اعود لمركز صحي حكومي للاسف كنت مضطرة وتأثرت صحتي بهااسبب لحد نهاية اليوم مامعقول تعبان ينتظر اربع ساعات يخلص علاج.