Verdant Riyadh

السلام علیکم

حجزنا شاليه رقم ٣،والحمد لله كان نظيف ومرتب،والمسبح أيضا"نظيف والمويه فيه جديده. كنت متخوفه بسبب التعليقات السلبيه لكن الحمد لله لقيت العكس،وكان موظف الأستقبال الأخ أسامه متعاون جدا"،إنسان محترم وخدوم الله يجزاه كل خير. وربما كان وضع المنتجع من قبل سىء،لانظلم أصحاب التعليقات السلبيه،وحاليا"يوجد ترميم وتجديد للعديد من الشاليهات. اسأل الله العظيم ان يبارك لمالكيه ويرزقهم من واسع فضله بالدنيا والآخره وهو خير الرازقين.🤲🤲🌹🌹

كان المضيف راقي وطيب قلب ومتعامل معاي كويس وخصم لي ماقصر معنا والمنتجع جميل جداً ويستحق تكرار التجربة

حجزت عندهم لثاني العيد ، بالضبط حجزته يوم العيد ودفعت نصف القيمه و ألغيت الحجز في الليل بسبب حاله وفاه مثبته لهم ، يعني بين إتمام الحجز والإلغاء تقريبا ١٠ ساعات، قالو لي مانرجع المبلغ ولك شاليه في اي يوم تحب وبعد محاولات، قالو خلاص وافقو الاداره و بنرجع المبلغ كامل ، وبدأو مماطله كلمنا بكرا وذكرنا العصر إلى الان مارجعو شي لكن حسبي الله ونعم الوكيل و بيني وبينهم الله

الصدق اسواء تجربه الصدق بذكر اللي واجهته والله على ما أقول شهيد نبدا بالمسبح كان وصخ بمعنى الكلمه لونه اخضر و تراب و الزيت واضح فيه و ريحة الكلور تكتم مره و يحلف السوداني انه مغيرينه و والله ان الزيت فيه اما من ناحية النظافه نبدا بالحمامات فيه شعر بكل مكان و فراشاة ميته من قديم و الصالة بعد كلها شعر طويل تجربه مستحيل تتكرر ولا انصح فيها احد

كل شي خربان واللمبات ماتشتغل والشاليهات متهالكة للأسف اخطأت الاختيار قلت للموظف شغل لمبات المسبح قال متعطلة كل الشاليهات ماتشتغل طيب ماتتصلح ! والله مايستحق الشاليه المبلغ اللي دفعته

“شاليه راقي ونظيف جدًا، والخدمة فوق الممتازة 👌🏼🌟 كل شيء كان مرتب واهتمام واضح بالتفاصيل. أنصح فيه وبقوة، تجربة تستحق التكرار! شكراً لصاحب الشاليه على حسن الاستقبال

تجربة سيئة بكل ما تعنيه الكلمة من معنى اول مره اشوف منتجع يبي العملاء يذكرونه قبل بيوم ان عندهم حجز 😂 يعني الصراحة لا تعليق مع اني متواصله معهم قبل اسبوع وطلبت اني اجي مبكر بالمقابل يخصم لي من ساعات الخروج وقالي اوكيه يوم جيت انصدم انه يقول لي مافيه حجز اصلًا وخرشنا وجلسنا بالشمس والقوايل لين حضرته يتأكد اذا فيه حجز او لا اكلنا خرب وصكتنا الشمس لين تأكد ان الحجز موجود بس الطامة الكبرى اننا يوم دخلنا المكان وصخ وحار ومغبر والمسبح ثلاث ارباعه فاضي ومو نظيف والثلاجه اخذت كم ساعه على ما اشتغلت جلسوا ينظفون ويعبون المسبح واخذ الوقت تقريبًا ساعتين وكله طبعًا محسوب من وقتنا يوم كلمت الحارس يعطيني رقم المدير اتفاهم معه جلس يقول انا جديد توني متوظف مالي ١٥ يوم وماعندي رقمه وهذا غلطكم انكم ما عطيتونا خبر والمشكلة انا قبل اسبوع مكلمته واتس وقايله له بجي بدري واطلع بدري قال اوكيه بس الظاهر يحسبنا بقر لا وايش يقول خلينا حلوين مع بعض 😭😭😭 جنوووووون قسم بالله عمومًا حولنا المبلغ كامل وهم ما يستحقون حتى نصه لكن ربي ياخذ حقنا والواضح من التعليقات اصلًا مستوى المكان وحنا مو اول ضحايا 😂

