مطعم النقاء للحمص والفلافل

ممتازين

ممتازين

للأسف، لا يتمتع هذا الطبق بالجودة المتوقعة حيث كانت الفلافل غير صالحة للتقديم نهائيًا من حيث الطعم والقوام. وعند إبلاغ العامل بعدم مناسبتها كان الرد غير لائق ولا يرقى لمستوى التعامل المهني مع الزبائن، مما انعكس سلبًا على التجربة العامة وجودة الطعام المقدّم.

ما أدري هل فيه فرق بين فرع الملز وفرع شارع عائشة، لكن تجربتي في فرع شارع عائشة كانت غير موفقة. طلبت فلافل وجت شبه باردة (دافئة على خفيف)، وطلبت يعيدونها وتكون حارة، وبالفعل جابوها حارة لكن بدون خبز. العامل الهندي ما جاب الخبز، وكان يطالع فيني وكأني أغلط عليه، ويقول: “أنت كلام جيب خبز”، مع إن الخبز شيء بديهي مع الطلب. كذلك مكتوب في الفاتورة مويه، والعامل الهندي ما جابها إلا بعد ما كلمته وطلبتها بنفسي، مع إنها مسجّلة أصلًا في الفاتورة. وحسّيت إن العامل استقعد لي بعد ما رجّعت الفلافل وطلبت تغييرها. بعدين طلبت طرشي من العامل اللي عندي، قال ما فيه وراح وسحب علي. رحت للكاشير وقال إن هذا النظام وما يجي الطرشي مع صحن الفلافل، مع إن فرع الملز دايم يقدّم الطرشي مع الطلب. ما أدري هل المشكلة من إدارة فرع شارع عائشة أو إن هذا نظامكم الجديد، لكن التجربة بشكل عام كانت سيئة وغير مرضية.

صحن مشكل الفلافل كان متوسط الجودة والبطاطس بارد وكذلك الفول عادي ، لكن الحمص جيد ، واتمنى وجود فرن خبز ساخن افضل من الاكياس

كل مررره اطلب يجيني البطاطس مليان زيت والمفروض كل شي يكون لحال ولا يحطونه مع البذنجان الأسود أنا دايم اشتري فطوري من نفس المطعم الفرع الي بشارع عائشة بنت ابي بكرة والفول بعد مليان زيت موب زيت زيتون ياليت تحسنون من الخدمة حقتكم

سبحان الله مو كل شي تسمع عنه ويمدحونه الناس لازم يكون كويس والمسألة مو مسألة اذواق وبس لكن الكواليتي والله اشوفه من تجربة شخصية ومن اول مره اقل من عادي يعني بعد كل هالمدح توقعت المطعم يكون اسطوري لكن اشوفه عادي جدا الفلافل عاديه جدا البطاطس مجمده ماهي فريش الباذنجان ممتاز ولكن للأمانة الحمص الشي الوحيد المتميزين فيه وممتاز وايضاً المطعم كراسيه جدا سيئة والكاشير اطلبه حبة خبز صاج يقول لا اقول له بدفع لك يقول لا ..؟؟ يعني جودة الاكل اقل من عاديه والخدمة سيئة .. وماكملت الاكل وخذيته سفري معي واخر مره اجربه

عندهم أصناف مختلفه من الأطباق مثل حمص وسندوتش فلافل وطبق باذنجان وعندهم صحن فلافل بطاطس وصحن بليله و حمص النقاء و نصف حمص ونصف متبل و مسبحه النقاء و قدسيه النقاء تحتوي علي حمص وفول و صحن فلافل محشي وصحن فلافل مشكل حار و بارد و صحن فلافل محشي و عندهم ٥ حبات فلافل بريال وحبتين فلافل محشي بريال وعندهم فول النقاء وعندهم صحن سلطه و علبه مخلخل بريال وعلبه طحينه بريال وعندهم بوكس النقاء وعندهم صوصات مختلفه مثل صوص النقاء الحار وعندهم مشروبات مكان يستحق الزياره بس للامانه التعامل يبغا له تحسين ولطافة اكثر مع الزبائن وشكرا

للاسف الشديد مافي اي مخللات داخل الساندوتش غير مخلل اللفت ولا بقدونس ولا خس ولا اي شي !! والفلافل معبيه زيت قديم واضح قالين فيه مليون مره للاسف تجربه لن تتكرر اسم على الفاضي وبس

الحمص لذيذذذذ ومو اول فرع اجربه لهم تعامل الموظفين ممتاز

طعم الحمص والمتبل لذيذ جدا ما شاءالله.. الفلافل جيدة لكن الاسعار مرتفعة يوجد فرق بين السويدي وفرع الملز.. الملز افضل

حمص ما تلاقي زيه في اي مكان صراحة ممتاز مع طعمية محشي وشاي وروح يا عم

النقاء ما يحتاج لا حمص ولا فلافل 💯 ما شاء الله.. العاملين في المحل لطيفين بالحيل الله يوفقهم

من عشاق الحمص حقهم من سنوات وهو اطلق حمص في الرياض والاسعار جداً ممتازه

نجاح أي نشاط أي كان يعتمد بشكل اساسي على المعاملة الحسنة والتعامل الراقي مع الزباين وهذه الامور يفتقرها العاملين في المطعم واخص بالذكر يماني اخلاقه سيئة جدا بشكل لا يطاق اما الكاشير سعودي واللأمانه اخلاقه عالية وراقي ومهذب . تقييمي للأكلات دون المستوى والمطعم لا يرتقي للتعامل معه

بخيلين في الخبز خذيت ثلاثة صحون حمص وفلافل ٢٠ حبة وعطاني كيستين خبز قلت عطني زود وحدة خبز قال ادفع رياااال كلهم اليمني والمحاسب السعودي للاسف يعني زيادة على غلاء الحمص ودافع حول ٤٠ ريال تحاسبوني عشان كيسة خبز !!!!!

رجعوا الكاشير الأول أما اللي عينتوه جديد اسلوبه ما يصلح لا بكاشير ولا بمطبخ وينفر زباين المطعم اللي تعودوا على ناس تعرف تواجه الرجاجيل والمطبخ فوضى بكل ما تعنيه الكلمة قرابة 20 دقيقة عشان يعطيني صحن حمص وحبتين فلافل باردة ما تدري هو يخترعهم وتنادي عليه ولا حياة لمن ينادي اهم شي يعطي كل الزباين قبلك

مايحتاج اسم حمص النقاء كفايه لكن انا جربت فرع الصناعية رقم 1 في الحمص ثم الملز رقم 2 ثم السويدي رقم 3 وباقي فرعين اللي بالشمال والشرق متقاربين من حيث الجودة الفلافل جربت السويدي اعتقد انه اقل مستوى من غيره لكن بالمجمل الحمص لايعلى عليه 100٪ لمتذوقي الحمص فقط

Seems unprofessional worker Taking too much time to prepare

سلموني طلبي ناقص ورجعت لهم بالفاتوره على اساس استرجع المبلغ ولا حصل تجاوب من موظف الفرع ، عطاني رقم الاداره وكذلك الاداره مافيه تجاوب ولا يردون !! مطعم قديم وعريق مثل هذا المفترض يحافظ على سمعته وزباينه ولكن حماية المستهلك تقوم بدورها ان شاء الله