عيادة زويا للجلديه و التجميل والليزر

ممتازين دكتوره نارمين عسل ويدها خفيفه

موظفات الاستقبال كلهم كويسين ومتعاونين حتى معاي ، بس بالنسبه لليزر انا اسوي جنتل برو سيء جدداً سويت عندهم ٤ جلسات ولا استفدت مره والا تسوي لي ليزر فلبينيه تسوي وماتضرب عدل وشغلها مو دقيق نهائيًا واقول لها تعلي على الحراره وما كأني اتكلم تسوي الا هي تبيه بالرغم من اني ابي ازيد بالتدريج كل جلسه وعارفه الحراره المناسبه لي وقلت لها حتى على مسؤوليتي لان قد سويت ليزر مسبقاً فَ عندي خلفيه لكن مافيه فايده تحطه على الحراره الا تبيها وتكذب علي انها زادت👎🏻 .. اول واخر مره للامانه اخذ بكج ليزر عندهم واتمنى يكون مستوى الخدمه افضل من كذا 👍🏻

اولا اللي ماسكين الحسابات وقوقل ماب مصريين فيعني عارفين وش يعني هذا الكلام ادق عليهم ارسل مايردون تبين موعد احجزي من العياده نفسها واذا حجزتي من مجموعة طبيب ماطلو فيك ولا خلوك تدخلين الموعد على وقته ! الاستقبال من اسوء مايكون سيئين جدااااا جدا جدا لا اسلوب ولا تعامل ولا اي شي الاسره حقتهم محروقه كلها والنظافه لك عليها

My laser sessions with Lia is really satisfying she is precise and pays attention to details and tiny hair which is really important for me. Thank you Lia for making my laser sessions amazing, I'm glad that I met you.

العياده قمه في الأخلاق والذوق خصوصا منى الله يسعدها وين ماتروح وياحظكم فيها وباخلاصها واخلاقها مكسب لكم العياده تحترم المواعيد جدا ،وتجربتي رائعه وخدومين

زرت العيادة بدون موعد والحمدلله كان فيه توفر واستقبلوني بسرعة دخلت عند الدكتورة نادية وما شاء الله شغلها بذمة وضمير ويدها خفيفة وتحرص تشرح كل التفاصيل والإجراءات اللي تحتاجينها بشكل واضح وغير كذا النتائج تبان بسرعة وهذا أكثر شيء عجبني التجربة جدا ممتازة ومارح تكون أخر زيادة بدون شر

سويت عند الأخصائية فاطمة تنظيف بشرة وكانت التجربة أكثر من رائعة ! شغلها نظيف، يدها خفيفة، وتشرح كل خطوة بكل اهتمام. لاحظت فرق واضح من أول جلسة. صراحة من أفضل الأخصائيات اللي تعاملت معهم وأنصح فيها بقوة 💕

جرّبت عيادة مختلفة ورجعت لهم للامانة تعاملهم مختلف الأهم عندهم تجين على الموعد ولو اختلف معك الوقت يغيرونه لك الاستقبال تعاملهم جميل ما شاء الله والاجهزة الليزر يحطون المناسب لك على بشرتك بعد ماتشوفين الاخصائية عيادة جميلة ونظافة كويسة ما شاء الله

تجربتنا مع الأخصائية فاطمة في عيادة زويا كانت أكثر من رائعة 🤍 اهتمت ببشرة بنتي المراهقة باحترافية ووعي، خصوصًا أنها تعاني من حبوب ورؤوس سوداء وإجهاد في البشرة. أعطتها وقتها كامل بدون استعجال، وشرحت لها الطريقة الصحيحة للعناية ببشرتها بخطوات واضحة تناسب عمرها. أسلوبها هادئ ومريح جدًا، وتعاملها يدل على خبرة وفهم حقيقي لطبيعة بشرة المراهقات. فعلًا حسّست بنتي بالاهتمام والثقة. شكرًا فاطمة، اختيار موفق وأنصح فيها بكل ثقة

جميع موظفات الاستقبال رائعون وعيادة جدا حديثه وروعه وتقنيه عالية الجودة اما الاسعار تنافسيه والدكتورة الفاضله نادية السعيد ماشاء الله تبارك الله الله يحفظها عملها جدا رائع يعلم الله انها كذلك شكرا لكم جميعا وهذا ما كنت ابحث عنه سابقا

ماشاء الله تبارك الرحمن رحت سويت جلسه هيدرافيشل على يد الاخصائيه فاطمه الله يجزاها الخير الصراحه روعه تعاملها واسلوبها عسسل ويدها خفيفه ومبدعه

العيادة جميلة من ناحية النظافه ودقة العمل أسوي ليزر مع بريانكا وسوريا مره شغلهم حلو و دقيق بالعمل، غير موظفات الإستقبال عسل مره بالتعامل والأسلوب

من احلى ال clinics الي داخلتها بحياتي. شغلهم رائع. الله يباركلهم في كل هللة. انا حاجزة full body laser و ماشية مع suriye ما شاء الله شغلها ممتاز.