الصور غير عن الواقع .. المسبح ارضيته متكسره ووصخان.. الشاشه ماتشتغل الا معاك نت والمنتجع مافيه نت .. الاثاث جدا متهالك .. ريحه المكان جوا رغم التعطير من قبلي ترجع ريحه المكان خايسه .. دورات المياه الجدارن متكسره والماء فيها هماج .. الابواب مصديه .. حسافه عليها المبلغ .. ماانصح فيها ابدن

استاجرنا الشاليه رقم 9 يوم الجمعه وللاسف جلست 3 ساعات وطلعنا جدا حر ورطوبه بالصاله ، وغرفه النوم حر المكيفات كلها شغاله ولا تبرد ، تجربة جدا سيئة ولا انصح بالشاليهات ابداً التقييم صفر

اول شي حفريات علشان توصل الشاليه اللي مااعطيه اقل من نجمه على سوء الشاليه والنظافه والخدمه طبعا تدخل تشوف عكس الصور تماااااماً شي غريب تحس انه انلعب عليك المجلس كان مغبر وريحته بيارات ماقدرو الرجال يجلسون فيه طلعو برا حمام واحد بس عند النساء لايوجد حمام عند الرجال السقوف مقشره ومهرهره وتسد النفس الاثاث قديم مصدي موية المسبح على طول انتفخ جلد بنتي منها والتهب وصخه وقذره لابعد حد طبعاً كلمت المصري ان السعر اللي عطانا مبالغ فيه وانه الشاليه عكس الصور قال بكل بساطه مو عاجبكم اطلعوا!!! ويوم طلبته رقم صاحب الشاليه رفض رفض تام وقال لا لانه طالبني مبلغ جدا مبالغ وشكله خايف صاحب الشاليه يدري عنه والله اعلم اخر اخر اخر مره ولاافكر حتى تفكير ارجع لهم

صراحة من اسوء التجارب اللي حضيت فيها ، مبلغ عالي جدًا وللأسف ندمت على التجربة ، مكان قديم جدًا اثاث قديم الشاشات الموجودة قديمة وليست حديثة تضطر انك تدفع مبلغ 70 ريال عشان تستاجر سماعة ، وادخل واتفاجأ ان المسبح متعبي فقط النص ، الاناره سيئه منظر الشاليه من الخارج جمييل جدًا بس لما تدخل ينعكس اعجابك تماما ( جميع السلبيات ذكرتها للأداره قال ان شاءالله كل شي بيتحدث ويتجدد )

تجربتي مره سيئه الصراحه الصوره غير الواقع السعر مبالغ فيه جدآ الشاليه رقم 4 متهالك اثاث قديم المسبح غير نضيف بلاط المسبح متكسر حواجز الي على المسبح طالعه من مكانها ابواب الشاليه كلها صداء وراح ارفق الصور ريحة المجلس مررره خياس الشاشه قديمه مافيه رسيفر ومافيه نت ارضية الشاليه حجر تضر الاطفال الناموس وحشرات الميكرويف صاير اصفر لونه. الفرن خربان

تجربتي كامله للشاليه والله على ما اقول شهيد الشاليه قريت تعليقات سيئه لكن انا ماخذها دائم بعين الاعتبار ١٠٠٪؜ لكن وربي حقيقي كل كلمة انكتبت صدقوها الشاليه سيء ومتهالك الكنب مبقع ووصخ بشكل المكان كله تراب وربي مستحيل ان فيه احد ينظف لا ارضيات ولا خشب وانا عندي عزيمه كانت فيه قالي السوداني يكفي وبيزيد وبزيد لك كنبات وطلع مايكفي ١٢ شخص حتى واكلم الاداره يماطلون وكل واحد يقول مو انا الي كلمتك مالي دخل

