EQUIPMENT 4WD - Tajheez

شغل محترم 👌

خدوم ومتعاون

شكر للسوداني منتصر نصوح ويعطيك الخيارات المتاحة حسب احتياجك ركبت عندهم رف المولي + كشافات ليزر 6 ايليت بلس لكن يوجد ملاحظة خصوصا اذا جيت تركب الكشافات بيضيفون عليها: تكلفة تركيب + قواعد ان احتجت + ظفيرة وللامانة قيمة التركيب والتوصيل + القواعد مبالغ فيها لكن بالمجمل شغلهم دقيق وممتاز .

ممتازين وخدمه عاليه وتقنيه ممتازه وبخصوص ابو عبدالله يعطي نصيحه ومشوره طيبه وباااااااااله وسيع ماشاءالله تبارك الله عليه والاسعار جميله

تعامل راقي جداً وخدمة ممتازة 👌 أشكرهم على حسن الأخلاق والاحترافية في العمل، وجودة المنتجات كانت عالية جداً. التركيب تم بشكل متقن واحترافي، وواضح الاهتمام بأدق التفاصيل. كذلك خدمات ما بعد البيع عندهم مميزة ويهتمون بالعميل، والضمان يعطي ثقة أكبر في شغلهم. أنصح بالتعامل معهم وبقوة، يستاهلون كل التقدير 👍

بعيد عن كل ما يقدم مركز تجهيز عندهم احترافية وشفافيه فالتعامل تُدرَّس. الله يوسع عليهم ويزيدهم مو فضله يستاهلون كل خير استفدت من الخصم الحمدلله وكانو متعاونين جداً في التسليم والحجر .

يحتاج الى تحسين خدمات مابعد البيع والضمان السنتين كلام فاضي عندهم. ركبت عندهم لفت كت كامل للموتر وتم الاتفاق انه اليايات كلها تكون هيفي ديوتي اكتشف بعد سنه ونص انه الموتر نزل من قدام مع انه الموظف كان يقول انت بتاخذ شي جوده وحسب طلبك اكتشفت انه اليايات الاماميه مركبين اخف نوع مايتحمل وزن الموتر عليه صدام حديد ونزل وجهه من قدام. تم التواصل معهم مره ثانيه بالادله والبراهين وماكان ردهم مرضي وعلى كلامه انه عدى سنه ونص . لا ضمان خلص واصلا الخطأ كان من قبل الموظفين حقين المحل. دوبنسون معروفه بجودتها لكن هذا المحل تجربتي معاه سيئه ولن انصح اي احد بانه يركب عندهم. ماجاني مايرضيني ابدا ولا على حسب اتفاقي معهم. (للتوضيح بعد رد المحل انا جايهم والموتر عليه صدام حديد يعني ماتم تركيب الصدام بعد الرفعه )

الحمدلله ركبت من عند تجهيز المركبة مساعدات MMR 3wayويايات ومقصات للهدد الشهادة لله اكتب تعليقي بعد استخدام سنتين بر جبال ماشاءالله لايعلى عليها حتى المطبات اخذها سفري فرق شششاسع وراحة وثبات وبعد استخدامي جيتهم والحمدلله امورها تمام للي والورشة ماشاءالله طوروها نظافة واهتمام بالعميل وخدمة سريعه الله يوفقهم اتمنى باقي الورش تحذو حذوهم والي محتار دوبينسونز خذها وانت مغمض وقريب ان شاء الله بركب للفتك ابوعبدالله الله يعطيك العافية ويسعدك يهتم بالعميل ويجاوبك بكل سؤال والفنيين فالورشة للامانة قمة فالادب والتعاون الصراحة الي بيمر تجهيز بيشوف ورشة حرام ينقالها ورشة الله يوفقهم ويباركلهم في حلالهم 🌹🫡

مركز متخصص في بعض التجهيزات والتعديلات على السيارات مثل الجنوط والكفرات والهوبات الرياضية وبلوف التنسيم السريع وكذلك انظمة التعليق الرياضية وذات التحمل العالي وكشافات الاضاءة المتخصصة. القائمون على المركز شباب سعوديون رائعون بمعنى الكلمة. خدومين جدا ولا يبخلون بالنصيحة. اسعارهم معقولة جدا مقارنة بالسوق.