جربت تنظيف بشرة عند الأخصائية فاطمة وكانت تجربتي جداً جميلة. شغلها مرتب ويدها خفيفة واهتمامها بالتفاصيل واضح، وشرحت لي خطوات العناية بالبشرة بطريقة مفهومة. المكان نظيف وتعاملها راقي وتخلي الزبونة مرتاحة. أكيد مو آخر زيارة لي وأنصح فيها.

مساء الخير.. سويت تنظيف بشرة مع الأخصائية فاطمة محرزي صراحه شغلها لايعلى عليه نظافة وأمانه ونصائح مفيدة انصح فيه بشدة وراح اكرر التجربة ان شاء الله 👌🏻 موعدي الجاي ديرمابن معاها كمان

“تجربة أكثر من رائعة! المجمع يتميز بنظافة المكان وترتيبه، والأطباء ما شاء الله عليهم شُطار ومتمكنين، يهتمون بأدق التفاصيل ويوضحون لك خطة العلاج بكل وضوح. تعامل الموظفين راقٍ جدًا، استقبالهم بشوش خصوصا "هبه" ويحرصون على راحتك من لحظة دخولك لين تطلع. الأجهزة حديثة والعلاجات متطورة، والحلو إن النتائج تبيّن بسرعة. وأخص بالذكر الأخصائية مريم، إنسانة محترفة بمعنى الكلمة، شغلها متقن وتتعامل مع المرضى بكل لطف واهتمام، وتشرح كل خطوة أثناء العلاج بطريقة تريحك وتطمنك. بصراحة مكان يستاهل التقييم العالي، وأنصح فيه لكل اللي يدورون عناية جلدية مضمونة وخدمة على مستوى عالٍ. الله يوفقهم ويزيدهم من فضله!”

تجربتي كانت سيئة جدًا للأسف. توني طلعت من جلسة ليزر، وبعدها شفت انها جرحتني بالموس جرحين في يدي أثناء الجلسة. الممرضة ما سوت شغلها بالشكل المطلوب، وكان واضح نقص الخبرة أو عدم الحرص في استخدام الجهاز. هذا الشيء سبب لي وإزعاج كبير خصوصا انو عندي مناصبه مهمه بكرا رفعة شكوى للمسؤوله وكنت أتوقع مستوى أعلى من الاحترافية في التعامل مع هذي المواقف. أبدا ما أنصح بهذا المكان، وأتمنى من الإدارة مراجعة الموضوع واتخاذ الإجراءات اللازمة

تجربة سيئة جدًا، الأجهزة عندهم متهالكة وواضح إنها غير آمنة للاستخدام. مؤسف جدًا إن عيادة ما تهتم بصيانة معداتها أو بسلامة المراجعين. من غير المقبول تماماً أن يتم إنكار وجود ملفي بعد هذا العدد من الزيارات. هذا التصرف يعكس ضعفاً واضحاً في المهنية وسوء إدارة تجربة العملاء. زرتكم أكثر من سبع مرات ولم ألاحظ أي تحسّن يُذكر؛ جودة الأجهزة والالتزام بالنظافة منخفضة جداً. كما توجد تقارير وشكاوى تفيد بتعرض أكثر من شخص لحروق نتيجة أعطال أو سوء صيانة في أجهزتكم. إن طريقة تعامل الإدارة وردودها على ملاحظات العملاء تبيّن أن المشكلة أعمق من خلل مؤقت ، المشكلة في ثقافة المتابعة والسلامة نفسها. أنصح الإدارة بمراجعة إجراءات الصيانة والنظافة فوراً واتخاذ خطوات واضحة لحماية المترددين قبل أن تتطور الأمور إلى حالات أكثر خطورة

اجمل عيادة الصدق من حيث نظافة العياده وشغل النيرسات الكويسات جربت كذا نيرس كويسات واستقبال الموظفين عامة جميل ومايقصرون وخاصه موظفة خدمة العملاء (منى )شكرا ع الخدمة الحلوه تعامل رائع انصح بالزياره ..

سويت عندهم جلسه ليزر مع الاخصائية روينا صراحه شغلها ممتاز ودقيقه جدا في الليزر احب اشكرها على شغلها الي يبرد القلب ❤️❤️❤️❤️