استراحة تيانجين

من اروع المنتجعات الموجوده في المنطقة مقارنة بسعرها وأسعار الباقي .. فيها العاب للكبار والصغار جداً مُمتعه .. نظيفة ومتوفر فيها كل الاغراض يلي ممكن يحتاجها الزائر - كلينكس ، كاسات ، دلات وو ،، يقدمو ايسكريم وفشار لزوار المنتجع انصح فيه 🌹🌹

السعر مناسب واهم شي عجبني فيها اهتمام صاحبها فيها وايضا النظافة وايضا يوزع ايسكريم وبالونات 😍اول مزرعه تعجبني اتمنى لكم التوفيق والاستمرار على هذا النجاح

ممتازة من حيث السعر لكن صغيرة تصلح إلى عدد محدود جميلة وراقية كنت ابغى اصور فيها لكن السوالف اخذتنا

مكان حلو وجميل والعامل جداً محترم وخلوق وراقي بالتعامل تتكون الاستراحة من التالي :ـــــ مجلس رجال مع حمامين ومطبخ مجلس نساء مع حمامين ومطبخ غرفة العاب في الدور الأول بركة سباحة كبيرة مغلقة ومعها بركة صغيرة للأطفال بركة وبركة اللعاب مائية نفخ مفتوحة والعاب أطفال في الحديقة (مراجيح)

مكان جميل يعيبه فقط موقف السياره تتسع فقط لواحده متوسطه

مناسب للعوائل مع الأطفال، يوجد قطار صغير، ألعاب نطاطة، ألعاب قوارب مائية، بركة سباحة بعمق ٢ متر، مجلس رجال، مجلس نساء، صالة ألعاب تحتوي على هوكي، بلياردو، طاولة تنس يتم توزيع آيسكريم وبالونات وفشار مجانا على الجميع (ضمن مبلغ الإيجار 😉) تقع داخل المزارع

صاحب الاستراحه محترم جدا وكريم يوزعون ايس كريم وحاطين ماي بالثلاجه وشاي المكان نظيف ومرتب جدا والالعاب لطيفه مناسبه للعائله الصغيره او المنفتحه ولا تناسب العوائل الكبيره لصغر المجالس

الحمدلله شي يستحق ال ٥ نجوم وبجدارة ، المكان جدا نظيف ومرتب وفيه كافة الخدمات والاحتياجات ، بالنسبة للبركة فيه بركة اطفال وبركة كبار يفصل بينهم حاجز وذا اهمشي ، طبعا المنتجع فيه ميزات تنافسية عن باقي المنتجعات إلا هي يوفر ليكم فعاليات تهبل يعني إلا طلعتهم فيها واجد اطفال اعتمدوووووووه مررة بينبسطو على الفعاليات إلا برى ( ايس كريم ، بالونات هيليوم ، نطاطات او زلاحة الهوية بالإضافة إلى بركة مائية خارجية ) الخلاصة من اول ما توصلو لحد ما تطلعو ما فيه ولا ذرة ملل ❤️❤️❤️❤️

منتجع جدا جميل ونظيف ومرتب وخالي من الحشرات مجهز بشكل رائع وخدمتهم وتعاملهم راقي ومن الدرجه الاولى يحتوي المنتجع على العاب هوائيه ومائيه للأطفال والقطار الكهربائي وألعاب اخرى يتميز المنتجع بوجود ضيافه للجميع ايسكريم وفوشار وبالونات كما يوفر إداوات السلامه بالمسبح توجد كذلك قاعتين للألعاب منفصلين للنساء والرجال أطفالنا جدا انبسطو من الحضور والتواجد بالمنتجع اسعدنا جدا بتواجدنا ونتمنى لهم مزيد من التقدم

المجالس صغيرة التكيف عطلان متنا حر الثلاجة الخارجية عطلانة ماتبرد العامل اخلاقه زفت باب واجد من المجالس مكسورة اليد ونجرح من عندنا اكثر من شخص اثناء فتح الباب من فتحة المفتاح شوفو الصورة الاستراحة تحتاج لصيانة وتنظيف

حلوه وبسيطه ومتوسط الحجم واحسن شيء فيها زينه للاعياد الميلاد وفيها بوفيه صغيره توزع ايش كريم وفوشار وبلونات

مكان لعائلة صغيرة جميل وراقي ونظيف ومرتب وممتع العاب الاطفال كثيرة ضيافة المكان يشكرون عليها فرحة الكبير قبل الصغير هههههه..