تحية طيبة ...المنتجات حلوه وتلبي جميع الاحتياجات وخاصة العوائل او العزاب راقيه هادئه جميله نظيفه فقط مدخل شرح وفخم وشكرا خاص الى الأخ اسامه اليماني على حسن التعامل وجمال الأخلاق والتعاون من حيث تلبيه الطلبات وتقديم الخدمات للنزلاء شكرا

نظافة الشالية سيئة للغاية الموية لم تتوفر في المطبخ ودورات المياة والشاليه كامل إلا الساعة ٩:٣٠ تعامل الخدم سيئ جدا وخاصة خادم مره اسمه موسى ومره اسمه علي ومره اسمه شكوش الأثاث سيئ للغالية سماعاتهم خربانه ويقول احنا الي مخربينها المسبح لم يتعبى وغير نظيف للغالية تعامل سيئ من المالك ولا الإدارة وإلا العمال ولا ولو رجع بي الوقت وقال الاجار بريال ما رجعت لهم ولا انصح بالزيارة للشاليهات

انتبه تحجز بالتلفون روح شوف بعينك، لاتغرك الصور قديمه والله حاطين صورة روز راسي عالباب 😂 يعنني طبقة مخملية والواقع الله المستعان. الاستراحات مكروفه جيتها من سنه كانت جديدة ومعمول لها صيانه باستمرار، خسارة الفلوس والله احراج قدام الضيوف لو ادري. • المسبح معدوم 👎🏼 • المويه تقطع خذ معاك عدة التخييم لو قطعت المويه حقتهم 👎🏼👎🏼 • مليان حشرات المكان وملاحظات كثيرة ثانيه من الادارة عصام والعامل مبارك ماقصرو ابدا لكن المكان مكروف.

لاانصح فيه وقت الحر .. المكيفات قديمه ولاتبرد ومايشغلونها قبل حضور العميل بوقت كافي ذبحنا الحر والصالة كبيره مافيها غير مكيف واحد ٢ الجلسه الخارجيه لم يوضع لها رذاذ ليلطف الجو ولا حتى مكيف صحراوي ٣ الاضاءة عند المسبح ضعيفه جدا.

احقاقًا للحق وعذرًا للمشاهدين على الصور، لكن الشاليه ك نظافة سيئ جدًا اول شيء المسبح كانت مويته غير نظيفه وفيها صرصور، ثانيًا الحمامات مو نظيفه وفيها بقايا بالمرحاض وبرضو المكان مليان نامس بشكل يخوف!! ف كل مكان ومايقدم اي خدمة لا سماعات ولا غيره،

استمتعنا بالمكان كان نظيفا ومنظما لكنه صغير على عائلات كبيره مايميزه نظافته مكيفاته ممتازه والمسبح عليه سياج من الاشياء التي لابد من صيانتها دورات المياة واجهزة الرسيفر جميعها لاتعمل الثلاجة والمطبخ ممتاز استاجرنا سماعة ب ١٠٠ ريال العمال متعاونين وفروا لنا عربه لحمل الاغراض من السيارة للشاليه واهدونا طبقا من الفاكهه مشكورين يحتوي فناء الشاليهات على حديقة جميله للجلوس او التمتع بشرب القهوة او اللعب للاطفال لكن لاحظنا انه لا توجد منزلق لذوي الاحتياجات الخاصة والعربات لكبار السن والارض غير مستويه ومتعرجه فمن الصعب مشي العربات ارجو من صاحب الشاليه الانتبهاه لهذا الامر وتوفير مسار للعربات بعد الشاليه عن مدينة الرياض من الصعوبات التي واجهتنا فقط شكرا لكم على الاستضافه ورحابة الصدر للملاحظات