انجاز سريع وتعامل احترافي واخص بالشكر القائمين عليه واشكر الاخ منتصر ايضا

هذي ثالث تجربة لي مع مركز تجهيز الدفع الرباعي ركبت مساعدات دوبنسون مع اسطوانات غاز والقديمة فكيتها وعبيتها نيتروجين وخزنتها شغل ممتاز وسريع واسعار معقولة والشكر للاخ ناصر من شبابنا اللي نفتخر فيهم ويشرح لك احتياجك للقطعة واذا كان استعمال مدينة او بر واذا السيارة عليها حمولة ثقيلة او لا والشكر موصول للاخ منتصر من السودان ماقصر وانصح بالتعامل معهم

تعامل جداً راقي وتفهموا اني من خارج المنطقه لسرعة الانجاز والدقه ، الاسعار جداً مناسبه مقارنة بالمحلات الاخرى ، اشكر الاخ ناصر كان جداً خلوق ومتعاون والطاقم جميعاً كان متعاون . شغلهم يخليك ماتسمع غيرهم 👍🏽

ماشالله تبارك خدمه سريعه وشباب سعوديين خلوقين جداً ، واسعارهم مقارنه بالسوق جداً معقوله.. جيتهم بالموسم ماقصرو الشباب ناصر الحنين وعبدالمجيد التميمي بالبشاشه وحسن التعامل والشرح الوافي ، وأيضاً الشباب هم اقترحو علي المواصفات وقالو لي بتعجبك، وبالفعل ماشالله قول وفعل الله يبيض وجيههم 🙏🌹

اهلاً بالجميع، تعمدت تأخير كتابة التقييم كي اتمكن من تجربة السيارة بعد اضافة المساعدات واليايات الفئة الثانية، والحقيقة أني وجدت مجموعة تعمل بصدق واحترافية ودقة وانضباطية، هذه المجموعة يرأسها شاب سعودي يمتاز بالصدق والنصح الاستاذ ناصر ومعه اخ سوداني كذلك. اللافت للنظر فعلاً هو نصح وصدق ودقة الاخ ناصر والاخ السوداني، الاخ ناصر نصووووح جداً ومتعاون للغاية . اشكره واشكر جميع فريق العمل معه. للعلم سيارتي بلاتينيوم 400 .

الله يعطيهم العافية ، زرت المركز ثلاث مرات خلال سنيتن تقريبا على سيارتين مختلفة ، في كل مره اخرج راضي تمام الرضى ولله الحمد ، الأخ ناصر شخص خلوق وأمين ويخاف الله ويعطي للزبون نصائح تحفظ مالة ، لو شخص اخر ممكن يستغلك ويروج عليك قطع زيادة ماتحتاجها ، للأمانة وفرت قرابة الفين ريال كنت حاط في بالي اني راح ادفعها من وراء امانة الأخ ناصر . ركبت عندهم طقم يايات ومساعدات ومسامير توازن ومساعد درقسون للفتك مع ستوب بمب بالأضافة الى صاجة تدعيم يايات ، كل القطع رائعة ولله الحمد والموتر افضل من تجهيزه السابق بمراحل ماشاء الله .

ركبت عندهم يايات دبنسون رفعه ٢ انش .. سعرها مع التركيب حدود ٢٠٠٠ ريال ، شغلهم سريع ومافيه انتظار 👍🏼

احترافية واتقان وسعر مناسب مقارنة بغيرهم ، شكرا لكم

ما شاء الله شغل احترافي وثقة واسعار ممتازة ولا قصرو معي ابد يهتمون بمواتر الزباين كنه مواترهم الخاصة

تجربتي مع مساعدات دبنسون الصفراء للاف جي ركبتها في يناير 2024 انفقع في يناير 2025 بعد انتهاء الضمان ب 6 ايام استخدامي له متوسط ماله صيانه لازم استبدال سعره ٦٠٠ بدون تركيب المركز ونعم والاشخاص نصوحين لكن هذا تقييمي للمنتج و تجربتي الشخصية وكل واحد ومزاجه لذلك احسن الاختيار

ركبت عندهم يايات ديزرت امامي وخلفي وركبت كشافات ليزر ماشاءالله تبارك الله شغل ولا اروع كل الشكر لابو حصه ولايهونون الشباب الموجودين بالمعرض لا من اسعار المنتجات ولا من تعاملهم الله يبارك لهم في مالهم وفي حلالهم يارب 🤲🏻