troy coffee lounge

ممتاز

قهوه جمييييلة ❤️❤️

كنت في جولة داخل القرية العالمية في الدمام وتوقفنا صدفة أنا والأهل نشرب قهوة ، وما تخيلنا لذة وطعم القهوة اللي عندهم ، جربنا الكولد برو ، والاسبيريسو . الصراحة جودة البن اللي يستخدمونه مرة عالية ومحمص بطريقة ترضي جميع عشاق القهوة ، والجلسة عندهم رايقة ومرتبة وعلى البحر مباشرة ، والشباب ما شاء الله عليهم قمة في الذوق والاحترافية، انصح اي احد يزور القرية العالمية ما يفوت هذا المكان

المكان بكل جميل جداً ورايق فيه جلسات داخلية بالاسفل والاعلى وجلسات خارجية ويستحق الزيارة والتجربة ، بالنسبة للقهوة والحلى جداً ممتازة ولذيذة ، لكن الطلب اخذ وقت ، حوالي نص ساعة تقريباً هذة الاشكالية الوحيدة أتمنى تكون الخدمة أسرع من كذا ، وانشاء الله له زيارات أخرى .

المكان حلو بس الحلويات عنده مو حلوة اخذنا قهوة سعوديه جيده بس ماهي فريش مطبوخه لا ثقيله باين قديمه بس تنشرب يعني الامريكانو والv60 لذيذات يعني قلنا بناخذ دولتشي كيك وطلعت تيراميسو فيها شوكلت كيك وقالي الموظف ان فرق بين التيراميسو والدولتشي🤨 الدولتشي معروف انها كراميل هذي كلها شوكلت

من أروع الأماكن اللي زرتها! الجو هادي ورايق، والمكان نظيف ومرتب. الخدمة سريعة، والمشروبات طعمها ممتاز 👌🏼 أحب أشكر الموظف السوري يلي على الاستقبال على تعامله الراقي وابتسامته الدائمة، فعلاً يرفع من تجربة المكان ويخلي الزبون يرجع مرة ورا مرة. أنصح أي أحد يزور الكوفي يطلب من عنده احلا الاصناف ويتعامل مع سوري، محترف بمعنى الكلمة 👏

كوفي ماشاء الله ولا غلطه هادي وشرح والتعامل ممتاز اصنافه متنوعه ولذيذه ولي زيارة ثانيه ان شاء الله

جربتي في كوفي تروي: • القهوة (V60 إثيوبي): لذيذة، لكن مو من ألذ ما جربت. تحتاج لموازنة النكهات أكثر. • البانكيك الياباني بنكهة التشيز كيك: خفيف، فلوفي، وطعمه لذيذ جدًا! من أفضل الأصناف. • كوكوبيري كيك: حلوة وطريّة، لكن نكهتها حادة شوي وممكن ما تناسب كل الأذواق. الخدمة: ممتازة، الموظفين بشوشين وتعاملهم راقٍ. جو المكان: رايق ومرتب، مناسب للقراءة أو الجلسات الخفيفة. الأسعار: مرتفعة نسبيًا مقارنة بالكميات، لكن التجربة تستحق أحيانًا. التقييم العام: ⭐️⭐️⭐️⭐️ (4 من 5

مقهى جميل وأنيق مهتم بكل التفاصيل وملائم للعوائل حيث يتميز بالهدوء والخصوصية

كوفي شوب جميل دورين جلسات خارجية وداخلية دورين فيه تلفزيون لعرض المباريات وتوجد جلسات شتوية خارجية الكيك لذيذ و القهوة التركية و الامريكانو جميل لكن الأسعار مرتفعة نوعا ما و كذلك دورة المياه أكرمكم الله واحدة للرجال و النساء

جربت عندهم القهوة التركية ممتازة وحلى تريلجة كان عادي وكيك شوكليت لذيذ خدمة جيدة واسعار مناسبة

للاسف جربت الكوفي اليوم وكنت من محبينه ودايم اجيهم بس اليوم طلبت كرات التراميسو ابدا ماكانت حلوه كأنه كيك اليمامه ومكوره ومرشوش عليها كاكاو بودر ومالها علاقه بالتراميسو ابدا والله ماقدرت اكمل وحده على انها مو رخيصه بس سيئه من جد

كوفي جميل وانصح بتجربة البان كيك لذيذ

ما شاء الله تبارك الله خدمه ونظافه وفيه موظف وباريستا إسمه حسن بصراحه أخلاق وضبّط لي قهوه v60 محصول يمني بارد بإختياره كان الطعم روعه للأمانه خصوصًا للي مايحب القهوه الحادّه 😁👌🏽.

من أسوأ الأماكن اللي زرتها الصدق، وما راح أعيد التجربة أبدًا، خسارة فيهم الفلوس. جيت عشان أحتفل، والغريب إنهم قالوا لازم الطلب يكون فوق 50 ريال، قلت مو مشكلة، لكن المشكلة كانت في الخدمة، الستاف يحتفلون بدون نفس ولا حماس كأنهم مغصوبين. وفوق هذا، الطلب وصل بدون ملاعق وجلست ربع ساعة أطلب منهم ويقولون مافيه! طيب إذا مافيه ليه تخلونا نطلب من الأساس؟ وبرضو السويت جا بدون شمعة، ولما قلت للموظف ينادي السوبرفايزر رد علي بطريقة مستفزة وقال disappointing وهو يضحك، وبعدين قال تبغون أجيب الشمعة الحين؟ طيب دامها موجودة ليه ما حطيتوها من البداية؟ ولا حتى اعتذار بسيط، بصراحة خدمة سيئة جدًا وما أنصح فيه أبد

جيته صدفه فيه جلسات داخليه شرحه وجلسات خارجيه وشاشة للمباريات .. مميز ونظيف وهادئ ويتوفر عنده مواقف ويبيع محاصيل وعنده أنواع مختلفه من الحلى جربت مدريد تشيز كيك حلاها خفيف وV60 بارد كلاسيك برازيلي وامريكانو واغندي وكلها نصايح الباريستا سلمان .. فنننننننننان 👏

المكان حلو والقهوه كمان لكن ريحة المكان تحتاج شوي إلي فواحه او منقي الهواء والله يبارك لهم🤍.

I stop by this coffee shop almost every morning, and it’s always a great experience! the owner are incredibly friendly and hospitable — always makes you feel welcome. The vibe of the place is just perfect: cozy, beautifully done interiors, and a great use of space. Ismail, the barista, is always on point with the coffee, having it ready just the way I like it. May Allah bless them with continued success. Highly recommend this spot if you’re after great coffee and even better energy!

ممتاز ماشاء الله في استقبال الزبائن وشكراً للموظف حسن على لباقة التعامل و Hot chocolate جدا لذيذ

المكان رايق وهادي فوق تحت حلو مشاالله الحلى لذيذ وكمية الچوكلت اللي بالچيز وبالكيك كثير مشاالله القهوه حدث ولا حرج طلبنا اثيوبيا قوجي وكولومبيا الثنتين نفس الطعم ومررره ماهيه ماحسيتها قهوه حسيتها مويا بنكهة قهوه يعطيكم العافيه .