استانسو الأطفال على الألعاب وخصوصا القطار والبركة المائية وشكرا على الضيافة و البالونات 🤍

تجنن الاستراحه 😍 اطفالكم راح ينبسطون، بالعاب الهوائيّة و النطيطه و القطار و القوارب المائية، و غير الضيافه اللذيذة من عندهم مجانا ايس كريم و بالونات و فشار 🍿و القهوه و الشاي، ما تتفوت و السعر جدا مناسب، انصح فيها و بقوة

الاستراحه الحمدلله مرتبه وفعالية الايسكريم والبالونات ممتعه للاطفال . بس ناقصها كم اضافة تلفزيون ذكي -لان التلفزيون الموجود بطيى جذا مايفتح شي مظله على العاب الاطفال ويحطون طاولة بلياردو مع الالعاب الي فوق

الاستراحة مرة جميلة ونظيفة وتعاملهم المسؤول مع العامل بيرفكت 💯 استمتعنا فيها 👍🏻👍🏻

استراحة جميلة وسعر معقول وخدمات ممتاز اتمنى ان يستمر الاهتمام بالخدمات والمرفقات

المجالس و المطبخ نظيفين و مرتبين لكن حجمهم صغير نوعا ما ولا يوجد ميكرويف. المنتجع يوفر فعاليات و العاب منوعة للأطفال. المسبح صغير نسبيا لكن مناسب. يوجد غرفة العاب تنس طاولة و فيشة. هذا المنتجع خيار ممتاز للعوائل الصغيرة.

* قبل كُل شيء.. و بعيداً عن أجواء المزرعة أحب أن أثني على الإنسان الرائع.. و الرجل العظيم في طيبته و كرم أخلاقه صاحب المنتجع.. فقد كان رجل تنعم فيه الأخلاق و الكرم و الأحترام.. وهذا من القله النادرة التي تجعل الأنسان يطمئن للتعامل معه وهو مغمص العين و مستريح البال.. أشكر فيه كرم الخلق و كرم الضيافة و سعة البال.. آما المنتجع.. فهو مناسب جداً للعوائل الصغيرة جو خصب بالمتعة للأطفال.. فهناك أكثر من خيار لقضاء الوقت الممتع هناك.. و هناك كرم في الضيافة من صاحب المنتجع مكان جميل و تجربة تستحق التكرار 🌹🌹 كل الدعاء لهم بالتوفيق و السداد و الخير و آلف شكر.. بسم كل فرد من أفراد العائلة

صغيره تنفع لعيله صغيره مو اكثر من ٢٠ نفر مع الشغالات بس نظيفه فيها نطيطات وبركه اطفال منفوخه وفيها العاب مائيه نظاف ومش مكسرين عندهم فعاليه الايسكريم من ضمن الاجار وفعاليه البلونات الهليوم يضبطون الماي الساخن والقهوه واكياس الشاي تتوفر فبها مناديل ثلاجات نظيفه وصالحه للاستخدام بس القعده الخارجيه يبغى لها ترتيب اكثر بحيث يحطون جلسه كراسي وطاولات وتكون مقابله النطيطات ويغيرون مكان النطيطات تكون مواجهه الجلسه وتشوف بنفس الوقت الباب حقالمجالس ماتكون النطيطه عائق المواقف المساحه داخل يادووووب سيارتين صغار وممكن سياره والباقي يصفطون بره